Asia Cup 2025, Pak vs Ban : એશિયા કપ 2025, પાકિસ્તાનનો વિજય, રવિવારે ભારત સામે ફાઇનલમાં ટકરાશે

બોલરોના શાનદાર પ્રદર્શનની મદદથી પાકિસ્તાને એશિયા કપ 2025ના સુપર 4 માં મુકાબલામાં બાંગ્લાદેશ સામે 11 રને વિજય મેળવ્યો છે. પાકિસ્તાને 20 ઓવરમાં 8 વિકેટે 135 રન બનાવ્યા હતા. જવાબમાં બાંગ્લાદેશે 20 ઓવરમાં 9 વિકેટે 124 રન બનાવ્યા હતા. આ જીત સાથે પાકિસ્તાને ફાઇનલમાં પ્રવેશ કર્યો છે. 28 સપ્ટેમ્બરને રવિવારે ભારત સામે ફાઇનલમાં ટકરાશે.

જાકેર અલી 9 બોલમાં 5 અને શમીમ હુસૈન 25 બોલમાં 2 સિક્સર સાથે 30 રને શાહિન આફ્રિદીની ઓવરમાં કેચ આઉટ થયો.

તૌહિદ હૃદોય 10 બોલમાં 5, શૈફ હસન 15 બોલમાં 18, મહેંદી હસન 10 બોલમાં 11, નુરુલ હસન 16 રને આઉટ થયા. બાંગ્લાદેશે 63 રને પાંચમી વિકેટ ગુમાવી.

પરવેઝ હુસૈન ઇમોન 2 બોલમાં ખાતું ખોલાયા વિના શાહિન આફ્રિદીની ઓવરમાં આઉટ થયો. 1 રને પ્રથમ વિકેટ ગુમાવી.

એશિયા કપ 2025માં સુપર 4 ના મુકાબલામાં બાંગ્લાદેશ સામે પાકિસ્તાને 20 ઓવરમાં 8 વિકેટે 135 રન બનાવી લીધા છે. બાંગ્લાદેશને જીતવા માટે 136 રનનો પડકાર મળ્યો છે.

મોહમ્મદ હારિસ 23 બોલમાં 2 ફોર અને 1 સિક્સર સાથે 31 રને મહેંદી હસનનો શિકાર બન્યો. મોહમ્મદ નવાઝ 15 બોલમાં 1 ફોર અને 2 સિક્સર સાથે 25 રને તસ્કીન અહેમદનો શિકાર બન્યો.

શાહિન શાહ આફ્રિદી 13 બોલમાં 2 સિક્સર સાથે 19 રન બનાવી તસ્કિન અહેમદનો શિકાર બન્યો. પાકિસ્તાને 71 રને છઠ્ઠી વિકેટ ગુમાવી.

સલમાન આગા 23 બોલમાં 2 ફોર સાથે 19 રન બનાવી મુશ્તાફિઝુર રહેમાનની ઓવરમાં આઉટ થયો. પાકિસ્તાને 49 રને પાંચમી વિકેટ ગુમાવી.

ફખર ઝમાન 20 બોલમાં 2 ફોર સાથે 13 રને રિસાદ હુસેનની ઓવરમાં કેચ આઉટ થયો. હુસૈન તલાત 7 બોલમાં 3 રન બનાવી કેચ આઉટ થયો. પાકિસ્તાને 33 રને ચોથી વિકેટ ગુમાવી.

ફરહાન 4 બોલમાં 1 ફોર સાથે 4 રને તસ્કિન અહેમદનો શિકાર બન્યો. શેમ અયુબ ફરી ફ્લોપ રહેતા 3 બોલમાં ખાતું ખોલાયા વિના આઉટ થયો. પાકિસ્તાને 5 રને 2 વિકેટ ગુમાવી.

શૈફ હસન, પરવેઝ હુસેન ઇમોન, તૌહિદ હૃદોય, જાકેર અલી (કેપ્ટન), શમીમ હુસેન, નુરુલ હસન, રિશાદ હુસેન, તન્ઝીમ હસન શાકિબ, મહેંદી હસન, તસ્કિન અહેમદ, મુસ્તાફિઝુર રહેમાન.

સાહિબજાદા ફરહાન, ફખર ઝમાન, શેમ અયુબ, હુસૈન તલાત, મોહમ્મદ હારિસ, સલમાન આગા (કેપ્ટન), મોહમ્મદ નવાઝ, ફહીમ અશરફ, શાહીન શાહ આફ્રિદી, હારિસ રઉફ, અબરાર અહમદ.

એશિયા કપ 2025ના સુપર 4 મુકાબલામાં પાકિસ્તાન સામે બાંગ્લાદેશના કેપ્ટન જાકેર અલીએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

એશિયા કપ 2025માં સુપર 4 ના મુકાબલામાં આજે પાકિસ્તાન અને બાંગ્લાદેશ વચ્ચે મુકાબલો થશે. આ મેચ દુબઈ ઇન્ટરનેશનલ ક્રિકેટ સ્ટેડિયમમાં રમાશે. આ મેચમાં જીત મેળવનાર ટીમ ફાઇનલમાં પહોંચશે. હારનાર ટીમના અભિયાનનો અંત આવશે. ભારતે સતત બે જીત સાથે ફાઇનલમાં પોતાનું સ્થાન નિશ્ચિત કરી લીધું છે.