IND vs AUS 1st Test Day 4 : ભારતીય ટીમે 295 રને જીતી મેચ, શ્રેણીમાં બનાવી 1-0ની બઢત, ઈતિહાસ રચ્યો

India (IND) vs Australia (AUS) 1st Test Day 4 Score: ભારતે ઓસ્ટ્રેલિયાને પર્થના ઓપ્ટ્સ સ્ટેડિયમમાં રમાઈ રહેલી પહેલી ટેસ્ટમેચમાં 295 રનથી હરાવ્યું છે. આ સાથે જ ભારતે બોર્ડ ગાવસ્કર ટ્રોફીમાં 1-0ની બઢત મેળવી છે. પોતાના ઘર પર ન્યૂઝીલેન્ડ સામે 0-3થી સિરિઝ ગામ બાદ ભારતે ઓસ્ટ્રેલિયામાં શાનદાર શરુઆત કરી છે.

16 વર્ષ બાદ ઓસ્ટ્રેલિયાને હરાવીને રચ્યો ઈતિહાસ

ભારતે પર્થમાં ઓસ્ટ્રેલિયાને 295 રનથી હરાવીને ઈતિહાસ રચ્યો છે. જસપ્રીત બુમરાહની કેપ્ટન્સીમાં ટીમ ઈન્ડિયાએ બોર્ડર-ગાવસ્કર ટ્રોફી 2024ની પ્રથમ ટેસ્ટ મેચમાં જોરદાર જીત હાંસલ કરી છે. આ પહેલા ટીમ ઈન્ડિયાએ 2008માં અનિલ કુંબલેની કેપ્ટન્સીમાં ઓસ્ટ્રેલિયાને પર્થમાં 72 રને હરાવ્યું હતું. ચોથા દિવસે ચા પછી ભારતે ઓસ્ટ્રેલિયાને 238 રનમાં ઓલઆઉટ કરી દીધું હતું. આ જીત સાથે ભારતે પાંચ મેચની શ્રેણીમાં 1-0ની સરસાઈ મેળવી લીધી છે. ઓસ્ટ્રેલિયાએ 2015 થી ભારતને ટેસ્ટ શ્રેણીમાં હરાવ્યું નથી અને હવે એડિલેડ, બ્રિસ્બેન, મેલબોર્ન અને સિડનીમાં યોજાનારી બાકીની મેચોમાં આમ કરવા માટે સખત પડકારનો સામનો કરવો પડશે.

ભારતીય બોલરોમાં કોણે કેટલી વિકેટ લીધી?

પહેલી ટેસ્ટ મેચના સ્કોર બોર્ડ ઉપર નજર કરીએ તો ભારતીય બોલરોએ સારું પ્રદર્શન કર્યું હતું. જસપ્રીત બુમરાહે 12 વોર નાંખી હતી. જેમાં 42 રન આપીને 3 વિકેટ લીધી હતી. જ્યારે મોહમ્મદ સિરાજે 14 ઓવર ફેંકીને 51 રન આપી 3 વિકેટ લીધી હતી. આ ઉપરાંત હર્ષિત રાણાએ 13.4 ઓવર નાખીને 69 રન આપી એક વિકેટ લીધી હતી.તેમજ વોશિંગ્ટન સુંદરે 15 ઓવર ફેંકીને 48 રન આપ્યા હતા. સુંદર બે વિકેટ લેવામાં સફળ રહ્યો હતો.

ત્રીજા દિવસની રમત પૂરી થતાં બીજા દાવમાં ઓસ્ટ્રેલિયાનો સ્કોર 4.2 ઓવરમાં 3 વિકેટે 12 રન હતો. ઉસ્માન ખ્વાજા 3 રન બનાવીને અણનમ રહ્યો હતો. ભારતે ત્રીજા દિવસે 134.3 ઓવરમાં 6 વિકેટે 487 રન બનાવીને તેનો બીજો દાવ ડિકલેર કર્યો હતો. આ રીતે ઓસ્ટ્રેલિયાને જીતવા માટે 534 રનનો ટાર્ગેટ આપવામાં આવ્યો હતો. ભારતે પ્રથમ દાવમાં 46 રનની લીડ મેળવી હતી.

ઓસ્ટ્રેલિયા માટે 534 રનનો લક્ષ્યાંક

534 રનના લક્ષ્યાંકને હાંસલ કરવા ઉતરેલી ઓસ્ટ્રેલિયાની બીજી ઇનિંગની શરૂઆત ખરાબ રહી હતી. જસપ્રીત બુમરાહે પ્રથમ ઓવરના ચોથા બોલ પર નાથન મેકસ્વિનીને એલબીડબ્લ્યુ આઉટ કર્યો હતો. તે સમયે ઓસ્ટ્રેલિયાનું ખાતું પણ ખોલાયું ન હતું. ચોથી ઓવરના પ્રથમ બોલ પર મોહમ્મદ સિરાજે નાઈટવોચમેન તરીકે આવેલા પેટ કમિન્સને વિરાટ કોહલીના હાથે કેચ આઉટ કરાવ્યો હતો.

ઓસ્ટ્રેલિયાએ 12 રનમાં 3 વિકેટ ગુમાવી દીધી હતી

પેટ કમિન્સ 2 રન બનાવીને પેવેલિયન પરત ફર્યો હતો. જસપ્રીત બુમરાહે 5મી ઓવરના બીજા બોલ પર માર્નસ લાબુશેનને એલબીડબલ્યુ આઉટ કર્યો હતો. માર્નસ લાબુશેન માત્ર 3 રન બનાવી શક્યો હતો. આ રીતે દિવસની રમતના અંતે ઓસ્ટ્રેલિયાએ 3 વિકેટ ગુમાવી દીધી હતી અને તેના ખાતામાં માત્ર 12 રન જ ઉમેરાયા હતા. ત્રીજી ટેસ્ટ મેચમાં હજુ 2 દિવસ બાકી છે અને ઓસ્ટ્રેલિયાને જીતવા માટે 522 રનની જરૂર છે, જ્યારે હવે તેની 7 વિકેટ પડવાની બાકી છે.

Nov 25, 2024 13:38 IST
Ind vs Aus live score : 16 વર્ષ બાદ ઓસ્ટ્રેલિયાને હરાવીને રચ્યો ઈતિહાસ
ભારતે પર્થમાં ઓસ્ટ્રેલિયાને 295 રનથી હરાવીને ઈતિહાસ રચ્યો છે. જસપ્રીત બુમરાહની કેપ્ટન્સીમાં ટીમ ઈન્ડિયાએ બોર્ડર-ગાવસ્કર ટ્રોફી 2024ની પ્રથમ ટેસ્ટ મેચમાં જોરદાર જીત હાંસલ કરી છે. આ પહેલા ટીમ ઈન્ડિયાએ 2008માં અનિલ કુંબલેની કેપ્ટન્સીમાં ઓસ્ટ્રેલિયાને પર્થમાં 72 રને હરાવ્યું હતું.



Nov 25, 2024 13:33 IST
Ind vs Aus live score : ભારતીય ટીમે 295 રને જીતી મેચ
ભારતે ઓસ્ટ્રેલિયાને પર્થના ઓપ્ટ્સ સ્ટેડિયમમાં રમાઈ રહેલી પહેલી ટેસ્ટમેચમાં 295 રનથી હરાવ્યું છે. આ સાથે જ ભારતે બોર્ડ ગાવસ્કર ટ્રોફીમાં 1-0ની બઢત મેળવી છે. પોતાના ઘર પર ન્યૂઝીલેન્ડ સામે 0-3થી સિરિઝ ગામ બાદ ભારતે ઓસ્ટ્રેલિયામાં શાનદાર શરુઆત કરી છે.



Nov 25, 2024 12:23 IST
Ind vs Aus live score : ઓસ્ટ્રેલિયાના 200 રન પુરા
49 ઓવરના અંતે ઓસ્ટ્રેલિયાનો સ્કોર 200 રન સુધી પહોંચ્યો છે. ભારતને જીત માટે હવે ત્રણ વિકેટની જરૂર છે



Nov 25, 2024 11:53 IST
Ind vs Aus live score : નીતિશ રેડ્ડીએ માર્શને બોલ્ડ કર્યો
નીતીશ રેડ્ડીએ આખરે 44મી ઓવરમાં મિશેલ માર્શને આઉટ કરીને ટીમને 7મી સફળતા અપાવી હતી. માર્શ કટ કરવાનો પ્રયાસ કરી રહ્યો હતો પરંતુ બોલ બેટની કિનારી સાથે અથડાયો અને સ્ટમ્પ પર અથડાયો. માર્શ 67 બોલમાં 47 રન બનાવીને બોલ્ડ થયો હતો. આ ઇનિંગમાં તેણે ત્રણ ચોગ્ગા અને બે છગ્ગા ફટકાર્યા હતા.



Nov 25, 2024 11:52 IST
Ind vs Aus live score : જસપ્રીત બુમરાહે ટ્રેવિસ હેડને કર્યો આઉટ
ભારતીય કેપ્ટન જસપ્રીત બુમરાહે ફરી એક વાર તે કર્યું જેની ટીમ રાહ જોઈ રહી હતી. બુમરાહે પોતાની સદીની નજીક આવેલા ટ્રેવિસ હેડને પેવેલિયનનો રસ્તો બતાવ્યો હતો. 39મી ઓવરના પાંચમા બોલ પર બુમરાહે ફુલ લેન્થ બોલ નાખ્યો, બોલ બેટના કિનારે અથડાયો અને રિષભ પંતે કેચ પકડ્યો.



Nov 25, 2024 11:04 IST
Ind vs Aus live score : લંચ બાદ રમત શરુ
ચોથા દિવસે લંચ બાદ રમત ફરી શરુ થઈ ગઈ છે. 31મી ઓવરના પાંચમાં બોલ પર મિચેલ માર્શે સિક્સ લગાવી છે. પાછલી ઓવરમાં વોશિંગટન સુંદરે પાંચ રન આપ્યા હતા.



Nov 25, 2024 10:29 IST
Ind vs Aus live score : ચોથા દિવસનું પ્રથમ સત્ર ભારતના નામે રહ્યું
ભારત vs ઓસ્ટ્રેલિયા ચોથા દિવસનું પ્રથમ સેશન લગભગ તમામ ભારતના નામે રહ્યું હતું. આ સેશનમાં ભારતે 2 વિકેટ ઝડપી હતી. જોકે ઓસ્ટ્રેલિયાએ પણ ટ્રેવિસ હેડની અડધી સદીની મદદથી 25.4 ઓવરમાં 92 રન બનાવ્યા હતા. ટ્રેવિસ હેડના પગ ક્રિઝ પર છે. તેણે અડધી સદી ફટકારી છે અને તે સારા ફોર્મમાં જોવા મળી રહ્યો છે. ભારતે તેને વહેલી તકે પેવેલિયનનો રસ્તો બતાવવો પડશે, નહીં તો તે તેમના માટે મોટી સમસ્યા બની શકે છે.



Nov 25, 2024 09:51 IST
Ind vs Aus live score : સિરાજે ઓસ્ટ્રેલિયાની પાંચમી વિકેટ લીધી
મોહમ્મદ સિરાજે 25મી ઓવરના ચોથા બોલ પર ભારતને પાંચમી સફળતા અપાવી હતી. તેઓએ સ્ટીવ સ્મિથ અને ટ્રેવિસ હેડની ભાગીદારી તોડી હતી. સિરાજનો આ બોલ ઓફ સ્ટમ્પની નજીક સારી લંબાઈનો હતો. સ્ટીવ સ્મિથે ઊભા રહીને બચાવ કરવાનો પ્રયાસ કર્યો, પરંતુ બોલ બેટની થોડી ધાર લઈને વિકેટકીપર તરફ ગયો. ત્યાં રિષભ પંતે જમણી તરફ ડાઇવ કરીને કેચ પકડ્યો. સ્ટીવ સ્મિથ 60 બોલમાં 17 રન બનાવીને પેવેલિયન પરત ફર્યો હતો. તેના સ્થાને મિચેલ માર્શ બેટિંગ કરવા આવ્યો છે.



Nov 25, 2024 09:14 IST
Ind vs Aus live score : અમ્પાયર કોલે ટ્રેવિસ હેડને બચાવી લીધો
મોહમ્મદ સિરાજ 12મી ઓવર લાવ્યો. તેનો ત્રીજો બોલ ટ્રેવિસ હેડના પેડ પર વાગ્યો. સિરાજ આનંદથી નાચતો ઋષભ પંત પાસે પહોંચ્યો, પરંતુ અમ્પાયરે આંગળી ઉંચી ન કરી. જો કે સિરાજનું માનવું હતું કે બોલ વાગ્યા બાદ સીધો થઈ ગયો હતો. જસપ્રીત બુમરાહે ડીઆરએસની માંગણી કરી હતી. ટીવી રિપ્લેમાં બતાવવામાં આવ્યું હતું કે બોલ પેડ સાથે અથડાયો હતો, પરંતુ અમ્પાયરનો કોલ આવ્યો અને ટ્રેવિસ હેડ પેવેલિયનમાં પરત ફરતા બચી ગયો. ઓસ્ટ્રેલિયાનો સ્કોર 12 ઓવર પછી 4 વિકેટે છે .



Nov 25, 2024 08:20 IST
Ind vs Aus live score : મોહમ્મદ સિરાજે ભારતને અપાવી ચોથી સફળતા
ચોથી ઓવરના પ્રથમ બોલ પર મોહમ્મદ સિરાજે નાઈટવોચમેન તરીકે આવેલા પેટ કમિન્સને વિરાટ કોહલીના હાથે કેચ આઉટ કરાવ્યો હતો.



Nov 25, 2024 08:19 IST
Ind vs Aus live score : ઓસ્ટ્રેલિયા માટે 534 રનનો લક્ષ્યાંક
534 રનના લક્ષ્યાંકને હાંસલ કરવા ઉતરેલી ઓસ્ટ્રેલિયાની બીજી ઇનિંગની શરૂઆત ખરાબ રહી હતી.ત્રીજા દિવસની રમત પૂરી થતાં બીજા દાવમાં ઓસ્ટ્રેલિયાનો સ્કોર 4.2 ઓવરમાં 3 વિકેટે 12 રન હતો. ઉસ્માન ખ્વાજા 3 રન બનાવીને અણનમ રહ્યો હતો. ભારતે ત્રીજા દિવસે 134.3 ઓવરમાં 6 વિકેટે 487 રન બનાવીને તેનો બીજો દાવ ડિકલેર કર્યો હતો.



Nov 25, 2024 08:18 IST
Ind vs Aus live score : ભારત અને ઓસ્ટ્રેલિયા વચ્ચે ટેસ્ટનો ચોથો દિવસ શરુ
આજે 25 નવેમ્બર 2024, સોમવારે ભારત અને ઓસ્ટ્રેલિયા વચ્ચે રમાઈ રહેલી પ્રથમ ટેસ્ટ મેચનો ચોથો દિવસ છે. ઓસ્ટ્રેલિયાના પર્થના ઓપ્ટસ સ્ટેડિયમમાં આ મેચ રમાઈ રહી છે.