Champions Trophy 2025 : ચેમ્પિયન્સ ટ્રોફી વિનર લિસ્ટ, કોણ જીત્યું છે સૌથી વધારે ટૂર્નામેન્ટ

Champions Trophy Winners Teams List : આઈસીસી ચેમ્પિયન્સ ટ્રોફી 2025 પાકિસ્તાનમાં રમાશે. આઇસીસી ક્રિકેટ વર્લ્ડ કપ પછી ચેમ્પિયન્સ ટ્રોફી બીજી સૌથી પ્રતિષ્ઠિત ટૂર્નામેન્ટ છે. 19 ફેબ્રુઆરીથી ટૂર્નામેન્ટની શરૂઆત થશે અને 9 માર્ચે ફાઇનલ મુકાબલો રમાશે. 23 ફેબ્રુઆરીએ ભારત અને પાકિસ્તાન વચ્ચે મુકાબલો દુબઈમાં રમાશે. આ ટૂર્નામેન્ટ હાઇબ્રિડ મોડેલ હેઠળ યોજાશે. ભારત પોતાની બધી મેચો દુબઈમાં રમશે.

પાકિસ્તાનમાં રમાનાર ચેમ્પિયન્સ ટ્રોફીની 9 મી સિઝન હશે. આ પહેલા 8 વખત આ ટૂર્નામેન્ટ રમાઇ છે. જેમાં ભારત અને ઓસ્ટ્રેલિયા 2-2 વખત ચેમ્પિયન બન્યા છએ. આઈસીસી ચેમ્પિયન્સ ટ્રોફી પ્રથમ વખત 1998માં રમાઇ હતી. જેમાં દક્ષિણ આફ્રિકાની ટીમ વિજેતા હતી. અંતિમ વખત આ ટૂર્નામેન્ટ 2017માં રમાઇ હતી. જેમાં પાકિસ્તાનની ટીમ ચેમ્પિયન બની હતી. એટલે હવે 8 વર્ષ પછી આ ટૂર્મામેન્ટ રમાઇ રહી છે.

ચેમ્પિયન્સ ટ્રોફીમાં વિજેતા ટીમ

આ પણ વાંચો - ચેમ્પિયન્સ ટ્રોફી - 23 ફેબ્રુઆરીએ ભારત વિ પાકિસ્તાન વચ્ચે મુકાબલો

ભારત અને પાકિસ્તાન એક જ ગ્રુપમાં

ચેમ્પિયન્સ ટ્રોફી 2025માં 8 ટીમો વચ્ચે જંગ ખેલાશે. તમામ ટીમોને 2 ગ્રુપમાં વહેંચવામાં આવી છે. ભારત અને પાકિસ્તાન એક જ ગ્રુપ-એમાં છે. અન્ય બે ટીમો ન્યૂઝીલેન્ડ અને બાંગ્લાદેશ છે. ગ્રુપ બીમાં દક્ષિણ આફ્રિકા, ઓસ્ટ્રેલિયા, અફઘાનિસ્તાન અને ઇંગ્લેન્ડનો સમાવેશ થાય છે.

ગ્રુપ એ – ભારત, પાકિસ્તાન, ન્યૂઝીલેન્ડ, બાંગ્લાદેશ

ગ્રુપ બી – દક્ષિણ આફ્રિકા, ઓસ્ટ્રેલિયા, ઇંગ્લેન્ડ, અફઘાનિસ્તાન

ચેમ્પિયન્સ ટ્રોફી 2025નો કાર્યક્રમ

• પાકિસ્તાન વિ ન્યૂઝીલેન્ડ, 19 ફેબ્રુઆરી 19, કરાચી
• ભારત વિ બાંગ્લાદેશ , 20 ફેબ્રુઆરી, દુબઇ.
• અફઘાનિસ્તાન વિ દક્ષિણ આફ્રિકા, 21 ફેબ્રુઆરી, કરાચી
• ઓસ્ટ્રેલિયા વિ ઇંગ્લેન્ડ, 22 ફેબ્રુઆરી, લાહોર
• ભારત વિ પાકિસ્તાન, 23 ફેબ્રુઆરી, દુબઇ
• બાંગ્લાદેશ વિ ન્યૂઝીલેન્ડ, 24 ફેબ્રુઆરી, રાવલપિંડી
• ઓસ્ટ્રેલિયા વિ દક્ષિણ આફ્રિકા, 25 ફેબ્રુઆરી, રાવલપિંડી
• અફઘાનિસ્તાન વિ ઇંગ્લેન્ડ, 26 ફેબ્રુઆરી, લાહોર
• પાકિસ્તાન વિ બાંગ્લાદેશ, 27 ફેબ્રુઆરી, રાવલપિંડી
• અફઘાનિસ્તાન વિ ઓસ્ટ્રેલિયા, 28 ફેબ્રુઆરી, લાહોર
• દક્ષિણ આફ્રિકા વિ ઇંગ્લેન્ડ, 1 માર્ચ, કરાચી
• ભારત વિ ન્યૂઝીલેન્ડ, 2 માર્ચ, દુબઇ
• સેમિ ફાઇનલ 1, 4 માર્ચ, દુબઇ,
• સેમિ ફાઇનલ 2, 5 માર્ચ, લાહોર
• ફાઇનલ, 9 માર્ચ, લાહોર (ભારત ક્વોલિફાય થાય તો દુબઈમાં રમાશે)
• રિઝર્વ ડે, 10 માર્ચ