India vs Oman : એશિયા કપ 2025, ભારતનો ઓમાન સામે વિજય, ટીમ ઇન્ડિયા હવે રવિવારે પાકિસ્તાન સામે ટકરાશે

સંજુ સેમસનની અડધી સદીની (56) મદદથી ભારતે એશિયા કપ 2025માં ઓમાન સામે 21 રને વિજય મેળવ્યો હતો. ભારતે 20 ઓવરમાં 8 વિકેટે 188 રન બનાવ્યા હતા. જવાબમાં ઓમાન 20 ઓવરમાં 4 વિકેટે 167 રન બનાવી શક્યું હતું. ભારતે આ ટૂર્નામેન્ટમાં સતત ત્રીજો વિજય મેળવ્યો છે. ભારત હવે 21 સપ્ટેમ્બરે સુપર-4 માં પાકિસ્તાન સામે ટકરાશે.

હામિદ મિર્ઝા 33 બોલમાં 5 ફોર અને 2 સિક્સર સાથે 51 રને હાર્દિક પંડ્યાની ઓવરમાં આઉટ. વિનાયક શુક્લા 1 રને અર્શદીપનો શિકાર બન્યો. ઓમાને 155 રને ચોથી વિકેટ ગુમાવી.

હામિદ મિર્ઝાએ 30 બોલમાં 5 ફોર અને 2 સિક્સર સાથે અડધી સદી ફટકારી.

આમિર કાલીમ 46 બોલમાં 7 ફોર અને 2 સિક્સર સાથે 64 રને હર્ષિત રાણાની ઓવરમાં કેચ આઉટ થયો. ઓમાને 149 રને બીજી વિકેટ ગુમાવી.

આમિર કાલીમે શાનદાર બેટિંગ કરતા 38 બોલમાં 4 ફોર અને 2 સિક્સર સાથે અડધી સદી ફટકારી હતી. ઓમાને 13.5 ઓવરમાં 100 રન પુરા કર્યા.

જતિન્દર સિંઘ 33 બોલમાં 5 ફોર સાથે 32 રને બનાવી કુલદીપ યાદવની ઓવરમાં બોલ્ડ થયો. ઓમાને 56 રને પ્રથમ વિકેટ ગુમાવી.

એશિયા કપ 2025માં ઓમાન સામે ભારતે 20 ઓવરમાં 8 વિકેટે 188 રન બનાવી લીધા છે. ઓમાનને જીતવા માટે 189 રનનો પડકાર મળ્યો છે.

તિલક વર્મા 18 બોલમાં 1 ફોર અને 2 સિક્સર સાથે 29 રને અને અર્શદીપ સિંહ 1 રને રન આઉટ થયો. હર્ષિત રાણાના અણનમ 13 રન.

સંજુ સેમસન 45 બોલમાં 3 ફોર અને 3 સિક્સર સાથે 56 રને શાહ ફૈઝલની ઓવરમાં કેચ આઉટ થયો.

સંજુ સેમસને 41 બોલમાં 3 ફોર અને 3 સિક્સર સાથે અડધી સદી ફટકારી.

શિવમ દુબે 8 બોલમાં 5 રન બનાવી આમિર કાલીમની ઓવરમાં કેચ આઉટ થયો. ભારતે 130 રને પાંચમી વિકેટ ગુમાવી હતી.

અક્ષર પટેલ 13 બોલમાં 3 ફોર અને 1 સિક્સર સાથે 26 રન બનાવી કેચ આઉટ થયો. ભારતે 118 રને ચોથી વિકેટ ગુમાવી હતી.

ભારતે 10 ઓવરમાં 100 રન પુરા કર્યા. સંજુ સેમસન અને અક્ષર પટેલ રમતમાં છે.

અભિષેક શર્મા 15 બોલમાં 5 ફોર અને 2 સિક્સર સાથે 38 રન બનાવી રામાનંદીની ઓવરમાં કેચ આઉટ થયો. બીજી તરફ હાર્દિક પંડ્યા 1 બોલમાં 1 રન બનાવી રન આઉટ થયો હતો. ભારતે 73 રને ત્રીજી વિકેટ ગુમાવી હતી.

શુભમન ગિલ 8 બોલમાં 1 ફોર સાથે 5 રન બનાવી શાહ ફૈઝલની ઓવરમાં બોલ્ડ થયો. ભારતે 6 રને પ્રથમ વિકેટ ગુમાવી.

ભારતની ટીમમાં બે ફેરફાર કરવામાં આવ્યા છે. બુમરાહ અને વરુણ ચક્રવર્તીને આરામ આપવામાં આવ્યો છે. તેમના સ્થાને અર્શદીપ સિંહ અને હર્ષિત રાણાને સ્થાન મળ્યું છે.

અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, સંજુ સેમસન, શિવમ દુબે, હાર્દિક પંડ્યા, અક્ષર પટેલ, કુલદીપ યાદવ, હર્ષિત રાણા, અર્શદીપ સિંહ.

આમિર કાલીમ, જતિન્દર સિંઘ (કેપ્ટન), હામિદ મિર્ઝા, વિનાયક શુક્લા, શાહ ફૈઝલ, મોહમ્મદ નદીમ, આર્યન બિષ્ટ, ઝીકારા ઇસ્લામ, સમય શ્રીવાસ્તવ, શકીલ અહમદ, જીતેન રામાનંદી.

એશિયા કપ 2025ની છેલ્લી લીગ મેચમાં ઓમાન સામે ભારતના કેપ્ટન સૂર્યકુમાર યાદવે ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચ અબુ ધાબીના શેખ ઝાયેદ સ્ટેડિયમમાં રમાઇ રહી છે.

ભારતે અગાઉ પાકિસ્તાન અને UAE સામેની બંને મેચ જીતીને ચાર પોઈન્ટ મેળવ્યા છે અને સુપર ફોર માટે ક્વોલિફાય કર્યું છે. સુપર ફોરની રેસમાંથી પહેલાથી જ બહાર થઈ ગયેલ ઓમાન, ભારત સામે સારું પ્રદર્શન કરવા પ્રયત્નશીલ રહેશે.

એશિયા કપ 2025ની છેલ્લી લીગ મેચ ભારત અને ઓમાન વચ્ચે રમાશે. આ મેચ અબુ ધાબીના શેખ ઝાયેદ સ્ટેડિયમમાં રમાશે. ભારત T20 આંતરરાષ્ટ્રીય ક્રિકેટમાં પ્રથમ વખત ઓમાનનો સામનો કરશે