કપિલ દેવની ભારતના હેડ કોચ પર ટિપ્પણી, કહ્યું - ગૌતમ ગંભીર ભારતીય ટીમના કોચ નહીં મેનેજર છે

Indian Cricket Team Coach : ભારતીય ક્રિકેટ ટીમના ભૂતપૂર્વ કેપ્ટન કપિલ દેવે કહ્યું કે આજકાલ હેડનું કામ ખેલાડીઓને કોચિંગ આપવાને બદલે તેમને મેનેજ કરવાનું વધુ છે. નવેમ્બરમાં સાઉથ આફ્રિકા સામેની ટેસ્ટ શ્રેણીમાં ભારતને 0-2થી હારનો સામનો કરવો પડયો હતો અને તે પહેલા 2024માં ભારતનો ન્યૂઝીલેન્ડ સામે 0-3થી હારનો સામનો કરવો પડયો હતો. ટેસ્ટ શ્રેણીમાં આવી હાર બાદ ગંભીર પર ભારે દબાણ છે.

ઈન્ડિયન ચેમ્બર ઓફ કોમર્સ આઈસીસી શતાબ્દી સત્રમાં કપિલ દેવે કહ્યું કે આજે 'કોચ' નામનો જે શબ્દ છે, કોચ આજે ખૂબ જ સામાન્ય શબ્દ છે. ગૌતમ ગંભીર કોચ ન હોઇ શકે તે ટીમનો મેનેજર હોઇ શકે છે. કોચ તે છે જેમની પાસેથી આપણે શાળા કે કોલેજમાં શીખીએ છીએ. તે લોકો મારા કોચ હતા કારણ કે તેઓ મને મેનેજ કરી શકતા હતા.

લેગ સ્પિનર કે વિકેટકીપરનો કોચ ગંભીર કેવી રીતે હોઈ શકે?

કપિલ દેવે આગળ કહ્યું કે તમે કોચ કેવી રીતે હોઇ શકો છો. ગૌતમ એક લેગ સ્પિનર અથવા વિકેટકીપરનો કોચ કેવી રીતે હોઈ શકે. મને લાગે છે કે તમારે મેનેજ કરવું પડશે અને તે વધુ મહત્વનું છે. એક મેનેજર તરીકે તમે તેમને હિંમત આપો છો કે તમે તે કરી શકો છો કારણ કે જ્યારે તમે મેનેજર બનો છો ત્યારે યુવાન છોકરાઓ તમારી તરફ જુએ છે.

તેમણે આગળ કહ્યું કે મારા મેનેજર અથવા કેપ્ટન મને તે આરામ કેવી રીતે આપી શકે છે અને આ જ મેનેજર અને કેપ્ટનનું કામ છે ટીમને આરામ આપવો અને હંમેશા કહેવું કે તમે વધુ સારું કરી શકો છો.

જે લોકો સારું રમી રહ્યા નથી તેમનો આત્મવિશ્વાસ વધારો

કપિલ દેવે કહ્યું કે કેપ્ટન તરીકે તેમની પોતાની ફિલસૂફી એ છે કે ખરાબ તબક્કામાંથી પસાર થઈ રહેલા ખેલાડીઓને સપોર્ટ કરવામાં આવે. મને લાગે છે કે જે લોકો સારું રમી રહ્યા નથી તેઓએ તમને દિલાસો આપવો જોઈએ. જો કોઈએ સદી ફટકારી હોય તો હું તેની સાથે ડ્રિન્ક અને ડિનર લેવા માંગતો નથી.

આ પણ વાંચો - ભારતીય ક્રિકેટ ટીમ અમદાવાદ પહોંચી, હાર્દિક પંડ્યા રૂમર્ડ ગર્લફ્રેન્ડ માહિકા શર્મા સાથે દેખાયો

ત્યાં ઘણા બધા લોકો છે, પરંતુ કેપ્ટન તરીકે હું તે લોકો સાથે ડ્રિંગ કરવા માંગીશ અથવા એવા લોકો સાથે ડિનર કરવા માંગીશ જેઓ સારું પ્રદર્શન કરી રહ્યા નથી. તમારે તેમને આત્મવિશ્વાસ આપવો પડશે અને તે જ થાય છે. તેથી મને લાગે છે કે કેપ્ટન તરીકે તે ખૂબ જ મહત્વપૂર્ણ છે અને તમારી ભૂમિકા માત્ર તમારા પર્ફોમન્સ સુધી સિમિત નથી, તે ટીમને એક સાથે લાવવા વિશે પણ છે.