SA vs ENG Highlight, T20 World Cup 2024: ટી 20 વર્લ્ડ કપ 2024 : દક્ષિણ આફ્રિકાનો રોમાંચક વિજય, અંતિમ 3 બોલમાં કરી કમાલ

England vs South Africa Score, T20 World Cup 2024: ટી 20 વર્લ્ડ કપ 2024, ઇંગ્લેન્ડ વિ. દક્ષિણ આફ્રિકા સ્કોર : ક્વિન્ટોન ડી કોકના 65 રન બાદ બોલરોના શાનદાર પ્રદર્શનની મદદથી દક્ષિણ આફ્રિકાએ ટી 20 વર્લ્ડ કપ 2024ના સુપર 8 મુકાબલામાં ઇંગ્લેન્ડ સામે 7 રને રોમાંચક વિજય મેળવ્યો હતો. દક્ષિણ આફ્રિકાએ 20 ઓવરમાં 6 વિકેટે 163 રન બનાવ્યા હતા. જવાબમાં ઇંગ્લેન્ડ 20 ઓવરમાં 6 વિકેટે 156 રન બનાવી શક્યું હતું.

સુપર 8માં દક્ષિણ આફ્રિકાએ સતત બીજો વિજય મેળવ્યો છે. જ્યારે ઇંગ્લેન્ડનો પ્રથમ પરાજય થયો છે. ઇંગ્લેન્ડને અંતિમ 3 બોલમાં જીતવા માટે 9 રનની જરૂરી હતી. જોકે નોર્ટજેને અંતિમ 3 બોલમાં સેમ કરન ફક્ત 1 રન જ બનાવી શક્યો હતો.

ઇંગ્લેન્ડ ઇનિંગ્સ

-દક્ષિણ આફ્રિકા તરફથી રબાડા અને કેશવ મહારાજે 2-2 વિકેટ ઝડપી. જ્યારે નોર્ટજે અને બાર્ટમેનને 1-1 વિકેટ મળી.

-સેમ કરન 10 અને આર્ચર 1 રને અણનમ રહ્યા.

-હેરી બ્રુક 37 બોલમાં 7 ફોર સાથે 53 રન બનાવી નોર્ટજેનો શિકાર બન્યો.

-લિવિંગસ્ટોન 17 બોલમાં 3 ફોર 2 સિક્સર સાથે 33 રન બનાવી રબાડાની ઓવરમાં આઉટ થયો.

-મોઇન અલી 10 બોલમાં 9 રન બનાવી બાર્ટમેનનો શિકાર બન્યો.

-જોશ બટલર 20 બોલમાં 1 ફોર સાથે 17 રન બનાવી કેશવ મહારાજની ઓવરમાં કેચ આઉટ થયો.

-ઇંગ્લેન્ડે 8 ઓવરમાં 50 રન પુરા કર્યા.

-જોની બેરસ્ટો 20 બોલમાં 1 ફોર સાથે 16 રન બનાવી કેશવ મહારાજનો શિકાર બન્યો.

-ફિલ સોલ્ટ 8 બોલમાં 1 ફોર 1 સિક્સર સાથે 11 રન બનાવી રબાડાની ઓવરમાં કેચ આઉટ થયો.

આ પણ વાંચો - મુકેશ અંબાણીના એન્ટિલિયાથી પણ મોંઘું છે આ ભારતીય ક્રિકેટરનું ઘર

દક્ષિણ આફ્રિકા ઇનિંગ્સ

-ઇંગ્લેન્ડ તરફથી જોફ્રા આર્ચરે સૌથી વધારે 3 વિકેટ ઝડપી. મોઇન અલી અને રાશિદને 1-1 વિકેટ મળી.

-દક્ષિણ આફ્રિકાના 20 ઓવરમાં 6 વિકેટે 163 રન.

-ટ્રિસ્ટન સ્ટબ્સના 11 બોલમાં 1 ફોર સાથે અણનમ 12 રન.

-માર્કો જાન્સેન પ્રથમ બોલે આર્ચરની ઓવરમાં કેચ આઉટ

-ડેવિડ મિલર 28 બોલમાં 4 ફોર 2 સિક્સર સાથે 43 રન બનાવી જોફ્રા આર્ચરની ઓવરમાં કેચ આઉટ થયો.

-માર્કરામ 2 બોલમાં 1 રન બનાવી આદિલ રાશીદની ઓવરમાં બોલ્ડ થયો.

-ક્લાસેન 13 બોલમાં 9 રન બનાવી રનઆઉટ થયો.

-દક્ષિણ આફ્રિકાએ 13.2 ઓવરમાં 100 રન પુરા કર્યા.

-ડી કોક 38 બોલમાં 4 ફોર 4 સિક્સર સાથે 65 રન બનાવી જોફ્રા આર્ચરનો શિકાર બન્યો,

-રીઝા હેન્ડ્રીક્સ 25 બોલમાં 1 ફોર સાથે 19 રન બનાવી મોઈન અલીની ઓવરમાં આઉટ થયો.

-ક્વિન્ટોન ડી કોકે 22 બોલમાં 3 ફોર 4 સિક્સર સાથે અડધી સદીપ પુરી કરી.

-દક્ષિણ આફ્રિકાએ 4.5 ઓવરમાં 50 રન પુરા કર્યા.

- ઇંગ્લેન્ડના કેપ્ટન જોશ બટલરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

-આ મેચ સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં રમાઈ રહી છે.

બન્ને ટીમો આ પ્રમાણે છે

દક્ષિણ આફ્રિકા : ક્વિન્ટન ડી કોક, રીઝા હેન્ડ્રીક્સ, એડન માર્કરામ (કેપ્ટન), ટ્રિસ્ટન સ્ટબ્સ, હેનરિક ક્લાસેન, ડેવિડ મિલર, માર્કો જેન્સેન, કેશવ મહારાજ, કાગીસો રબાડા, ઓટ્ટનીલ બાર્ટમેન, એનરિચ નોર્ટજે.

ઈંગ્લેન્ડ : ફિલ સોલ્ટ, જોસ બટલર (કેપ્ટન), મોઈન અલી, જોની બેરસ્ટો, હેરી બ્રૂક, લિયામ લિવિંગસ્ટોન, સેમ કરન, જોફ્રા આર્ચર, આદિલ રાશિદ, માર્ક વુડ, રીસ ટોપલી.