Asia Cup 2025 Ind vs SL : એશિયા કપ 2025, ભારતનો સુપર ઓવરમાં વિજય

સુપર ઓવરમાં શ્રીલંકાએ ફક્ત 2 રન બનાવ્યા હતા. જવાબમાં ભારતે પ્રથમ બોલે 3 રન બનાવી મેચ જીતી લીધી હતી. સૂર્યકુમાર યાદવે પ્રથમ બોલે 3 રન બનાવી લીધા હતા. શ્રીલંકા તરફથી કુશલ પરેરા 00 અને દાનુશ શનાકા 00 રને આઉટ થયા હતા. કામિન્દુ મેન્ડિસે 1 રન બનાવ્યો હતો. સુપર ઓવરમાં ભારત તરફથી અર્શદીપ સિંહે શાનદાર બોલિંગ કરી હતી.

એશિયા કપ 2025માં સુપર 4 રાઉન્ડની અંતિમ મેચમાં ભારતે આપેલા 203 રનના પડકાર સામે શ્રીલંકાએ 20 ઓવરમાં 5 વિકેટે 202 રન બનાવતા મેચ ટાઇ પડી હતી. શ્રીલંકાને અંતિમ ઓવરમાં 12 રનની જરુર હતી. જે હર્ષિત રાણાના ઓવરમાં 22 રન બનાવી લીધા હતા.

પથુમ નિશાંકા 58 બોલમાં 7 ફોર અને 5 સિક્સર સાથે 107 રન બનાવી હર્ષિત રાણાની ઓવરમાં કેચ આઉટ થયો.

પથુમ નિશાંકાએ 52 બોલમાં 7 ફોર અને 6 સિક્સર સાથે સદી ફટકારી.

ચરિથ અસલંકા 9 બોલમાં 5 રને કુલદીપ યાદવનો શિકાર બન્યો. જ્યારે કામિન્દુ મેન્ડિસ 3 રને અર્શદીપ સિંહની ઓવરમાં કેચ આઉટ થયો. શ્રીલંકાએ 163 રને ચોથી વિકેટ ગુમાવી.

કુશલ પરેરા 32 બોલમાં 8 ફોર અને 1 સિક્સર સાથે 58 રને વરુણ ચક્રવર્તીની ઓવરમાં સ્ટમ્પિંગ આઉટ થયો. શ્રીલંકાએ 134 રને બીજી વિકેટ ગુમાવી.

પથુમ નિશાકાએ 25 બોલમાં 4 ફોર અને 3 સિક્સર સાથે અડધી સદી ફટકારી. જ્યારે કુશલ પરેરાએ 25 બોલમાં 7 ફોર અને 1 સિક્સર સાથે અડધી સદી ફટકારી. શ્રીલંકાએ 8.5 ઓવરમાં 100 રન પુરા કર્યા.

કુશલ મેન્ડિસ પ્રથમ બોલે ખાતું ખોલાયા વિના હાર્દિક પંડ્યાની ઓવરમાં કેચ આઉટ થયો. શ્રીલંકાએ 7 રને પ્રથ્મ વિકેટ ગુમાવી.

એશિયા કપ 2025માં સુપર 4 રાઉન્ડની અંતિમ મેચમાં શ્રીલંકા સામે ભારતે 20 ઓવરમાં 5 વિકેટે 202 રન બનાવી લીધા છે. શ્રીલંકાને જીતવા માટે 203 રનનો પડકાર મળ્યો છે.

તિલક વર્માના 34 બોલમાં 4 ફોર અને 1 સિક્સર સાથે અણનમ 49 રન. અક્ષર પટેલના 15 બોલમાં 1 ફોર અને 1 સિક્સર સાથે અણનમ 21 રન. હાર્દિક પંડ્યા 2 રને કેચ આઉટ થયો.

સંજુ સેમસન 23 બોલમાં 1 ફોર અને 3 સિક્સર સાથે 39 રને શનાકાની ઓવરમાં કેચ આઉટ થયો. ભારતે 158 રને ચોથી વિકેટ ગુમાવી.

અભિષેક શર્મા 31 બોલમાં 8 ફોર અને 2 સિક્સર સાથે 61 રને અસલંકાની ઓવરમાં કેચ આઉટ થયો. ભારતે 92 રને ત્રીજી વિકેટ ગુમાવી. ભારતે 10 ઓવરમાં 100 રન પુરા કર્યા.

સૂર્યકુમાર યાદવ 13 બોલમાં 1 ફોર સાથે 12 રન બનાવી હસરંગાની ઓવરમાં એલબી આઉટ થયો. ભારતે 74 રને બીજી વિકેટ ગુમાવી.

અભિષેક શર્માએ 22 બોલમાં 7 ફોર અને 2 સિક્સર સાથે અડધી સદી ફટકારી. અભિષેકે આ ટૂર્નામેન્ટમાં સતત ત્રીજી અડધી સદી ફટકારી.

શુભમન ગિલ 3 બોલમાં 1 ફોર સાથે 4 રન બનાવી મહેશ તીક્ષણાની ઓવરમાં કેચ આઉટ થયો. ભારતે 15 રને પ્રથમ વિકેટ ગુમાવી.

ભારતીય ટીમમાં બે ફેરફાર કરાયા છે. શિવમ દુબે અને જસપ્રીત બુમરાહને આરામ આપવામાં આવ્યો છે. તેમના સ્થાને હર્ષિત રાણા અને અર્શદીપ સિંહનો સમાવેશ કરાયો છે.

ભારત : અભિષેક શર્મા, શુભમન ગિલ, સૂર્યકુમાર યાદવ (કેપ્ટન), સંજુ સેમસન, તિલક વર્મા, હાર્દિક પંડ્યા, અક્ષર પટેલ, હર્ષિત રાણા, કુલદીપ યાદવ, અર્શદીપ સિંહ, વરુણ ચક્રવર્તી.

પથુમ નિસાંકા, કુસલ મેન્ડિસ, કુસલ પરેરા, ચરિથ અસલંકા (કેપ્ટન), દાસુન શનાકા, કામિન્દુ મેન્ડિસ, જાનીથ લિયાંગે, વાનિન્દુ હસારંગા, મહેશ તીક્ષણા, દુષ્મંતા ચમીરા, નુવાન તુષારા.

એશિયા કપ 2025માં સુપર 4 રાઉન્ડની અંતિમ મેચમાં ભારત સામે શ્રીલંકાના કેપ્ટન ચરિથ અસલંકાએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ દુબઈ ઇન્ટરનેશનલ ક્રિકેટ સ્ટેડિયમમાં રમાઇ રહી છે.

જસપ્રીત બુમરાહને આ મેચમાં આરામ આપવામાં આવે તેવી સંભાવના છે. કારણ કે ટીમ મેનેજમેન્ટ રવિવારે રમાનારી ફાઈનલ અને ભારત-વેસ્ટ ઈન્ડીઝ ટેસ્ટ શ્રેણી અગાઉ તેના વર્કલોડને મેનેજ કરવાનો પ્રયાસ કરશે. તેના સ્થાને અર્શદીપ સિંહને તક મળી શકે છે. અર્શદીપ સિંહ એશિયા કપમાં ઓમાન સામેની મેચમાં રમ્યો હતો. આ સિવાય કુલદીપ યાદવને આરામ આપીને ટીમ હર્ષિત રાણાના રૂપમાં એક્સ્ટ્રા ફાસ્ટ બોલર સાથે રમી શકે છે. આ ઉપરાંત તિલક વર્માના સ્થાને બેટ્સમેન રિંકુ સિંહ રમી શકે છે. સંજુ સેમસનને બદલે જિતેશ શર્માને પ્લેઈંગ ઈલેવનમાં સામેલ કરવામાં આવે તેવી પણ શક્યતા છે. બાંગ્લાદેશ સામેની સુપર-4 મેચમાં સંજુ સેમસને બેટીંગ કરી ન હતી.

એશિયા કપ 2025માં સુપર 4 રાઉન્ડની અંતિમ મેચમાં શુક્રવારે ભારત અને શ્રીલંકા વચ્ચે મુકાબલો થશે. ભારત શ્રીલંકા સામેની સુપર 4 રાઉન્ડની અંતિમ મેચમાં ત્રણથી ચાર ફેરફાર કરી શકે છે. આ મેચનું ખાસ મહત્વ એટલા માટે નથી કારણ કે ભારત ફાઈનલમાં પહોંચી ચૂક્યું છે અને શ્રીલંકા બહાર થઈ ગયું છે, તેથી ભારતીય ટીમ માટે એશિયા કપમાં અત્યાર સુધી પોતાની સંપૂર્ણ પ્રતિભા બતાવી શક્યા ન હોય તેવા તેના ખેલાડીઓને તક આપશે.