Cricket World Cup biggest upsets : વર્લ્ડ કપ 2023માં ત્રણ દિવસના ગાળામાં બે મોટા અપસેટ સર્જાયા છે. મંગળવારે નેધરલેન્ડ્સે અપસેટ સર્જતા દક્ષિણ આફ્રિકા સામે 38 રને વિજય મેળવ્યો હતો. આ પહેલા અફઘાનિસ્તાને વર્લ્ડ ચેમ્પિયન ઇંગ્લેન્ડને હરાવીને મેજર અપસેટ સર્જ્યો હતો.જોકે વર્લ્ડ કપના ઇતિહાસમાં આ પહેલા પણ ઘણા મોટા ઉલટફેર થયા હતા, જેમાં ભારત બે વખત અપસેટનો શિકાર બન્યું હતું. આવો જાણીએ વન-ડે વર્લ્ડ કપના મેજર અપસેટ વિશે.
વર્લ્ડ કપ 1983
ઝિમ્બાબ્વે 1983 વર્લ્ડ કપ લીગ સ્ટેજના મુકાબલામાં ઓસ્ટ્રેલિયા સામે 13 રને વિજય મેળવ્યો હતો. આ વર્લ્ડ કપના ઇતિહાસનો પ્રથમ મેજર અપસેટ હતો.
વર્લ્ડ કપ 1996
વર્લ્ડ કપમાં બીજો અપસેટ કેન્યાએ કર્યો હતો. 1996માં કેન્યાની ટીમે પ્રથમ વખત ક્વોલિફાય કર્યું હતું. પટનામાં વેસ્ટ ઇન્ડીઝ સામે 7 વિકેટે જીત મેળવી હતી.
1999 વર્લ્ડ કપ
1999ના વર્લ્ડ કપમાં ઝિમ્બાબ્વેને નબળી ટીમ માનવામાં આવતી હતી. જોકે તેણે વર્લ્ડ કપના ગ્રુપ સ્ટેજના મુકાબલામાં ભારતની ટીમને 3 રનેથી હરાવીને બધાને ચોંકાવી દીધા હતા. 1999ના વર્લ્ડ કપમાં વધુ એક મોટો અપસેટ સર્જ્યો હતો. બાંગ્લાદેશે ગ્રુપ સ્ટેજમાં પાકિસ્તાન સામે 62 રને વિજય મેળવ્યો હતો. આ મેચ નોર્થમ્પ્ટનમાં રમાઇ હતી.
આ પણ વાંચો – વર્લ્ડ કપ 2023માં બીજો મોટો અપસેટ, નેધરલેન્ડ્સે દક્ષિણ આફ્રિકાને હરાવ્યું
2003 વર્લ્ડ કપ
કેન્યાની ટીમે 2003ના વર્લ્ડ કપમાં ફરી એક વખત અપસેટ કર્યો હતો. નૈરોબીમાં રમાયેલી મુકાબલામાં શ્રીલંકાને 53 રને હરાવ્યું હતું. આ વર્લ્ડ કપમાં કેન્યાની ટીમ સેમિ ફાઇનલમાં પહોંચી હતી.
2007 વર્લ્ડ કપ
વર્લ્ડ કપ 2007માં ભારતની ટીમ બીજી વખત અપસેટનો શિકાર બની હતી. બાંગ્લાદેશે ગ્રુપ સ્ટેજમાં ભારત સામે 5 વિકેટે વિજય મેળવ્યો હતો. આ પરાજય સાથે ભારત વર્લ્ડ કપના ગ્રુપ સ્ટેજમાંથી જ બહાર થઇ ગયું હતું. 2007ના વર્લ્ડ કપમાં બીજો અપસેટ આયરલેન્ડે પાકિસ્તાનને હરાવીને કર્યો હતો. આ પરાજયના કારણે પાકિસ્તાનની ટીમ આગળના રાઉન્ડમાં પહોંચી શકી ન હતી.
2011 વર્લ્ડ કપ
આયરલેન્ડે 2011ના વર્લ્ડ કપમાં મોટો અપસેટ કરતા ઇંગ્લેન્ડ સામે 3 વિકેટે વિજય મેળવ્યો હતો. આ સિઝનમાં ભારતીય ટીમ વર્લ્ડ ચેમ્પિયન બની હતી.
2015 વર્લ્ડ કપ
2015ના વર્લ્ડ કપમાં આયરલેન્ડે ફરી અપસેટ કર્યો હતો. ગ્રુપ સ્ટેજમાં વેસ્ટ ઇન્ડીઝે આપેલો 305 રનનો પડકાર આયરલેન્ડે મેળવી લીધો હતો.
