Ind vs BAN : શુભમન ગિલ અને મોહમ્મદ શમી ઝળક્યા, ભારતની ચેમ્પિયન્સ ટ્રોફીમાં જીત સાથે શરૂઆત

શુભમન ગિલના 129 બોલમાં 9 ફોર અને 2 સિક્સર સાથે અણનમ 101 રન. કેએલ રાહુલના 47 બોલમાં 1 ફોર 2 સિક્સર સાથે અણનમ 41 રન.

મોહમ્મદ શમી (5 વિકેટ)ની શાનદાર બોલિંગ પછી શુભમન ગિલની અણનમ સદીની (101)મદદથી ભારતે ચેમ્પિયન્સ ટ્રોફીમાં બાંગ્લાદેશ સામે 6 વિકેટે વિજય મેળવ્યો છે. બાંગ્લાદેશ પ્રથમ બેટિંગ કરતા 49.4 ઓવરમાં 228 રનમાં ઓલઆઉટ થઇ ગયું હતું. જવાબમાં ભારતે 46.3 ઓવરમાં 4 વિકેટ ગુમાવી પડકાર મેળવી લીધો હતો. આ જીત સાથે ભારતને 2 પોઇન્ટ મળ્યા છે. ભારત હવે 23 ફેબ્રુઆરીએ કટ્ટર હરિફ પાકિસ્તાન સામે ટકરાશે.

શુભમન ગિલે 125 બોલમાં 9 ફોર અને 2 સિક્સરની મદદથી સદી ફટકારી.

ભારતે 42.2 ઓવરમાં 200 રન પુરા કર્યા.

અક્ષર પટેલ 12 બોલમાં 1 ફોર સાથે 8 રન બનાવી રિશાદ હુસૈનની ઓવરમાં કેચ આઉટ થયો. ભારતે 144 રને ચોથી વિકેટ ગુમાવી.

શ્રેયસ ઐયર 17 બોલમાં 2 ફોર સાથે 15 રન બનાવી મુશ્તાફિઝુર રહેમાનની ઓવરમાં કેચ આઉટ થયો. ભારતે 133 રને ત્રીજી વિકેટ ગુમાવી.

શુભમન ગિલે 69 બોલમાં 5 ફોર 1 સિક્સર સાથે અડધી સદી ફટકારી.

વિરાટ કોહલી 38 બોલમાં 1 ફોર સાથે 22 રન બનાવી રિશાદ હુસૈનની ઓવરમાં આઉટ થયો. ભારતે 112 રને બીજી વિકેટ ગુમાવી.

રોહિત શર્મા 36 બોલમાં 7 ફોર સાથે 41 રન બનાવી તસ્કીન અહેમદની ઓવરમાં કેચ આઉટ થયો. ભારતે 69 રને પ્રથમ વિકેટ ગુમાવી.

ભારતે 8 ઓવરમાં 50 રન પુરા કર્યા, રોહિત શર્મા અને શુભમન ગિલ રમતમાં છે

ભારત તરફથી મોહમ્મદ શમીએ 5 વિકેટ, હર્ષિત રાણાએ 3 અને અક્ષર પટેલે 2 વિકેટ ઝડપી.

ચેમ્પિયન્સ ટ્રોફી 2025ની બીજી મેચમાં ભારત સામે બાંગ્લાદેશ 49.4 ઓવરમાં 228 રનમાં ઓલઆઉટ થઇ ગયું છે. ભારતને જીતવા માટે 229 રનનો પડકાર મળ્યો છે. બાંગ્લાદેશ તરફથી તોહીદ હ્રિદોયે શાનદાર બેટિંગ કરતા 118 બોલમાં 6 ફોર અને 2 સિક્સર સાથે 100 રન બનાવ્યા.

તોહીદ હ્રિદોયે 114 બોલમાં 6 ફોર 2 સિક્સર સાથે સદી ફટકારી. તેણે વન-ડે કારકિર્દીમાં પ્રથમ સદી નોંધાવી.

રિહાદ હુસૈન 12 બોલમાં 1 ફોર 2 સિક્સર સાથે 18 રન બનાવી હર્ષિત રાણાની ઓવરમાં કેચ આઉટ થયો. બાંગ્લાદેશે 214 રને સાતમી વિકેટ ગુમાવી.

જેકર અલી 114 બોલમાં 4 ફોર સાથે 68 રન બનાવી મોહમ્મદ શમીની ઓવરમાં કેચ આઉટ થયો. બાંગ્લાદેશે 189 રને છઠ્ઠી વિકેટ ગુમાવી. જેકર અલી અને તોહીદ હ્રિદોય વચ્ચે છઠ્ઠી વિકેટ માટે 154 રનની ભાગીદારી નોંધાઇ.

તોહીદ હ્રિદોયે 85 બોલમાં 3 ફોર સાથે અડધી સદી ફટકારી

જેકર અલીએ 87 બોલમાં 3 ફોર સાથે અડધી સદી ફટકારી.

મહેંદી હસન મિરાઝ 5, તન્ઝીદ હસન 25 અને મુશ્ફિકુર રહીમ ખાતું ખોલાયા વિના આઉટ થયા. બાંગ્લાદેશે 35 રનમાં 5 વિકેટ ગુમાવી.

સૌમ્ય સરકાર ખાતું ખોલાયા વિના મોહમ્મદ શમીનો શિકાર બન્યો અને નઝમુસ હુસેન શાંતો ખાતું ખોલાયા વિના હર્ષિત રાણોના શિકાર બન્યો. બાંગ્લાદેશે 2 રનમાં 2 વિકેટ ગુમાવી

તન્ઝીદ હસન, સૌમ્ય સરકાર, નજમુલ હુસેન શાંતો( કેપ્ટન), તોહીદ હ્રિદોય, મુશ્ફિકુર રહીમ, મહેંદી હસન મિરાઝ, જેકર અલી, રિશાદ હુસૈન, તન્ઝીમ હસન સાકિબ, તસ્કીન અહેમદ, મુસ્તફિઝુર રહેમાન.

રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, હાર્દિક પંડ્યા, અક્ષર પટેલ, રવિન્દ્ર જાડેજા, હર્ષિત રાણા, મોહમ્મદ શમી, કુલદીપ યાદવ.

ચેમ્પિયન્સ ટ્રોફી 2025ની બીજી મેચમાં ભારત અને બાંગ્લાદેશ વચ્ચે ટક્કર થશે. બાંગ્લાદેશ ટોસ જીતીને પ્રથમ બેટિંગ કરવાનો નિર્ણય કર્યો છે.