ENG vs SA ICC World Cup 2023 : સાઉથ આફ્રિકાએ ઈંગ્લેન્ડને 229 રને હરાવ્યું, પોઈન્ટ ટેબલમાં 3 નંબરે

ENG vs SA ICC World Cup 2023 : વર્લ્ડ કપ 2023 ની 20 મી મેચમાં, 21 ઓક્ટોબર, શનિવારે, દક્ષિણ આફ્રિકાએ ઈંગ્લેન્ડને 229 રનથી હરાવ્યું. મુંબઈના વાનખેડે સ્ટેડિયમમાં ઈંગ્લેન્ડે ટોસ જીતીને બોલિંગ કરવાનો નિર્ણય લીધો હતો. દક્ષિણ આફ્રિકાએ 50 ઓવરમાં 7 વિકેટે 399 રન બનાવ્યા હતા. હેનરિચ ક્લાસેન અને માર્કો જાનસેને તોફાની બેટિંગ કરી હતી. હેનરિક ક્લાસને 67 બોલમાં 109 રન બનાવ્યા હતા. તો માર્કો જેન્સેન 42 બોલમાં 75 રન બનાવીને અણનમ રહ્યો હતો.

આ સિવાય રીઝા હેન્ડ્રિક્સે 85 રન અને રાસી વેન ડેર ડ્યુસેને 60 રન બનાવ્યા હતા. એડન માર્કરામે 42 રન બનાવ્યા હતા. ઈંગ્લેન્ડ તરફથી રીસ ટોપલેએ 3 વિકેટ ઝડપી હતી, પરંતુ 8.5 ઓવરમાં 88 રન આપ્યા હતા. ગટ એટકિન્સન અને આદિલ રાશિદે 2-2 વિકેટ લીધી હતી.

આ બાજુ ઇંગ્લેન્ડની ટીમે 22 ઓવરમાં 9 વિકેટે 170 રન બનાવ્યા હતા. રીસ ટોપલી બેટિંગ કરવા બહાર આવ્યો ન હતો. ઈંગ્લેન્ડની બેટિંગની વાત કરીએ તો ડિફેન્ડિંગ ચેમ્પિયનની બેટિંગ ખૂબ જ ખરાબ રહી હતી. ટીમે 16.3 ઓવરમાં 100 રનમાં 8 વિકેટ ગુમાવી દીધી હતી. માર્ક વૂડે સૌથી વધુ અણનમ 43 રન બનાવ્યા હતા. તેણે માત્ર 17 બોલ, 2 ચોગ્ગા અને 5 છગ્ગાની મદદથી આ રન બનાવ્યા. જ્યારે ગુસ એટકિન્સને 21 બોલમાં 7 ચોગ્ગાની મદદથી 35 રન બનાવ્યા હતા.

તમને જણાવી દઈએ કે, ગેરાલ્ડ કોએત્ઝીએ 3 વિકેટ લીધી હતી. આ સિવાય લુંગી એનગિડી અને માર્કો જેન્સને 2-2 વિકેટ લીધી હતી. કાગીસો રબાડા અને કેશવ મહારાજે 1-1 વિકેટ લીધી હતી. આ હાર સાથે ઈંગ્લેન્ડની ટીમ પોઈન્ટ ટેબલમાં 9મા સ્થાને પહોંચી ગઈ છે. જોસ બટલરની ટીમ 4માંથી 3 મેચ હારી છે. દક્ષિણ આફ્રિકાની ટીમે 4માંથી 3 મેચ જીતી છે. પોઈન્ટ ટેબલમાં ત્રીજા સ્થાને છે.

દક્ષિણ આફ્રિકાની પ્લેઈંગ ઈલેવન

ક્વિન્ટન ડી કોક (wk), રીઝા હેન્ડ્રીખેન-ડ્રિક્સ, રાસી વાન ડેર ડ્યુસેન, એઇડન માર્કરામ (c), હેનરિક ક્લાસેન, ડેવિડ મિલર, માર્કો જેન્સેન, ગેરાલ્ડ કોએત્ઝી, કેશવ મહારાજ, કાગીસો રબાડા, લુંગી એનગીડ

ઈંગ્લેન્ડની પ્લેઈંગ ઈલેવન

જોની બેયરસ્ટો, ડેવિડ મલાન, જો રૂટ, બેન સ્ટોક્સ, હેરી બ્રુક, જોસ બટલર (wk/c), ડેવિડ વિલી, આદિલ રશીદ, ગુસ એટકિન્સન, માર્ક વૂડ, રીસ ટોપલ.