IPL 2024 : શુભમન ગિલ અને સાઇ સુદર્શને 210 રનની પાર્ટનરશિપ નોંધાવી, જાણો આઈપીએલની ટોપ 10 ભાગીદારી

IPL Highest Partnerships : આઈપીએલ 2024ની 59મી મેચમાં ચેન્નાઈ સુપર કિંગ્સ સામે ગુજરાત ટાઈટન્સના કેપ્ટન શુભમન ગિલ અને સાઇ સુદર્શને શાનદાર બેટિંગ કરતા સદી ફટકારી હતી. આ મેચમાં શુભમન ગિલે સાઈ સુદર્શન સાથે મળીને 210 રનની ભાગીદારી નોંધાવી હતી. આ સાથે જ તેમણે આઇપીએલમાં ગુજરાત માટે સૌથી મોટી ભાગીદારીનો રેકોર્ડ પણ બનાવ્યો હતો. આ સિવાય આઈપીએલમાં ચોથા નંબરની સૌથી મોટી ભાગીદારી નોંધાવી હતી.

શુભમન ગિલે આ સિઝનની પ્રથમ સદી ફટકારી

શુભમન ગિલે સીએસકે સામેની આ મેચમાં પ્રથમ 25 બોલમાં પોતાની અડધી સદી પૂરી કરી હતી અને તે પછી તેણે 50 બોલમાં પોતાની સદી પણ ફટકારી હતી. કેપ્ટન ગિલે આ મેચમાં 55 બોલમાં 6 સિક્સર અને 9 ફોરની મદદથી 104 રન બનાવ્યા હતા અને ત્યારબાદ આઉટ થઈ ગયો હતો.

આઈપીએલની ટોપ 10 ભાગીદારી

આ પણ વાંચો - કોણ છે મેદાન પર કેએલ રાહુલ પર ગુસ્સે થનાર સંજીવ ગોએન્કા? ધોની સાથે પણ કરી ચૂક્યા છે ખરાબ વ્યવહાર

શુભમન ગિલે સૂર્યકુમાર અને ઋતુરાજની બરાબરી કરી

ગિલે સીએસકે સામે સદી ફટકારી હતી અને તે ટી 20 ક્રિકેટમાં તેની છઠ્ઠી સદી હતી. આ પહેલા રૂતુરાજ ગાયકવાડ, કેએલ રાહુલ, સૂર્યકુમાર યાદવ ટી-20માં 6 સદી ફટકારવાની સિદ્ધિ મેળવી ચૂક્યા છે. ગિલે હવે આ બેટ્સમેનોની બરાબરી કરી લીધી છે. વિરાટ કોહલી ભારત તરફથી ટી 20 માં સૌથી વધુ 9 સદી ફટકારી છે, જ્યારે રોહિત શર્માએ 8 સદી ફટકારી છે.

ટી-20માં સૌથી વધુ સદી ફટકારનારા ભારતીય બેટ્સમેનો

• 9 – વિરાટ કોહલી
• 8 – રોહિત શર્મા
• 6 – રુતુરાજ ગાયકવાડ
• 6 – કેએલ રાહુલ
• 6 – સૂર્યકુમાર યાદવ
• 6 – શુભમન ગિલ