India Squad For Asia Cup 2023 : એશિયા કપ માટે ભારતીય ક્રિકેટ ટીમની જાહેરાત કરવામાં આવી છે. બીસીસીઆઈએ પાકિસ્તાન અને શ્રીલંકામાં રમાનારી આ ટૂર્નામેન્ટ માટે 18 ખેલાડીઓની ટીમની જાહેરાત કરી છે. એશિયા કપની શરૂઆત 30 ઓગસ્ટથી થશે. વન-ડે વર્લ્ડ કપ 2023ને ધ્યાનમાં રાખીને આ મલ્ટી નેશન ટૂર્નામેન્ટ 50 ઓવરના ફોર્મેટમાં રમાશે.
વન-ડે એશિયા કપમાં કુલ 6 ટીમો ભાગ લેશે. જેમને બે ગ્રુપમાં વહેંચવામાં આવ્યા છે. ગ્રુપ-એ માં ભારત, પાકિસ્તાન અને નેપાળ છે. જ્યારે ગ્રુપ- બી માં શ્રીલંકા, બાંગ્લાદેશ અને અફઘાનિસ્તાન છે. લીગ સ્ટેજમાં કુલ 6 મેચ રમાશે. લીગ સ્ટેજના એક ગ્રુપમાંથી બે ટીમ આગળના રાઉન્ડમાં પહોંચશે. પછી રાઉન્ડ રોબિન ફોર્મેટમાં સુપર-4 થશે. આ દરમિયાન 4 ટીમો વચ્ચે કુલ 6 મેચ રમાશે. પછી ફાઇનલ રમાશે. ટૂર્નામેન્ટમાં કુલ 13 મેચો રમાશે. બધી મેચો ભારતીય સમય પ્રમાણે બપોરે 3.00 કલાકે રમાશે.
આ પણ વાંચો – Asia Cup માટે ભારતીય ટીમ જાહેર, 17 ખેલાડીઓને મળી જગ્યા, કેએલ રાહુલ – શ્રેયસ અય્યરની વાપસી
એશિયા કપનો કાર્યક્રમ
30 ઓગસ્ટ – પાકિસ્તાન વિ. નેપાળ31 ઓગસ્ટ – શ્રીલંકા વિ. બાંગ્લાદેશ2 સપ્ટેમ્બર – ભારત વિ. પાકિસ્તાન3 સપ્ટેમ્બર – અફઘાનિસ્તાન વિ. બાંગ્લાદેશ4 સપ્ટેમ્બર – ભારત વિ. નેપાળ5 સપ્ટેમ્બર – અફઘાનિસ્તાન વિ. શ્રીલંકા
સુપર-4 રાઉન્ડ
6 સપ્ટેમ્બર – A1 v B29 સપ્ટેમ્બર – B1 v B210 સપ્ટેમ્બર – A1 v A212 સપ્ટેમ્બર – A2 v B114 સપ્ટેમ્બર – A1 v B115 સપ્ટેમ્બર – A2 v B217 સપ્ટેમ્બર – ફાઇનલ
ગત વર્ષે શ્રીલંકા ચેમ્પિયન બન્યું હતું
એશિયા કપ 2022માં યૂએઈમાં રમાયો હતો. આ ટૂર્નામેન્ટ ટી-20 ફોર્મેટમાં રમાઇ હતી. પાકિસ્તાનને ફાઇનલમાં હરાવીને શ્રીલંકા ચેમ્પિયન બન્યું હતું. ભારત સુપર-4માં શ્રીલંકા અને પાકિસ્તાન સામે હારીને બહાર થઇ ગયું હતું.
