વંદે ભારત સ્લીપર ટ્રેનમાં 22 કોચ હશે, જાણો કેવી હશે સુવિધાઓ

Vande Bharat Sleeper Train : રેલવે મંત્રાલયે વંદે ભારત એક્સપ્રેસના સ્લીપર વર્ઝનની ડિઝાઈનને અંતિમ સ્વરૂપ આપી દીધું છે. આ વર્ષના અંત સુધીમાં સ્લીપર કોચ તૈયાર થઈ જશે અને આવતા વર્ષે ફેબ્રુઆરીથી દોડવાનું શરૂ થશે

October 02, 2023 16:51 IST

ભારતની સેમી-હાઈ સ્પીડ ટ્રેન વંદે ભારત એક્સપ્રેસને લઈને નવી માહિતી સામે આવી છે. રેલવે મંત્રાલયે તાજેતરમાં વંદે ભારત સ્લીપર ટ્રેનની ડિઝાઇનને આખરી ઓપ આપ્યો છે. (સ્રોત: @dailytravelhac1/instagram)

સ્લીપર વંદે ભારત ટ્રેનનો ફર્સ્ટ લુક પણ સામે આવ્યો છે. સ્લીપર ટ્રેન અંદરથી કેવી દેખાશે તેની કેટલીક એનિમેટેડ તસવીરો સામે આવી છે. (સ્રોત: @dailytravelhac1/instagram)

રેલવે મંત્રી અશ્વિની વૈષ્ણવના જણાવ્યા અનુસાર, વંદે ભારત એક્સપ્રેસના સ્લીપર વર્ઝનમાં 20 થી 22 કોચ હશે, જેમાં 857 બર્થ હશે. તેમાંથી 823 બર્થ મુસાફરો માટે અને 34 બર્થ સ્ટાફ માટે આરક્ષિત હશે. (સ્રોત: @dailytravelhac1/instagram)

દરેક કોચમાં મિની પેન્ટ્રી પણ હશે. ટ્રેનમાં વાઈ-ફાઈ અને એલઈડી સ્ક્રીન પણ હશે જે મુસાફરોને તેમની મુસાફરી વિશેની માહિતી આપશે. મુસાફરોની સુરક્ષા માટે ટ્રેનમાં સીસીટીવી કેમેરા લગાવવામાં આવશે. (સ્રોત: @dailytravelhac1/instagram)

મળતી માહિતી મુજબ, વંદે ભારત સ્લીપર કોચનું નિર્માણ ચેન્નાઈની ઈન્ટિગ્રલ કોચ ફેક્ટરી (ICF)માં કરવામાં આવશે. આ સાથે, રેલવે રશિયન કંપની સાથે મળીને 120 વંદે ભારત ટ્રેનો તૈયાર કરવાની યોજના ધરાવે છે. (સ્રોત: @dailytravelhac1/instagram)

તમને જણાવી દઈએ કે, હાલમાં વંદે ભારતમાં માત્ર ચેર કારની વ્યવસ્થા છે. એટલે કે, મુસાફરો આ ટ્રેનમાં બેસીને જ મુસાફરી કરી શકે છે, તેથી લાંબા અંતરની મુસાફરી માટે તેનો ઉપયોગ કરવામાં આવ્યો નથી. પરંતુ હવે ટૂંક સમયમાં મુસાફરો વંદે ભારતથી લાંબા અંતરની મુસાફરી કરી શકશે. (સ્રોત: @dailytravelhac1/instagram)

એવું કહેવામાં આવી રહ્યું છે કે આ વર્ષના અંત સુધીમાં સ્લીપર કોચ તૈયાર થઈ જશે અને તેઓ આવતા વર્ષ એટલે કે ફેબ્રુઆરી 2024થી ટ્રેક પર દોડવાનું શરૂ કરશે. (સ્રોત: @dailytravelhac1/instagram)