IND vs AUS: શું ભારતીય કેપ્ટન રોહિત શર્મા સિડની ટેસ્ટમાંથી બહાર થશે? ગૌતમ ગંભીરના જવાબથી બધા ચોંકી ગયા

Gautam Gambhir press conference: બોર્ડર ગાવસ્કર ટ્રોફીમાં ભારતીય ટીમ 1-2થી પાછળ છે. ટીમ પાસે સિડનીમાં સિરીઝ ડ્રો કરવાની છેલ્લી તક છે. ચાહકો અને દિગ્ગજોએ પણ ભારતીય ટીમના ખરાબ પ્રદર્શન માટે કેપ્ટન રોહિત શર્માને જવાબદાર ઠેરવ્યા હતા. ભારતીય મુખ્ય કોચ ગૌતમ ગંભીરે ગુરુવારે પ્રેસમાં એક મોટો સંકેત આપ્યો હતો.

ગૌતમ ગંભીરને રોહિત શર્માને લઈને સવાલ પૂછવામાં આવ્યો

ગૌતમ ગંભીર પાંચમી ટેસ્ટ મેચ પહેલા પ્રેસ કોન્ફરન્સમાં આવ્યા હતા. આ પહેલા રોહિત શર્મા મોટાભાગે પ્રેસ કોન્ફરન્સમાં જોવા મળ્યો હતો. ગંભીરને સિડની ટેસ્ટની પ્લેઈંગ ઈલેવનમાં રોહિત શર્માના સ્થાન વિશે પૂછવામાં આવ્યું હતું. તેને પૂછવામાં આવ્યું કે શું રોહિત શર્મા સિડની ટેસ્ટ રમશે?

ગૌતમ ગંભીરના જવાબથી ચોંકી ઉઠ્યા

આ સવાલના જવાબમાં ગૌતમ ગંભીરે જે કહ્યું તે બધાને ચોંકાવી દીધા. ગંભીરે કહ્યું 'અમે પિચ જોયા પછી આવતીકાલે (3 જાન્યુઆરી) પ્લેઈંગ ઈલેવન નક્કી કરીશું.' જો રોહિત શર્મા કેપ્ટન હોવા છતાં પણ રમવાની ખાતરી નથી, તો તેનો અર્થ એવો કરવામાં આવી રહ્યો છે કે તેને પડતો મૂકવામાં આવી શકે છે.

આ પણ વાંચોઃ- ગૌતમ ગંભીર ડ્રેસિંગ રુમમાં ટીમ ઇન્ડિયા પર ગુસ્સે થયા, કહ્યું – બહુ થઇ ગયું, હવે એવું જ થશે જે હું કહીશ

E

રોહિત શર્માનું પ્રદર્શન

ઓસ્ટ્રેલિયામાં અત્યાર સુધી તેણે પાંચ ઇનિંગ્સમાં માત્ર 31 રન બનાવ્યા છે. આ સિવાય તેણે ન્યૂઝીલેન્ડ સામે ઘરઆંગણે રમાયેલી ટેસ્ટ સિરીઝમાં છ ઇનિંગ્સમાં નિરાશાજનક 91 રન બનાવ્યા હતા અને બાંગ્લાદેશ સામેની હોમ સિરીઝમાં માત્ર 42 રન બનાવ્યા હતા. તેણે 15 ઇનિંગ્સમાં માત્ર 164 રન બનાવ્યા છે, જે 11થી ઓછી સરેરાશ છે. કેપ્ટન તરીકે તેની એવરેજ 30.58 છે પરંતુ તે પહેલા તેણે 46.87ની એવરેજથી રન બનાવ્યા હતા. આ વર્ષે તે પોતાના નામ પ્રમાણે પ્રદર્શન કરી શક્યો નથી.