Advertisment
FE Budget 2026
Co-presented by
Associate Sponsor
ન્યૂઝ Photos

ભૂતકાળની યાદોથી છૂટકારો મેળવવા માટે ભારતના આ 5 શહેરોમાં આવે છે લોકો, મળે છે શાંતિ

Travel News : ભારતમાં ઘણા ઇમોશનલ ડેસ્ટિનેશન છે. જો તમે પણ તમારા જીવનમાં કોઈ ભૂલ, દુ:ખ કે પ્રિયજનો ગુમાવવાના દુઃખના બોજમાંથી પસાર થઈ રહ્યા છો. તો જીવનમાં શાંતિ અને આરામ માટે ભારતના આ 5 ફેમસ ઇમોશનલ ડેસ્ટિનેશન મુલાકાત લેવાનું આયોજન કરો.

Written byAshish Goyal

Travel News : ભારતમાં ઘણા ઇમોશનલ ડેસ્ટિનેશન છે. જો તમે પણ તમારા જીવનમાં કોઈ ભૂલ, દુ:ખ કે પ્રિયજનો ગુમાવવાના દુઃખના બોજમાંથી પસાર થઈ રહ્યા છો. તો જીવનમાં શાંતિ અને આરામ માટે ભારતના આ 5 ફેમસ ઇમોશનલ ડેસ્ટિનેશન મુલાકાત લેવાનું આયોજન કરો.

author-image
Ashish Goyal
પર અપડેટ કર્યું
New Update
Travel News
Travel News: દરેક વ્યક્તિના જીવનમાં એક એવી ક્ષણ આવે છે જ્યારે તે જીવનથી નિરાશ અને પોતાને કમજોર અનુભવે છે. આ તે ક્ષણ છે જ્યારે પીડાના નિશાન શરીર કરતાં હૃદય પર વધુ દેખાય છે. પીડાના આ ઘાવને ભરવા માટે વ્યક્તિને કોઈ થેરેપી કે સમયની જરૂર નથી પરંતુ એક શાંતિ સ્થળ કે જગ્યા રાહત આપે છે. ભારતમાં આવા ઘણા ઇમોશનલ ડેસ્ટિનેશન છે. જો તમે પણ તમારા જીવનમાં કોઈ ભૂલ, દુ:ખ કે પ્રિયજનો ગુમાવવાના દુઃખના બોજમાંથી પસાર થઈ રહ્યા છો, તો પોતાની જાતથી ભાગશો નહીં, પરંતુ જીવનમાં શાંતિ અને આરામ માટે ભારતના આ 5 ફેમસ ઇમોશનલ ડેસ્ટિનેશન મુલાકાત લેવાનું આયોજન કરો. (તસવીર - સોશિયલ મીડિયા)
ઋષિકેશ, ઉત્તરાખંડ
ઋષિકેશ, ઉત્તરાખંડ : ઋષિકેશ ફક્ત યોગ અને વોટર રાફ્ટિંગ સુધી મર્યાદિત નથી. લોકો શહેરોના ઘોંઘાટથી દૂર શાંતિની થોડી ક્ષણો વિતાવવા માટે અહીં આવે છે. અહીં આવતા લોકો ગંગા કિનારે લાંબી શેર કરીને અને ગંગા આરતી જોઈને ઇમોશનલ હીલિંગની સાથે માનસિક શાંતિનો અનુભવ કરે છે. અહીં પહોંચ્યા પછી વ્યક્તિને એવું લાગવા લાગે છે કે મા ગંગા ભારે હૃદયમાં છુપાયેલા દુ:ખને પણ ધોઈને બહરા કાઢી નાખે છે. (તસવીર - સોશિયલ મીડિયા)
ત્સો મોરીરી, લદ્દાખ
ત્સો મોરીરી, લદ્દાખ : શહેરનો ઘોંઘાટ લદ્દાખના ત્સો મોરીરીમાં આવીને શાંત થઈ જાય છે. ભીડથી દૂર ઊંચાઈ પર તળાવો છે. ત્યાં પહોંચવું સરળ નથી. અહીં આવતા મોટાભાગના લોકો પ્રવાસીઓ નથી, પરંતુ એવા યાત્રીઓ છે જેઓ કોઈ પ્રકારની પીડા અનુભવી રહ્યા છે અને જીવનમાં શાંતિ શોધી રહ્યા છે. અહીં 15,000 ફૂટની ઊંચાઈ પર, હવા ચોક્કસપણે પાતળી છે, પરંતુ તે એક અજીબ પ્રકારની શાંતિ આપે છે. અહીં ના તો ફોનના સિગ્નલ છે, ના સોશિયલ મીડિયા, ના કોઇ ધ્યાન ભટકાવનારી વસ્તુ. ફક્ત તાજી હવા, પાણી, પર્વતો અને તમે છો, જ્યાં તમે સરળતાથી તમારી જાતને સાંભળી શકો છો. (તસવીર - સોશિયલ મીડિયા)
માજુલી ટાપુ, આસામ
માજુલી ટાપુ, આસામ : વિશ્વનો સૌથી મોટો નદી ટાપુ, માજુલી, બ્રહ્મપુત્ર નદી પર આવેલો છે. તે આસામ રાજ્યમાં સ્થિત છે અને પોતાની કુદરતી સુંદરતા, સમૃદ્ધ સંસ્કૃતિ અને જીવંત મઠો માટે જાણીતું છે. અહીં આવતા લોકોને શહેરોની ધમાલ અને વધુ પડતા ઓવરથિંકિંગથી પણ રાહત મળે છે. અહીં આવતા મોટાભાગના લોકો પોતાને માનસિક રીતે થાકેલા માને છે, જેમને રાહત મળે છે. અહીં પહોંચીને લોકો વધુ સ્મિત કરે છે, પક્ષીઓનો અવાજ સંભળાય છે અને હવા પણ ઓછી પ્રદૂષિત અને સ્વચ્છ છે. અહીં પહોંચીને લોકો શાંતિ શોધતા ફરતા નથી પરંતુ તેને પોતાની અંદર અનુભવે છે. (તસવીર - સોશિયલ મીડિયા)
બોધ ગયા બિહાર
બોધ ગયા, બિહાર : ગૌતમ બુદ્ધને બોધ ગયામાં જ્ઞાન પ્રાપ્ત થયું હતું. લોકો જ્યારે ખૂબ જ ભાવનાત્મક રીતે તૂટી ગયા હોય ત્યારે અહીં આવે છે. ઘણા લોકો બોધિ વૃક્ષ નીચે પોતાના પ્રશ્નોના જવાબ મેળવવા માટે નહીં પણ સ્વીકૃતિ મેળવવા માટે બેસે છે. ગૌતમ બુદ્ધે પણ પોતાના ભૂતકાળના દુ:ખને ભૂંસી નાખ્યા ન હતા પરંતુ તેને જ્ઞાનમાં ફેરવ્યા હતા. જે લોકો બોધગયામાં ઘણા દિવસો સુધી મૌનમાં બેસે છે તેમનું માનવું એ છે કે ક્યારેક ભૂતકાળને માફ કરવાનો અર્થ તેને ભૂલી જવાનું નથી. તેનો અર્થ તેને પાઠના રુપમાં જોવાનો સજાના રુપમાં નહીં. (તસવીર - સોશિયલ મીડિયા)
વારાણસી
વારાણસી, ઉત્તર પ્રદેશ : વારાણસી શહેર વિશે ઘણીવાર એવું કહેવામાં આવે છે કે અહીં જે વ્યક્તિનું મૃત્યુ થાય છે તેને પુનર્જન્મના ચક્રમાંથી કાયમ માટે મુક્તિ મળે છે. વારાણસી ફક્ત મૃતકો માટે જ નથી તે એવા જીવિત લોકો માટે પણ છે જે જીવનમાં કોઈપણ પ્રકારનું દુ:ખ વહન કરી રહ્યા છે. અહીં આવીને તેમને ઘણી શાંતિ અને હળવાશ અનુભવે છે. અહીં લોકો ઘાટ પર ફક્ત મૃતદેહોને જ નહીં પરંતુ તેમના દુ:ખ અને પસ્તાવો પણ સળગાવે છે. (તસવીર - સોશિયલ મીડિયા)
જીવનશૈલી પ્રવાસ india દેશ