IND vs SL Asia Cup Live Score: શ્રીલંકાનો વિજય રથ અટક્યો, ટીમ ઇન્ડિયા ફાઇનલમાં

India vs Sri Lanka Asia Cup 2023 Live Score: એશિયા કપ 2023 સુપર 4 જંગમાં સોમવારે ભારત પાકિસ્તાન મેચ રમાઇ હતી. ભારતે પાકિસ્તાનને જંગી લીડ સાથે હરાવી ઐતિહાસિક જીત મેળવી હતી. આજે ભારત શ્રીલંકા મેચમાં શરુઆતથી જ શ્રીલંકન બોલર્સ હાવી જોવા મળ્યા. રોહિત શર્માની અર્ધ સદી બાદ કરતાં અન્ય કોઇ બેટસમેન ટકી શક્યા ન હતા અને ટીમ ઇન્ડિયા 50મી ઓવરમાં 213 રન પર ઓલઆઉટ થઇ ગઇ. વેલાલેજે 10 ઓવરમાં 40 રન પર 5 વિકેટ ઝડપી. વેલાલેજે શુભમન ગિલ, વિરાટ કોહલી, રોહિત શર્મા, કેએલ રાહુલ અને હાર્દિક પંડ્યાને શિકાર બનાવ્યા હતા.

ભારતે ટોસ જીતી પ્રથમ બેટિંગ લીધી છે અને ભારતે શાનદાર શરુઆત કરી હતી. જોકે બાદમાં ઉપરા ઉપરી વિકેટો પડી હતી. 35મી ઓવરમાં ભારતને પાંચમો ઝટકો લાગ્યો છે. અસલંકાના બોલ પર ઇશાન કિશન શોટ મારવા જતાં 33 રનના સ્કોર પર કેચ આઉટ થયો. 36મી ઓવરમાં ભારતને છઠ્ઠો ઝટકો લાગ્યો હાર્દિક પંડ્યા વિકેટકિપરના હાથમાં કેચ આઉટ થયો. 39મી ઓવરમાં રવિન્દ્ર જાડેજાના રૂપમાં ભારતની 7મી વિકેટ પડી.

શુભમન ગિલ 19 રન બનાવી આઉટ થયો. શુભમન ગિલ બાદ વિરાટ કોહલી પણ સસ્તામાં આઉટ થઇ ગયો. 12 બોલમાં માત્ર 3 રન બનાવી વિરાટ કેચ આઉટ થયો. વેલ્લાલાગેના બોલમાં 53 રનના સ્કોર પર રોહિત ક્લિન બોલ્ડ થયો. 30મી ઓવરમાં કેએલ રાહુલ 34 રન બનાવી આઉટ થયો છે.

અહીં નોંધનિય છે કે, ભારતે સોમવારે પાકિસ્તાનને 233 રનથી હરાવ્યું હતું. ભારતીય બેટસમેન વિરાટ કોહલી અને કેએલ રાહુલ બંનેએ સદી ફટકારી પાકિસ્તાનને ધૂળ ચટાવી હતી. ભારતીય ઓપનર્સ રોહિત શર્મા અને શુભમન ગિલે પણ અર્ધી સદી ફટકારી હતી.

એશિયા કપ 2023 અંતર્ગત મંગળવારે સુપર 4 જંગમાં ભારત સામે શ્રીલંકા ટકરાયું છે. ભારતે ટોસ જીતી પ્રથમ બેટિંગ પસંદ કરી છે. પાકિસ્તાન સામેની મેચની જેમ આજની આ મેચ સામે પણ વરસાદનો ખતરો લટકી રહ્યો છે. વરસાદને કારણે પાકિસ્તાન સામેની મેચ અધ વચ્ચે સ્થગિત કરવામાં આવી હતી અને બીજા દિવસે મેચ રમાઇ હતી. જેમાં ભારતે અક્યાર સુધીની મોટી લીડ સાથે જીત મળવી હતી.

Sep 12, 2023 23:14 IST
ટીમ ઇન્ડિયા 10મી વખત એશિયા કપ ફાઇનલમાં પહોંચી
પાકિસ્તાન અને શ્રીલંકાન ટીમ વચ્ચે હવે 14 ઓક્ટોબરે મુકાબલો થશે, આ સુપર-4ની મેચ નોક આઉટ જેવી બની ગઇ છે. મેચ જીતનાર ટીમ 17 સપ્ટેમ્બરે ફાઇનલ રમશે. સુપર-4માં ભારત પોતાની છેલ્લી મેચ બાંગ્લાદેશ સામે 15 સપ્ટેમ્બરે રમશે. ટીમ ઇન્ડિયા 10મી વખત એશિયા કપ ફાઇનલમાં પહોંચી છે.



Sep 12, 2023 23:11 IST
IND vx SL Live: શ્રીલંકા સામે ટીમ ઇન્ડિયાએ 41 રને મેચ જીત
ટીમ ઇન્ડિયાના કુલદીપ યાદવે મથીસા પથીરાનાને ક્લિન બોલ્ડ કર્યો. આ સાથે ટીમ ઇન્ડિયાએ શ્રીલંકાને 41 રનથી હરાવી મેચ જીતી લીધી છે. શ્રીલંકાની ટીમ 41.3 ઓવરમાં 172 ટન પર આઉટ થઇ ગઇ છે. દુનિથ વેલ્લાજે 46 બોલમાં 42 ટન બનાવી અણનમ રહ્યો છે. આ મેચમાં જીતની સાથે ટીમ ઇન્ડિયા ફાઇનલમાં પહોંચી ગઇ છે. શ્રીલંકાની ક્રિકેટ ટીમનો રથ અટક્યો, તે સતત 13 મેચથી જીતી રહી હતી.



Sep 12, 2023 23:07 IST
IND vx SL Live: શ્રીલંકાનો વિજય રથ અટક્યો, ટીમ ઇન્ડિયા ફાઇનલમાં
ટીમ ઇન્ડિયાએ સતત બીજા દિવસે મેચ જીત છે. આ સાથે એશિયા કપ 2023 ટુર્નામેન્ટમાં ટીમ ઇન્ડિયા ફાઇનલમાં પહોંચી ગઇ છે.



Sep 12, 2023 22:58 IST
કુલદીપ યાદવે કસુન રજિથાને આઉટ કર્યો
ટીમ ઇન્ડિયાના કુલદીપ યાદવે શ્રીલંકાના કસુન રજિથાને બોલ્ડ કર્યો છે.
શ્રીલંકાનો સ્કોર - હાલ 41.1 ઓવરમાં 9 વિકેટ ગુમાવી 172 રન.



Sep 12, 2023 22:14 IST
શ્રીલંકા ટીમ 6 વિકેટ 146 રન
શ્રીલંકાની ટીમે 32.4 ઓવરમાં 6 વિકેટ ગુમાવી દીધી છે અને 146 રન બનાવ્યા છે.
ભારતે મેચ જીતવા શ્રીલંકા સામે 214 રનનો ટાર્ગેટ આપ્યો છે.



Sep 12, 2023 19:32 IST
ભારત 213 રનમાં સમેટાયું
ટીમ ઇન્ડિયા શ્રીલંકન બોલર્સ સામે 50 ઓવર પણ ટકી ન શકી અને છેલ્લી ઓવરમાં 213 રનના સ્કોર પર સમેટાઇ ગઇ. રોહિત શર્માની હાફ સદીને બાદ કરતાં અન્ય કોઇ બેટ્સમેન ખાસ ચાલ્યો નહીં.



Sep 12, 2023 19:20 IST
ભારતનો સ્કોર 200 રનને પાર
ભારતનો સ્કોર 200 રનને પાર થયો છે. અક્ષર પટેલ અને સિરાજ બેટિંગ કરી રહ્યા છે. 48 ઓવરના અંતે ભારતનો સ્કોર 9 વિકેટ પર 208 રન છે. અક્ષર પટેલ 24 રન અને સિરાજ 3 રન સાથે રમતમાં છે. 48મી ઓવરના છેલ્લા બોલ પર અક્ષર પટેલે સિક્સ ફટકારી



Sep 12, 2023 18:25 IST
IND vs SL Asia Cup Live Score : વરસાદ શરૂ, ભારત 197/9
ભારત શ્રીલંકા મેચ વરસાદને લીધે હાલ પુરતી રોકાઇ છે. 47 ઓવરના અંતે ભારતનો સ્કોર 197 રન પર 9 વિકેટ છે. મોહમ્મદ સિરાજ 2 રન પર અને અક્ષર પટેલ 15 રન પર રમી રહ્યા છે.



Sep 12, 2023 18:06 IST
IND vs SL Asia Cup Live Score : જસપ્રિત બુમરાહ, કુલદિપ આઉટ
43મી ઓવરમાં ભારતની વધુ બે વિકેટ પડી. અસલંકાના બોલ પર જસપ્રિત બુમરાહ બોલ્ડ થયો અને એના બીજા જ બોલ પર કુલદિપ યાદવ સ્લિપમાં કેચ આઉટ થયો. ભારત નાજુક સ્થિતિમાં છે. હજુ સાત ઓવરનો ખેલ બાકી છે અને વિકેટ એક જ છે. સિરાજ અને અક્ષર બેટીંગ કરી રહ્યા છે.



Sep 12, 2023 17:59 IST
IND vs SL Asia Cup Live Score : ભારત 40 ઓવરમાં 180/7
40 ઓવરની રમતના અંતે ભારતનો સ્કોર 7 વિકેટ પર 180 રન છે. અક્ષર પટેલ 5 અને જસપ્રીત બુમરાહ 1 રન પર રમી રહ્યા છે. ધનજંય ડી સિલ્લાએ 40મી ઓવરમાં માત્ર 2 રન જ આપ્યા. ભારતની સરેરાશ રનરેટ 4.50 છે.



Sep 12, 2023 17:52 IST
IND vs SL Asia Cup Live Score : રવિન્દ્ર જાડેજા આઉટ
ભારતે 39મી ઓવરમાં રવિન્દ્ર જાડેજાના રૂપમાં 7મી વિકેટ ગુમાવી. ભારતનો સ્કોર 178 રન થયો છે. અક્ષર પટેલ 4 રન પર રમી રહ્યો છે અને જાડેજા આઉટ થતાં બુમરાહ બેટિંગ માટે આવ્યો છે. અસલંકાના બોલ પર જાડેજા મૂંઝવાઇ ગયો અને કટ લાગતાં વિકેટકિપરના હાથમાં ઝડપાઇ ગયો.



Sep 12, 2023 17:41 IST
IND vs SL Asia Cup Live Score : હાર્દિક પંડ્યા આઉટ
શ્રીલંકન સ્પિનર વેલાલેજ ભારતીય બેટ્સમન પર ભારે પડી રહ્યો છે. એક પછી એક કરતાં હાર્દિક પંડ્યાના રૂપમાં પાંચમી વિકેટ લઇ ગયો. 36મી ઓવરમાં હાર્દિક પંડ્યા વિકેટકિપરના હાથમાં કેચ આઉટ થયો. વેલાલેજ 10 ઓવરમાં 40 રન આપી 5 વિકેટ ઝડપી.



Sep 12, 2023 17:36 IST
IND vs SL Asia Cup Live Score : ભારત 35 ઓવરમાં 171/5
ભારતે 35 મી ઓવરમાં પાંચમી વિકેટ ગુમાવી. અસલંકાના બોલ પર હિટ મારવા જતાં ઇશાન કિશન 33 રનના સ્કોર પર કેચ આઉટ થયો. 35 ઓવર બાદ ભારતનો સ્કોર 5 વિકેટ પર 171 રન છે. રવિન્દ્ર જાડેજા અને હાર્દિક પંડ્યા હાલ બેટીંગ કરી રહ્યા છે. ભારતની સરેરાશ રનરેટ 5 કરતાં પણ અંદર ચાલી રહી છે.



Sep 12, 2023 17:12 IST
IND vs SL Asia Cup Live Score : ભારત 30 ઓવરમાં 154/4
ભારતનો સ્કોર આગળ વધી રહ્યો છે. 30મી ઓવરમાં ભારતે 150 રનનો આંકડો પાર કરી લીધો છે. જોકે 30મી ઓવરના છેલ્લા બોલે વેલાલેજ ફરી ઘાતક સાબિત થયો અને કેએલ રાહુલ 34 રન પર આઉટ થયો. 30 ઓવરમાં ભારતનો સ્કોર 154 રન પર ચાર વિકેટ છે.



Sep 12, 2023 16:53 IST
IND vs SL Asia Cup Live Score : ભારત 25 ઓવરમાં 128/3
એશિયા કપ સુપર 4 જંગમાં શ્રીલંકા બોલર્સ ભારતીય બેટ્સમેન પર ભારે પડી રહ્યા છે. 25 ઓવરની રમતના અંતે ભારતનો સ્કોર 3 વિકેટ પર 128 રન છે. કેએલ રાહુલ અને ઇશાન કિશન બંને 18 -18 રનના સ્કોર પર બેટિંગ કરી રહ્યા છે.



Sep 12, 2023 16:38 IST
IND vs SL Asia Cup Live Score : ભારત 20 ઓવરમાં 109/3
ભારત શ્રીલંકા મેચ શ્રીલંકાના હાથમાં સરી રહી છે. ભારતે ટોસ જીતી પ્રથમ બેટીંગ લીધી. પરંતુ શુભમન અને વિરાટની વિકેટ સસ્તામાં પડી. રોહિત શર્મા પણ 53 રન પર આઉટ થયો. 20 ઓવરમાં ભારતનો સ્કોર ત્રણ વિકેટ પર 109 રન છે. કિશન અને રાહુલ બેટીંગ કરી રહ્યા છે.



Sep 12, 2023 16:22 IST
રોહિત શર્મા પણ 53 રને આઉટ
ભારત શ્રીલંકા મેચ રોમાંચક બની રહી છે. ભારતીય ઓપનર શુભમન ગિલ સસ્તામાં આઉટ થયા બાદ વન ડાઉન વિરાટ કોહલી પણ માત્ર ત્રણ રન પર આઉટ થયો હતો. સ્પિનર દુનિથ વેલાલેજે રોહિત શર્માને બોલ્ડ કર્યો હતો.



Sep 12, 2023 16:09 IST
વિરાટ કોહલી આઉટ, રોહિત શર્મા 52 રન સાથે અણનમ
વિરાટ કોહલી કેચ આઉટ થયો છે. દુનિથ વેલલેઝે ટીમ ઇન્ડિયાને બીજો ઝટકો માર્યો છે. વિરાટ કોહલી 3 રન બનાવીને આઉટ થયો છે. ટીમ ઇન્ડિયાના સ્કોર હાલ 13.5 ઓવરમાં 90 રન છે. બે વિકેટ ગુમાવી છે. રોહિત શર્મા 52 રન બનાવીને અણનમ છે.
વિરાટ કોહલી આઉટ થતા હવે ટીમ ઇન્ડિયા તરફથી ઇશાન કિશન બેટિંગ માટે મેદાનમાં...



Sep 12, 2023 16:04 IST
ટીમ ઇન્ડિયાને પહેલો ફટકો, શુભમન ગિલ આઉટ
ટીમ ઇન્ડિયાને ડુનિથ વેલલેઝે પહેલો ઝટકો માર્યો છે. તેણે શુભમન ગિલને ક્લિન બોલ્ડ કર્યો છે. ગિલે 25 બોલમાં 19 રન બનાવ્યા છે. ડુનિથ વેલલેઝે પહેલી જ બોલમાં શુભમનની વિકેટ ઝડપી છે. ટીમ ઇન્ડિયાના હાલ 11.1 ઓવરમાં 1 વિકેટ ગુમાવી 80 રન છે. રોહિત શર્માએ 47 રન બનાવ્યા છે. શુભમન ગીલ આઉટ થતા હવે વિરાટ કોહલી મેદાનમાં...



Sep 12, 2023 16:00 IST
દાસુન શનાકાની ઓવરમાં રોહિત શર્માએ ચોગ્ગો ફટકાર્યો
ટીમ ઇન્ડિયાએ 10 ઓવરમાં કોઇ વિકેટ ગુમાવ્યા વગર 65 રન બનાવ્યા છે. શુભમન ગીલ 18 અને રોહત શર્મા 39 રન બનાવી મેદાનમાં અડિખમ છે. દાસુન શનાકાની ઓવરમાં રોહિતે ચોગ્ગો ફટકાર્યો છે.



Sep 12, 2023 15:58 IST
રોહિત શર્માએ વન-ડે ક્રિકેટમાં 10 હજાર રન બનાવ્યા
ટીમ ઇન્ડિયાના ખેલાડી રોહિત શર્મા એ વન-ડે ક્રિકેટ મેચમાં 10 હજાર રન બનાવ્યા છે. તેમણે સિક્સર ફટકારીને આ ઉપલબ્ધિ હાંસલ કરી છે. ટીમ ઇન્ડિયાએ 9 ઓવરમાં એક પણ વિકેટ ગુમાવ્યા વગર 44 રન બનાવ્યા છે. શુભમન ગીલ 14 અને રોહિત શર્મા 23 રન બનાવી બેટિંગ કરી રહ્યા છે.



Sep 12, 2023 15:54 IST
IND vs SL: શ્રેયસ ઐયર નહીં રમે
ભારતીય ક્રિકેટ જગતનો ઉભરતો ખેલાડી શ્રેયર ઐયર ઇજાને લીધે આજની મેચ નહીં રમી શકે. શ્રેયલ ઐયર અત્યારુ સારુ ફિલ કરી રહ્યા છે. જોકે તબીબોએ હજુ એને આમ કરવાની છૂટ આપી છે.



Sep 12, 2023 15:52 IST
IND vs SL: શ્રીલંકા સતત 13 વને ડેથી અજેય
શ્રીલંકાની ટીમને ઓછી આંકવી ભારત માટે ભૂલ સાબિત થઇ શકે છે. શ્રીલંકાની ટીમ છેલ્લી 13 વન ડે મેચમાં અજેય રહી છે. શ્રીલંકા ક્રિકેટ ટીમના બોલર્સ ઘાતક સાબિત થઇ શકે એમ છે. એશિયા કપમાં સોમવારે ભારતે પાકિસ્તાનને મોટી લીડથી હરાવ્યું હતું.