Asia Cup 2025, Ind vs Ban : એશિયા કપ 2025, ભારતનો ફાઇનલમાં પ્રવેશ, બાંગ્લાદેશ સામે 41 રને વિજય

અભિષેક શર્માના 75 રન બાદ કુલદીપ યાદવ (3 વિકેટ) સહિત બોલરોના શાનદાર પ્રદર્શનની મદદથી ભારતે એશિયા કપ 2025માં બાંગ્લાદેશ સામે 41 રને વિજય મેળવ્યો છે. ભારતે 20 ઓવરમાં 6 વિકેટે 168 રન બનાવ્યા હતા. જવાબમાં બાંગ્લાદેશ 19.3 ઓવરમાં 127 રનમાં ઓલઆઉટ થઇ ગયું હતું. આ જીત સાથે ભારતે એશિયા કપની ફાઇનલમાં પ્રવેશ કર્યો છે.

શૈફ હસન 51 બોલમાં 3 ફોર અને 5 સિક્સર સાથે 69 રન બનાવી બુમરાહની ઓવરમાં કેચ આઉટ થયો. બાંગ્લાદેશે 116 રને નવમી વિકેટ ગુમાવી,

શૈફ હસને 36 બોલમાં 3 ફોર અને 4 સિક્સર સાથે અડધી સદી ફટકારી.

પરવેઝ હુસેન ઇમોન 19 બોલમાં 2 ફોર અને 1 સિક્સર સાથે 21 રને કુલદીપ યાદવનો શિકાર બન્યો. તૌહિદ હૃદોય 7, શમીમહુસેન 0, જાકેર અલી 4 અને મોહમ્મદ સૈફુદીન 4 રને આઉટ થયા. બાંગ્લાદેશે 109 રને છઠ્ઠી વિકેટ ગુમાવી.

તન્ઝીદ હસન 3 બોલમાં 1 રન બનાવી બુમરાહની ઓવરમાં કેચ આઉટ થયો. બાંગ્લાદેશે 4 રને પ્રથમ વિકેટ ગુમાવી.

એશિયા કપ 2025 ના સુપર ફોર મુકાબલામાં બાંગ્લાદેશ સામે ભારતે 20 ઓવરમાં 6 વિકેટે 168 રન બનાવી લીધા છે. બાંગ્લાદેશને જીતવા માટે 169 રનનો પડકાર મળ્યો છે.

હાર્દિક પંડ્યા 29 બોલમાં 4 ફોર અને 1 સિક્સર સાથે 38 રને આઉટ થયો. અક્ષર પટેલ 10 રને અણનમ રહ્યો. બાંગ્લાદેશ તરફથી રિસાદ હુસેને સૌથી વધારે 2 વિકેટ ઝડપી.

સૂર્યકુમાર યાદવ 11 બોલમાં 5 રન બનાવી મુશ્તાફિઝુર રહેમાનનો શિકાર બન્યો. જ્યારે તિલક વર્મા 7 બોલમાં 5 રન બનાવી કેચ આઉટ થયો.

અભિષેક શર્મા 37 બોલમાં 6 ફોર અને 5 સિક્સર સાથે 75 રન બનાવી રન આઉટ થયો. ભારતે 112 રને ત્રીજી વિકેટ ગુમાવી. આ પહેલા ભારતે 10.1 ઓવરમાં 100 રન બનાવ્યા હતા.

શિવમ દુબે 3 બોલમાં 2 રન બનાવી રિસાદ હુસેનનો બીજો શિકાર બન્યો. ભારતે 83 રને બીજી વિકેટ ગુમાવી.

અભિષેક શર્માએ શાનદાર પ્રદર્શન કરતા 25 બોલમાં 5 ફોર અને 3 સિક્સર સાથે અડધી સદી ફટકારી.

શુભમન ગિલ 19 બોલમાં 2 ફોર અને 1 સિક્સર સાથે 29 રન બનાવી રિશાદ હુસેનની ઓવરમાં કેચ આઉટ થયો. ભારતે 77 રને પ્રથમ વિકેટ ગુમાવી.

અભિષેક શર્મા અને શુભમન ગિલે ભારતની શાનદાર શરૂઆત અપાવી છે. ભારતે 5 ઓવરમાં 55 રન બનાવી લીધા છે. અભિષેક શર્મા 30 અને શુભમન ગિલ 24 રને રમતમાં છે.

તન્ઝીદ હસન, શૈફ હસન, પરવેઝ હુસેન ઇમોન, તૌહિદ હૃદોય, જાકેર અલી (કેપ્ટન), શમીમ હુસેન, નાસુમ અહેમદ, રિશાદ હુસેન, તન્ઝીમ હસન શાકિબ, મોહમ્મદ સૈફુદ્દીન, મુસ્તાફિઝુર રહેમાન.

અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, સંજુ સેમસન, શિવમ દુબે, હાર્દિક પંડ્યા, અક્ષર પટેલ, કુલદીપ યાદવ, જસપ્રીત બુમરાહ, વરુણ ચક્રવર્તી.

એશિયા કપ 2025 ના સુપર ફોર મુકાબલામાં ભારત સામે બાંગ્લાદેશના કેપ્ટન ઝાકિર અલીએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

એશિયા કપમાં ભારત અને બાંગ્લાદેશ વચ્ચેના રેકોર્ડની વાત કરીએ તો આ ટૂર્નામેન્ટમાં ટી 20 ફોર્મેટમાં બંને ટીમો ફક્ત બે વાર જ એકબીજા સામે ટકરાઈ છે. 2016ના એશિયા કપમાં બંને ટીમો ટકરાઈ હતી, જ્યાં ભારતનો બંને મેચમાં વિજય થયો હતો.

એશિયા કપ 2025 ટી 20 ફોર્મેટમાં રમાઈ રહ્યો છે. આ ફોર્મેટમાં ભારત અને બાંગ્લાદેશ વચ્ચેના હેડ-ટુ-હેડ રેકોર્ડ પર નજર કરીએ તો બંને ટીમો અત્યાર સુધી 17 વખત એકબીજા સામે ટકરાઇ છે. 17 મેચમાંથી ભારતનો 16 મેચમાં વિજય થયો છે. બાંગ્લાદેશ ફક્ત એક મેચમાં જીત મેળવવા સફળ રહ્યું છે. બાંગ્લાદેશનો એકમાત્ર વિજય 2019માં થયો હતો.

એશિયા કપ 2025 ના સુપર ફોર મુકાબલામાં બુધવારે ભારત બાંગ્લાદેશ વચ્ચે મુકાબલો થશે. આ મેચ દુબઈ ઇન્ટરનેશનલ સ્ટેડિયમમાં રમાશે. સુપર ફોરની પ્રથમ મેચમાં બન્ને ટીમોએ પ્રથમ મેચમાં જીત મેળવી છે. એટલે આ મેચમાં જીતનાર ટીમની ફાઇનલમાં પહોંચવાની શક્યતા વધુ મજબૂત બનાવી દેશે.