AUS vs SA : ચેમ્પિયન્સ ટ્રોફી 2025, ઓસ્ટ્રેલિયા વિ દક્ષિણ આફ્રિકા વચ્ચેની મેચ વરસાદના કારણે રદ

Champions Trophy 2025, AUS vs SA Match(ઑસ્ટ્રેલિયા વિ. દક્ષિણ આફ્રિકા ક્રિકેટ સ્કોર) : ચેમ્પિયન્સ ટ્રોફી 2025માં ઓસ્ટ્રેલિયા અને દક્ષિણ આફ્રિકા વચ્ચેની ગ્રુપ- બી ની મેચ વરસાદના કારણે રદ કરવામાં આવે છે. રાવલપિંડીમાં રમાનાર આ મેચમાં વરસાદના કારણે ટોસ પણ થયો ન હતો. મેચ રદ થતા બન્ને ટીમોને 1-1 પોઇન્ટ આપવામાં આવ્યા છે. આ સાથે જ ગ્રુપ -બી નું સેમિફાઇનલનું સમીકરણ રોમાંચક થઇ ગયું છે.

ઓસ્ટ્રેલિયા અને દક્ષિણ આફ્રિકાના 3-3 પોઇન્ટ

ઓસ્ટ્રેલિયા અને દક્ષિણ આફ્રિકાની મેચ રદ થતા બન્નેના 3-3 પોઇન્ટ થઇ ગયા છે. આવામાં બાકી 3 મેચ ઇંગ્લેન્ડ વિ અફઘાનિસ્તાન, ઓસ્ટ્રેલિયા વિ અફઘાનિસ્તાન અને દક્ષિણ આફ્રિકા વ ઇંગ્લેન્ડ મેચ ઘણી મહત્વપૂર્ણ થઇ ગઇ છે. આ મેચ ક્રમશ 26 ફેબ્રુઆરી, 28 ફેબ્રુઆરી અને 1 માર્ચે રમાશે.

દક્ષિણ આફ્રિકા અફઘાનિસ્તાનને હરાવીને 2.140 નેટ રનરેટ સાથે પ્રથમ સ્થાને છે. ઓસ્ટ્રેલિયા 0.475 નેટ રનરેટ સાથે બીજા નંબરે છે. ઇંગ્લેન્ડ -0.475 નેટ રનરેટ સાથે ત્રીજા નંબર પર છે. અફઘાનિસ્તાન -2.140 નેટ રેનરેટ સાથે ચોથા નંબરે છે.

આ પણ વાંચો - ચેમ્પિયન્સ ટ્રોફી : સેમિ ફાઇનલની રેસ રસપ્રદ બની, આવું છે ગ્રુપ B નું સમીકરણ

ગ્રુપ-એ માં ભારત અને ન્યૂઝીલેન્ડ સેમિ ફાઇનલમાં

ચેમ્પિયન્સ ટ્રોફીના ગ્રુપ-એ માં ભારત અને ન્યૂઝીલેન્ડ 2-2 જીત સાથે સેમિ ફાઇનલમાં પહોંચી ગયા છે. યજમાન પાકિસ્તાન અને બાંગ્લાદેશ ટૂર્નામેન્ટમાંથી બહાર થઇ ગયા છે.