Champions Trophy: ચેમ્પિયન ટ્રોફી જીતવા ટીમ ઈન્ડિયાએ શું કરવું જોઇએ? પૂર્વ ભારતીય ક્રિકેટરે આપી મોટી સલાહ

ICC Champions Trophy 2025: ભારતીય ક્રિકેટ ટીમ રોહિત શર્માની કેપ્ટનશિપમાં ત્રીજી વખત ચેમ્પિયન્સ ટ્રોફીનો ખિતાબ જીતવાની કોશિશ કરશે. ચેમ્પિયન્સ ટ્રોફી માટે જે ભારતીય ટીમની પસંદગી કરવામાં આવી છે, જેની પોતાની ખાસિયત છે અને તેમ ટીમની અમુક નબળાઈઓ પણ છે, જે અંગે પૂર્વ ભારતીય ક્રિકેટર આકાશ ચોપરાએ જણાવ્યું હતું. આ ઉપરાંત પૂર્વ ક્રિકેટરે એ પણ જણાવ્યું હતું કે દુબઈમાં મેચ જીતવા માટે ભારતે શું કરવું જોઈએ.

ભારતની બોલિંગ ચિંતાનો વિષય

ભારતના ભૂતપૂર્વ ક્રિકેટર આકાશ ચોપરાને લાગે છે કે, આઇસીસી ચેમ્પિયન્સ ટ્રોફીમાં ભારતની બોલિંગ ચિંતાનો વિષય બની રહેશે. આ શોપીસ ઇવેન્ટમાં ભારત ટોચના ઝડપી બોલર જસપ્રિત બુમરાહ વગર મેદાનમાં ઉતરશે, કારણ કે તે ઈજાના કારણે ટૂર્નામેન્ટમાંથી બહાર છે. ભારતે ઘણા સ્પિનરોને ટીમમાં સામેલ કર્યા છે, પરંતુ ચોપરાને લાગે છે કે બોલિંગ મેન ઇન બ્લુ માટે નબળી કડી બની રહેશે. પોતાની યુટ્યુબ ચેનલ પર આકાશ ચોપરાએ કહ્યું, "અમે કહી રહ્યા છીએ કે અમારી પાસે બોલિંગમાં ઘણી વિવિધતા છે અને અમારી પાસે પાંચ સ્પિનર પણ છે. જો આપણે પ્રમાણિક હોઈએ તો બોલિંગ અમારી સમસ્યા છે, પરંતુ અમારી તાકાત અમારી બેટિંગ છે અને ટીમની પ્લેઇંગ ઇલેવનમાં 8માં નંબર સુધીના બેટ્સમેન છે.

બેટિંગ ભારતની તાકાત

આકાશ ચોપરાએ કહ્યું કે હું 100 ટકા તમારી સાથે છું અને વ્હાઇટ બોલ ક્રિકેટમાં એ નિયમ છે કે તમારી જે પણ તાકાત હોય તે પાછળથી કરવી જોઇએ, એટલે કે જો તમારી બોલિંગ સારી હોય તો પાછળથી કરો અને જો તમારી બેટિંગ સારી હોય તો પાછળથી કરો અને ભારતીય ટીમની બેટિંગ સારી છે. આકાશ ચોપરાએ વધુમાં જણાવ્યું હતું કે આઇસીસીની આ ઇવેન્ટમાં ભારતની બેટિંગ તેની તાકાત રહેશે અને તેમણે કહ્યું હતું કે ભારતીય ટીમે ચેમ્પિયન ટ્રોફી જીતવા માટે બીજા દાવમાં પાછળથી બેટિંગ કરવી જોઇએ અને મેચ જીતવાનું દબાણ બેટ્સમેનો પર હોવું જોઇએ.

ટોસ જીતીને બાદમાં બેટિંગ કરો

આકાશ ચોપરાએ વધુમાં જણાવ્યું હતું કે, દુબઈમાં ઝાકળ મોટું પરિબળ બની રહેશે અને જો તમે ટોસ જીતશો તો પછી તમારી તાકાત અને સ્થિતિને ધ્યાનમાં રાખીને તમારે પહેલા બોલિંગ કરવાનો નિર્ણય લેવો જોઈએ અને પછી બેટિંગ કરવી જોઈએ. દુબઇમાં ઝાકળનો ખતરો છે જે હંમેશા બીજી ઇનિંગમાં થાય છે. ભારત પોતાની તમામ મેચ દુબઈમાં રમશે અને અહીં બીજી ઈનિંગમાં ઝાકળ મોટી ભૂમિકા ભજવી શકે છે.

ચેમ્પિયન્સ ટ્રોફી 2025 માટે ભારતની ટીમ

ચેમ્પિયન ટ્રોફી 2025 માટે પસંદ કરાયેલી ટીમ ઈન્ડિયાના ખેલાડીઓમાં રોહિત શર્મા (કેપ્ટન), શુભમન ગિલ (વાઇસ કેપ્ટન), વિરાટ કોહલી, શ્રેયસ અય્યર, કેએલ રાહુલ (વિકેટ કીપર), રિષભ પંત (વિકેટ કીપર), હાર્દિક પંડ્યા, અક્ષર પટેલ, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ શમી, અર્શદીપ સિંહ, રવિન્દ્ર જાડેજા, વરુણ ચક્રવર્તી સામેલ છે.