/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2024/07/Saving-Tips.jpg)
રોકાણ એ નાણાકીય આયોજનનું અભિન્ન અંગ છે. નવા રોકાણકારોને ક્યારેક એવું લાગી શકે છે કે રોકાણ કરવું મુશ્કેલ કામ છે. કેટલીકવાર રોકાણ સાથે સંકળાયેલા જોખમ અંગે ચિંતા થાય છે, કેટલીકવાર ફાઇનાન્સને લગતી ટેકનિકલ શબ્દ સમજવામાં મુશ્કેલી પડે છે. પરંતુ સત્ય એ છે કે જો તમને યોગ્ય માર્ગદર્શન મળે, તો સફળ રોકાણકાર બનવું એટલું મુશ્કેલ નથી, હા, આ કરવા માટે, નવા રોકાણકારોએ જાણવું આવશ્યક છે કે તેમને શું કરવાનું છે અને શું નહીં.
/indian-express-gujarati/media/media_files/wp-content/uploads/2024/07/Investment-Tips-1.jpg)
/indian-express-gujarati/media/media_files/wp-content/uploads/2024/07/How-To-Save-Money.jpg)
સૌ પ્રથમ તો નજર કરીયે એવી ભૂલ જે કરવાથી બચવું કોઈ પણ નવા રોકાણકારની સફળતા માટે જરૂરી છે. બિલકુલ એવી રીતે જેમ તમે નવું નવું ડ્રાઇવિંગ શીખનાર વ્યક્તિ માટે બ્રેક અને એક્સિલરેટર વિશે જાણવા જરૂરી છે, જેથી વાહન ચલાવતી વખતે કોઈ અકસ્માત ન થાય.
/indian-express-gujarati/media/media_files/wp-content/uploads/2024/07/Money-Investment-Tips.jpg)
એક મોટી ગેરસમજ એ છે કે શેરબજારમાં ઝડપથી પૈસા કમાવવા માટે ટ્રેડિંગ એ એક સારો માર્ગ છે. ઘણા લોકો માને છે કે તેઓ શેરની વારંવાર ખરીદી અને વેચાણ કરીને મોટો નફો કમાઇ શકે છે. જો કે ટ્રેડિંગ એ રોકાણ નથી. ટ્રેડિંગમાં ટ્રાન્ઝેક્શન ખર્ચ અને સતત બજારની વધઘટનો અનુમાન લગાવવો પડે છે, જે ખૂબ જ મુશ્કેલ કાર્ય છે. સફળ રોકાણનો અર્થ એ છે કે સારી કંપનીઓ અથવા સારા ફંડ્સના યુનિટના શેર ખરીદવા અને પછી બજારની વધઘટ દરમિયાન પણ તેમને પકડી રાખવા. તમે જે કંપનીમાં કે ફંડ્સમાં રોકાણ કરી રહ્યા છો તેના લાંબા ગાળાના પર્ફોર્મન્સને સમજો અને તેના પર ભરોસો રાખવો એ અત્યંત મહત્ત્વનું છે. જો તમે લાંબા સમય સુધી રોકાણ કરો તો જ તમને વધુ સારું વળતર મળી શકે છે.
/indian-express-gujarati/media/media_files/wp-content/uploads/2024/07/Investment-On-Retrun.jpg)
તમે ડેરિવેટિવ્ઝ ટ્રેડિંગમાં રોકાણને મૂડીનો બગાડ કરવાની સરળ રીત પણ કહી શકો છો. તેમાં રોકાણ કરનારા ઘણીવાર નફાની લાલચમાં ફસાઈ જાય છે, જેના કારણે તેઓ ક્યારેક પોતાના રોકાણની મૂળ રકમથી ઘણી વધારે માત્રામાં લીવરેજ્ડ પોઝિશન લઈ લે છે. વધતા જતા બજારમાં આ નફો વધારવાની તક આપે છે, પરંતુ જ્યારે બજાર ઘટે છે ત્યારે પણ એટલું જ મોટું નુકસાન થઈ શકે છે. ડેરિવેટિવ્ઝ ટ્રેડિંગ એકદમ જટિલ છે અને મોટાભાગના રોકાણકારો માટે તે યોગ્ય માનવામાં આવતું નથી.
/indian-express-gujarati/media/media_files/wp-content/uploads/2024/07/IPO-1.jpg)
આઈપીઓ એટલે કે ઇનિશિયલ પબ્લિક ઓફર (આઇપીઓ)માં રોકાણને ઘણી વખત ઝડપી નફો કમાવવાની તક તરીકે જોવામાં આવે છે. સત્ય એ છે કે કેટલાક આઇપીઓ લિસ્ટિંગના દિવસે જ પોતાના રોકાણકારોને નફો આપે છે, પરંતુ સામાન્ય રીતે આઇપીઓમાં રોકાણ કરવા સાથે મોટું જોખમ સંકળાયેલું હોય છે, કારણ કે જે શેરની ટ્રેડિંગ હિસ્ટ્રી ન હોય તેમાં રોકાણ કરવું હંમેશાં જોખમી હોય છે. ઘણી વખત સારી કંપનીઓના આઇપીઓ ઘણીવાર ઓવરસબ્સ્ક્રાઇબ થઇ જાય છે અને તેમાં એલોટમેન્ટ મેળવવું મુશ્કેલ બની જાય છે. બીજી તરફ, રોકાણકારોમાં ઓછો રસ ધરાવતી કંપનીઓ તેમના શેર સરળતાથી ફાળવી શકે છે, પરંતુ તેઓ અન્ડરપર્ફોર્મન્સ કરે તેવી શક્યતા રહે છે. આ ઉપરાંત ઘણી વખત આઇપીઓ પહેલા કેટલાક શેરમાં ઘણી બધી હાઇપ બનાવવામાં આવે છે, જેના કારણે તે ઓવરસબસ્ક્રાઇબ થઇ જાય છે, પરંતુ લિસ્ટિંગ બાદ તેમનું પ્રદર્શન સારું નથી હોતું. ઘણા આઇપીઓમાં ઓફર ફોર સેલ (ઓએફએસ) હોય છે, જેમાં હાલના રોકાણકાર/પ્રમોટર બજારની સ્થિતિનો લાભ લઇને વાજબી કરતાં ઊંચા ભાવે તેના શેરનું વેચાણ કરે છે. આવા ઇશ્યૂમાં નવા રોકાણકારોને ભવિષ્યમાં નુકસાન વેઠવું પડે છે.
/indian-express-gujarati/media/media_files/wp-content/uploads/2024/07/Money-Saving-Tips.jpg)
જો તમને કોઈ એવી તક કે રોકાણ માટેની ઓફર મળે છે જે માન્યામાં ન આવે તેટલી સારી લાગે છે, તો તરત જ સાવચેત રહો. રોકાણની આવી તક મોટો ખતરો સાબિત થઈ શકે છે. ખૂબ સારી લાગતી તકોથી સાવચેત રહેવું એ સલામત રોકાણનો મૂળ સિદ્ધાંત ગણી શકાય. ઓછા જોખમ સાથે જંગી નફાનું વચન આપતી રોકાણ યોજનાઓને સામાન્ય રીતે રિસ્ક એલાર્મ તરીકે જોવી જોઈએ. કેટલીકવાર તમે તમારા સામાજિક વર્તુળના કોઈ સ્રોતમાંથી આવી તકો વિશેની માહિતી મેળવી શકો છો, જેના પર તમે ખૂબ વિશ્વાસ કરો છો. પરંતુ હંમેશાં યાદ રાખો કે જો કોઈ વસ્તુ પર વિશ્વાસ કરવા માટે ખૂબ જ સારું લાગે છે, તો તે માનવા યોગ્ય નથી.
/indian-express-gujarati/media/media_files/wp-content/uploads/2024/07/investment-strategy.jpg)
નવા રોકાણકારે શેનાથી દૂર રહેવું જોઈએ તેની ચર્ચા કર્યા બાદ હવે આપણે જાણીએ કે સફળ રોકાણકાર બનવા માટે શું કરવું જરૂરી છે.
/indian-express-gujarati/media/media_files/wp-content/uploads/2024/07/Saving-tips-for-beginners.jpg)
રોકાણનો આધાર બચત છે. તમે ગમે તેટલી કમાણી કરો પણ જો બચત વગર રોકાણ કરી શકાય નહી. બચત વગર રોકાણની શ્રેષ્ઠ તકો મળે ત્યારે પણ તમે તેનો લાભ લઈ શકતા નથી. એટલા માટે તમારી આવકનો એક ભાગ બચાવવાની આદત પાડવી ખૂબ જરૂરી છે. તમે જેટલી જલદી આ આદત પાડશો, તેટલો તમને વધુ ફાયદો મળશે. અને એક વખત આ સારી ટેવ પડી જશે, ત્યારબાદ તમારે તેને હંમેશાં ચાલુ રાખવાનો આગ્રહ રાખવો જોઈએ.
/indian-express-gujarati/media/media_files/wp-content/uploads/2024/07/investment-tips-for-beginners.jpg)
રોકાણને હંમેશા લાંબાગાળાના દ્રષ્ટિકોણથી જોવું જોઈએ. બજારમાં ટૂંકા ગાળા માટે વધઘટ થશે, પરંતુ લાંબા ગાળે બજારનો ટ્રેન્ડ સામાન્ય રીતે ઉપર તરફ રહેતો હોય છે. તમે સ્ટોક, મ્યુચ્યુઅલ ફંડ કે રિકરિંગ ડિપોઝિટમાં રોકાણ કરતા હોવ, ધીરજ રાખવી જરૂરી છે. જે લોકો ક્યાંથી શરૂ કરવું તે અંગે અનિશ્ચિત હોય તેમના માટે રિકરિંગ ડિપોઝિટ અથવા મ્યુચ્યુઅલ ફંડ્સમાં સિસ્ટેમેટિક ઇન્વેસ્ટમેન્ટ પ્લાન્સ (એસઆઇપી) સારા વિકલ્પો છે.
/indian-express-gujarati/media/media_files/wp-content/uploads/2024/07/Money-Saving-Investment-Tips.jpg)
જેમ જેમ તમારી આવક વધે છે, તેમ તેમ તમારી બચતની રકમ પણ વધારવી જોઈએ. ફુગાવો ચલણના મૂલ્યને ઘટાડે છે, તેથી વધતા ખર્ચ સાથે તાલ મિલાવવા માટે તમારી બચતમાં સતત વધારો કરતા રહેવું મહત્વપૂર્ણ છે. તમારી આવકની અમુક ટકાવારી બચાવવાનું ધ્યેય રાખો અને સમય જતાં આ ટકાવારીમાં વધારો કરો, કારણ કે જેમ જેમ તમારી આવક વધે તેમ તેમ જરૂરી ખર્ચાઓનું પ્રમાણ સામાન્ય રીતે ઘટવું જોઈએ. જો તમે તેને તમારા પ્લાનિંગમાં સામેલ કરશો તો તમે કમ્પાઉન્ડિંગની મદદથી મોટું કોર્પસ બનાવી શકશો.