Advertisment
FE Budget 2026
Co-presented by
Associate Sponsor
ન્યૂઝ Photos

મથુરા-વૃંદાવન જઇ રહ્યા છો તો અવશ્ય ફરો આ 5 સ્થળ, મન ખુશ થઇ જશે

Mathura-Vrindavan Top 5 Places Visit : તમે પણ મથુરા જવાનું વિચારી રહ્યા છો, તો અહીં કેટલીક એવી જગ્યાઓ છે જેની મુલાકાત લેવી જ જોઈએ. મથુરા-વૃંદાવનના આ ખાસ સ્થળો તમને માનસિક શાંતિ તો આપશે જ, પણ તમારી યાત્રાને સફળ પણ બનાવશે

Written byAshish Goyal

Mathura-Vrindavan Top 5 Places Visit : તમે પણ મથુરા જવાનું વિચારી રહ્યા છો, તો અહીં કેટલીક એવી જગ્યાઓ છે જેની મુલાકાત લેવી જ જોઈએ. મથુરા-વૃંદાવનના આ ખાસ સ્થળો તમને માનસિક શાંતિ તો આપશે જ, પણ તમારી યાત્રાને સફળ પણ બનાવશે

author-image
Ashish Goyal
પર અપડેટ કર્યું
New Update
Mathura, Vrindavan places
Mathura-Vrindavan Top 5 Places Visit : ભગવાન કૃષ્ણની નગરી મથુરા અને વૃંદાવન એવા પવિત્ર સ્થળો છે જ્યાં દરેક વ્યક્તિ ઓછામાં ઓછું એક વાર તો જવા માંગે છે. આ સ્થળો તેમના મંદિરો, કથાઓ અને ભક્તિમય વાતાવરણ માટે સમગ્ર વિશ્વમાં પ્રખ્યાત છે. મથુરા એ પવિત્ર ભૂમિ છે જ્યાં ભગવાન કૃષ્ણનો જન્મ થયો હતો, જ્યારે વૃંદાવનમાં તેમણે પોતાની બાળ લીલાઓ કરી અને રાસ રમ્યા હતા. આ બંને સ્થળોનું વાતાવરણ એટલું શાંત અને પવિત્ર છે કે મનને એક અલગ જ શાંતિ મળે છે. જો તમે પણ મથુરા જવાનું વિચારી રહ્યા છો, તો અહીં કેટલીક એવી જગ્યાઓ છે જેની મુલાકાત લેવી જ જોઈએ. મથુરા-વૃંદાવનના આ ખાસ સ્થળો તમને માનસિક શાંતિ તો આપશે જ, પણ તમારી યાત્રાને સફળ પણ બનાવશે. (તસવીર - સોશિયલ મીડિયા)
banke bihari mandir
બાંકે બિહારી મંદિર (વૃંદાવન) : ભગવાન કૃષ્ણના 'બાંકે બિહારી' સ્વરૂપને સમર્પિત આ મંદિર વૃંદાવનનું સૌથી પ્રિય અને પ્રખ્યાત સ્થળ છે. અહીં ભગવાનની એક ઝલક મેળવવા માટે લોકોને લાંબા સમય સુધી રાહ જોવી પડે છે. કારણ કે અહીં ભગવાનના દર્શન માત્ર થોડીક સેકન્ડ માટે જ થાય છે અને પડદો વારંવાર પાડી દેવાય છે. એવું કહેવાય છે કે આવું એટલા માટે કરવામાં આવે છે કે ભક્તો ભગવાનની છબીથી મોહિત ન થાય. આ મંદિર મથુરા રેલવે સ્ટેશનથી લગભગ 12 કિલોમીટર દૂર છે. અહીં પહોંચવા માટે તમે ઓટો અથવા ઇ-રિક્ષાની મદદ લઈ શકો છો. (તસવીર - સોશિયલ મીડિયા)
govardhan parvat
ગોવર્ધન પર્વત અને ગિરિરાજ જી મંદિર (ગોવર્ધન) : જ્યારે પણ તમે જાઓ ત્યારે ચોક્કસપણે ગોવર્ધન પર્વત અને ગિરિરાજ જી મંદિરની મુલાકાત લો. એવું કહેવાય છે કે ગોવર્ધન પર્વત એ સ્થાન છે, જેને ભગવાન શ્રીકૃષ્ણએ પોતાની ટચલી આંગળી પર ઉંચકીને વ્રજના લોકોને ઇન્દ્રદેવના ક્રોધથી બચાવ્યા હતા. આ પર્વતની 21 કિમી લાંબી 'પરિક્રમા' ખૂબ જ પવિત્ર માનવામાં આવે છે. ગિરિરાજ જીનું મંદિર અને પરિક્રમા માર્ગ ભક્તોને ભક્તિ અને તપસ્યાનો ખૂબ જ સુંદર અનુભવ આપે છે. ગોવર્ધન મથુરાથી લગભગ 22 કિમી દૂર છે. બસ, ટેક્સી અથવા ખાનગી વાહન દ્વારા અહીં સરળતાથી પહોંચી શકાય છે. (તસવીર - સોશિયલ મીડિયા)
krishna janmabhoomi Mathura
શ્રી કૃષ્ણ જન્મભૂમિ મંદિર (મથુરા) : જો તમે મથુરા ફરવા જાઓ અને શ્રી કૃષ્ણ જન્મભૂમિ મંદિરની મુલાકાત ન લો તો સમજો કે તમારી યાત્રા અધૂરી છે. આ એ જ જગ્યા છે જ્યાં ભગવાન કૃષ્ણનો જન્મ જેલમાં થયો હતો. આ મંદિરમાં તે જેલ પણ છે, જેમાં ભગવાનનો કૃષ્ણનો જન્મ થયો હતો. તેને જોઈને એક અલગ જ આધ્યાત્મિક ઉર્જાનો અનુભવ થઈ શકે છે. આ મંદિર ખૂબ જ સુંદર રીતે બનેલું છે. અહીં આખું વર્ષ ભક્તોની ભીડ રહે છે. જન્માષ્ટમી પર અહીં ભવ્ય ઉત્સવનું પણ આયોજન કરવામાં આવે છે. શ્રી કૃષ્ણ જન્મભૂમિ મંદિર મથુરા જંકશનથી લગભગ 3-4 કિલોમીટર દૂર છે. ઓટો અથવા ઇ-રિક્ષા દ્વારા અહીં સરળતાથી પહોંચી શકાય છે. (તસવીર - સોશિયલ મીડિયા)
prem mandir
પ્રેમ મંદિર (વૃંદાવન): સફેદ આરસપહાણથી બનેલું પ્રેમ મંદિર, મથુરાનું ખૂબ જ સુંદર મંદિર છે. રાધા-કૃષ્ણ અને સીતા-રામની સુંદર મૂર્તિઓથી શણગારેલું આ મંદિર દિવસ દરમિયાન તો સુંદર લાગે છે, પરંતુ રાત્રે જ્યારે તેને રંગબેરંગી રોશનીથી શણગારવામાં આવે છે, ત્યારે તેની સુંદરતા જોવા જેવી હોય છે. દરરોજ સાંજે અહીં રાસલીલાનો ઝાંખી પણ ગોઠવવામાં આવે છે, જે ભક્તો માટે મુખ્ય આકર્ષણ છે. મથુરા જંકશનથી પ્રેમ મંદિરનું અંતર લગભગ 12 કિલોમીટર છે. અહીં પહોંચવા માટે, તમે ટેમ્પો અથવા ટેક્સીની મદદ લઈ શકો છો. (તસવીર - સોશિયલ મીડિયા)
radha raman mandir
રાધા રમણ મંદિર (વૃંદાવન) : આ મંદિર રાધા-કૃષ્ણના પવિત્ર અને અતૂટ પ્રેમનું પ્રતીક છે. એવું માનવામાં આવે છે કે આ મંદિરમાં ભગવાન શ્રી કૃષ્ણની મૂર્તિ સ્વયં પ્રગટ થઈ હતી, તેને 'સ્વયંભુ' તરીકે ઓળખવામાં આવે છે. આ મંદિરની ખાસ વાત એ છે કે તેમાં રાધાજીની કોઈ મૂર્તિ નથી, પરંતુ રાધારાણીના વસ્ત્રો અને આભૂષણો શ્રી કૃષ્ણની મૂર્તિ સાથે રાધાજીના રૂપમાં બેઠેલા છે. આ મંદિરમાં મનને ખૂબ શાંતિ મળે છે અને ભક્તિના ભાવથી તરબોળ અહીંનું વાતાવરણ મનને આકર્ષિત કરે છે. તે મથુરા રેલ્વે સ્ટેશનથી લગભગ 12 કિલોમીટર દૂર છે. ઓટો દ્વારા અહીં સરળતાથી પહોંચી શકાય છે. (તસવીર - સોશિયલ મીડિયા)
મથુરા કૃષ્ણ જન્મભૂમિ જીવનશૈલી પ્રવાસ