/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2025/06/Top-Sunset-Point-In-Gujarat.jpg)
ગુજરાતમાં જોવાલાયક ઘણા સ્થળો છે જે પ્રકૃતિ પ્રેમી નેચર લવર્સ માટે સ્વર્ગ સમાન છે. આ સ્થળો પર પ્રવાસીઓ કુદરતી સૌંદર્યનો અદભુત નજારો માણી શકે છે. નેચર લવર્સને ખાસ કરીને સૂર્યાસ્ત એટલે કે સનસેટનો નજારો જોવો ગમે છે. જો તમને પણ સનસેટ જોવાનો શોખ છે તો અહીં ગુજરાતમાં એવા 4 સ્થળો જાણકારી છે જ્યાં તમે સૂર્યાસ્તનો મનમોહદ નજારો જોઇ શકાય છે. (Photo: Social Media)
/indian-express-gujarati/media/media_files/wp-content/uploads/2025/06/girnar-sunset-photo.jpg)
ગિરનાર ગુજરાતનો સૌથી ઊંચો પર્વત છે. ગિરનાર પર્વતની ઊંચાઈ દરિયાની સપાટીથી સરેરાશ 914 મીટર અને ક્ષેત્રફળ 112.63 ચોકિમી છે. ગિરનારનો સૌથી ઉંચો પર્વત ગુરુ શિખર 3600 ફુટની ઉંચાઇ પર આવેલું છે. ગિરનારના 5 પર્વતો પર 866 મંદિરો અને ધાર્મિક સ્થાનો આવેલા છે. ગિરનાર પરથી ચારેય બાજુ લીલાછમ જંગલ જોઇ શકાય છે. ગિરનાર પર્વતની ટોચથી આથમતા સૂર્યાસ્તનો નજારો જોવો એક યાદગાર ક્ષણ હોય છે. દર્શનાર્થીઓની સુવિધા માટે ગિરનાર પર્વતની તળેટીથી 3300 ફુટની ઉંચાઇ પર સ્થિત અંબાજી મંદિર સુધી રોપ વેની સુવિધા છે. (Photo: Social Media)
/indian-express-gujarati/media/media_files/wp-content/uploads/2025/06/Saputara-Sunset-Point.jpg)
સાપુતારા ગુજરાતના ડાંગ જિલ્લામાં આવેલું પ્રખ્યાત હિલ સ્ટેશન છે. સહ્યાદ્રિ પર્વતમાળામાં જંગલ વચ્ચે આશરે 1000 મીટર જેટલી ઉંચાઇ પર આવેલું સાપુતારા હિલ સ્ટેશન પર જંરલ, ઝરણાં, નદી, પક્ષી અને પ્રાણી સાથે કુદરતી સૌંદર્યની સાથે આદિવાસી લોકસંસ્કૃતિને નજીકથી જોવાની તક મળે છે. સનસેટ પોઇન્ટ જોવા મોટી સંખ્યામાં પ્રવાસીઓ સાપુતારા આવે છે. સૂર્યની લાલીમા વચ્ચે આકાશ ધરતીનું મિલન થતું હોય ત્યારે સનસેટની અદભુત ક્ષણ જોવી આહલાદક હોય છે. સાપુતારા આવતા પ્રવાસીઓ તળાવમાં બોટિંગ કરવાની પણ મજા માણે છે. (Photo: Social Media)
/indian-express-gujarati/media/media_files/wp-content/uploads/2025/06/shivrajpur-beach-sunset.jpg)
શિવરાજપુર બીચ ગુજરાતમાં દ્વારકાથી 16 કિમી દૂર આવેલું છે. ચમકતી રેતી, વાદળી રંગનું સ્વચ્છ દરિયાના પાણીની લહેર અને શાંત વાતાવરણ પ્રવાસીઓને શિવરાજપુર બીચ ખેંચી લાવે છે. અહીં દરિયાની ચમકતી રેતીમાં સાંજના સમયે આકાશમાં સૂર્યની લાલીમા સાથે સૂર્યાસ્તનો નજારો યાદગાર રહે છે. (Photo: Social Media)
/indian-express-gujarati/media/media_files/wp-content/uploads/2025/06/taranga-hill-sunset.jpg)
તારંગા હિલ ગુજરાતના મહેસાણા જિલ્લાના સતલાસમણ તાલુકામાં આવેલું એક તીર્થસ્થાન અને પ્રવાસ સ્થળ છે. આશરે 365.76 ફૂટ જેટલી ઉંચાઇ ધરાવતા તારંગા હિલ પર હિંદુ, જૈન અને બૌદ્ધ ધર્મના મંદિરો આવેલા છે. ચોમાસાના વરસાદ બાદ તારંગા હિલ પરની હરિયાળી જોવાલાયક હોય છે. તારંગા હિલની ટોચ પરથી વાદળો વચ્ચે છુપાતા સૂર્યના દ્રશ્ય કેમેરામાં કેપ્ચર કરી શકાય છે. (Photo: Social Media)