Wrestlers Protest : વિનોદ તોમર જાતિય સતામણીમાં બ્રિજ ભૂષણ સિંહને સાથ આપતો, ચાર્જશીટમાં દાવો- જાણીજોઈને મહિલા પહેલવાનોને એકલામાં મળતો

Nihal Koshie : મહિલા પહેલવાનોની FIR પછી માત્ર બીજેપી સાંસદ બ્રીજભૂષણ સિંહ જ નહિ પંરતુ રેસલિંગ ફેડરેશન ઓફ ઇન્ડિયાના સચિવ વિનોદ તોમર વિરુદ્ધ પણ ચાર્જશીટ ફાઈલ થઇ છે. દિલ્લી પોલીસએ ચાર્જશીટમાં કહ્યું હતું કે, વિનોદ તોમર બ્રિજભૂષણ સિંહને આવા કામોમાં મદદ કરતો હતો, એવા પ્રયત્નો રહેતા કે કોઈ મહિલા પહેલવાન બ્રીજભૂષણને મળવા જાય ત્યારે તે એકલી જાય.

ધ ઈન્ડિયન એક્સપ્રેસ દ્વારા રીવ્યુ કરાયેલ ચાર્જશીટમાં ઉલ્લેખ કરવામાં આવ્યો છે કે પૂછપરછ દરમિયાન તોમરે તેની સામેના આરોપોને "સંપૂર્ણપણે નકારી કાઢ્યા" હતા.

એક કુસ્તીબાજની ફરિયાદનો ઉલ્લેખ કરતા, ચાર્જશીટમાં કહ્યું છે કે, “ફરિયાદીએ (કલમ 161 અને 164 હેઠળ નિવેદન) એવો આરોપ મૂક્યો છે કે જ્યારે તેની (તેના પતિ) સાથે દિલ્હીમાં WFIની ઓફિસમાં મળવા ગઈ હતી, બ્રિજ ભૂષણ શરણ સિંહ, આરોપી, વિનોદ તોમરે, ફક્ત પીડિતાને ઓફિસમાં પ્રવેશવાની મંજૂરી આપી હતી, અને જાણી જોઈને (તેના પતિને) ઓફિસની અંદર જવા દીધો ન હતો, અને તે દિવસે બ્રિજ ભૂષણે તેની છેડતી કરી હતી. બીજા દિવસે, ( તેના પતિ)ને પ્રવેશવાની મંજૂરી ન હતી, અને પીડિતાની ફરી છેડતી કરવામાં આવી હતી.

આ પણ વાંચો: ભારત વિ. વેસ્ટ ઇન્ડીઝ : યશસ્વી જયસ્વાલના ટેસ્ટ ડેબ્યૂ પર રોહિત શર્માએ લગાવી મોહર, શુભમન ગિલ કયા સ્થાને બેટિંગ કરશે?

કથિત રીતે આ બે ઘટનાઓ 2017 માં બની હતી. પ્રથમ વખત, તોમરે કથિત રીતે ફરિયાદીના પતિને WFI ઓફિસના પરિસરની બહાર રાહ જોવાનું કહ્યું હતું. બીજા પ્રસંગે, તેના પતિને કથિત રીતે WFI ઓફિસમાં તોમરના રૂમ પાસે રાહ જોવા માટે કહેવામાં આવ્યું હતું.

ચાર્જશીટમાં લખ્યું છે કે, “વિનોદ તોમરનો તેના પતિને બ્રિજ ભૂષણની ઑફિસની બહાર બેસવા કે રાહ જોવાની મંજૂરી ન આપવાનો અને તેના (તોમરની) ઑફિસની નજીક બેસવા દેવાનો ઈરાદો તેમના તરફથી સ્પષ્ટ દૂષિત ઈરાદો દર્શાવે છે કારણ કે વિનોદ તોમરની ઓફિસથી બ્રિજ ભૂષણના રૂમનો દરવાજો બહારથી દેખાતો ન હતો.''

તોમરે કથિત રીતે આ કુસ્તીબાજને તેના ઘરે પણ બોલાવ્યો હતો, જ્યાં ચાર્જશીટ કહે છે કે, "ઓલિમ્પિક્સમાં સ્થાન મેળવવામાં તેની નિષ્ફળતાના આધારે તેને તેના દ્વારા અપમાનિત કરવામાં આવી હતી અને માનસિક રીતે હેરાન કરવામાં આવી હતી.''

આ પણ વાંચો: એશિયા કપનો કાર્યક્રમ જય શાહ અને જકા અશરફે ફાઇનલ કર્યો, ભારત પાકિસ્તાનમાં રમવા નહીં જાય, શ્રીલંકામાં રમાશે 9 મેચ

2022 માં આવી જ એક ઘટનામાં, તોમરે કથિત રીતે અન્ય ફરિયાદીના કોચને જ્યારે કુસ્તીબાજને તેની ઓફિસમાં સિંહને મળવાનું કહેવામાં આવ્યું ત્યારે બહાર રાહ જોવાનું કહ્યું હતું.

ચાર્જશીટ કહે છે કે,“ફરિયાદીએ કલમ 164 હેઠળના તેના નિવેદનમાં ખાસ જણાવ્યું છે કે વિનોદ તોમર આરોપી બ્રિજ ભૂષણની ચેમ્બરની અંદર ગયા હતા અને ત્યાર પછી પીડિતાને એકલા ચેમ્બરમાં જવાનું કહ્યું હતું અને કોચને હેતુપૂર્વક અંદર જતા અટકાવ્યા હતા અને દરવાજો બંધ કર્યો હતો. જ્યારે પીડિતા આરોપી, બ્રિજ ભૂષણની ચેમ્બરમાં એકલી હતી, ત્યારે આરોપીએ જાતીય તરફેણ કરવા માટે અભદ્ર જાતીય એડવાન્સિસ કર્યા હતા.આથી, વિનોદ તોમરે આયોજિત રીતે ઉપરોક્ત ગુનાને કમિશનમાં મદદ કરી/સુવિધા આપી હતી.''