GT vs KKR Highlights, IPL 2024 : આઈપીએલ 2024, વરસાદના કારણે મેચ રદ, ગુજરાત ટાઈટન્સ પ્લેઓફની રેસમાંથી બહાર

Gujarat Titans vs Kolkata Knight Riders Highlights, IPL 2024, આઈપીએલ 2024, ગુજરાત વિ. કોલકાતા સ્કોર : અમદાવાદમાં વરસાદના કારણે ગુજરાત ટાઈટન્સ અને કોલકાતા નાઈટ રાઈડર્સની મેચ રદ કરવામાં આવી છે. અમદાવાદના નરેન્દ્ર મોદી સ્ટેડિયમમાં રમાનાર મેચમાં વરસાદના કારણે ટોસ પણ થઇ શક્યો ન હતો. મેચ રદ થતા બન્ને ટીમોને 1-1 પોઇન્ટ મળ્યા છે. જેના કારણે ગુજરાત ટાઈટન્સ પ્લેઓફની રેસમાંથી બહાર થઇ ગયું છે.

ગુજરાતના ટાઇટન્સના 11 પોઇન્ટ

ગુજરાતના ટાઇટન્સના હાલ 11 પોઇન્ટ છે અને તેણે હવે એક જ મેચ રમવાની બાકી છે. જો તેમાં જીત મેળવે તો પણ તેના 13 પોઇન્ટ જ થાય છે. આવી સ્થિતિમાં તે પ્લેઓફમાંથી બહાર થઇ ગયું છે. બીજી તરફ કોલકાતાએ 19 પોઇન્ટ સાથે નંબર વનનું સ્થાન મજબૂત બનાવ્યું છે. તે ટોપ-2 રહેશે તે નિશ્ચિત કરી લીધું છે.

May 13, 2024 22:45 IST
વરસાદના કારણે મેચ રદ, ગુજરાત ટાઈટન્સ પ્લેઓફની રેસમાંથી બહાર
અમદાવાદમાં વરસાદના કારણે ગુજરાત ટાઈટન્સ અને કોલકાતા નાઈટ રાઈડર્સની મેચ રદ કરવામાં આવી છે. અમદાવાદના નરેન્દ્ર મોદી સ્ટેડિયમમાં રમાનાર મેચામં વરસાદના કારણે ટોસ પણ થઇ શક્યો ન હતો. મેચ રદ થતા બન્ને ટીમોને 1-1 પોઇન્ટ મળ્યા છે. જેના કારણે ગુજરાત ટાઈટન્સ પ્લેઓફની રેસમાંથી બહાર થઇ ગયું છે.



May 13, 2024 21:01 IST
મેચમાં વરસાદનું વિધ્ન
અમદાવાદમાં વરસાદ વરસી રહ્યો છે. જેના કારણે ટોસ પણ હજુ સુધી થઇ શક્યો નથી. પાંચ ઓવરની મેચ માટેનો કટઓફ ટાઇમ ભારતીય સમય પ્રમાણે રાત્રે 10.56 મિનિટનો છે.



Advertisment
May 13, 2024 19:08 IST
ટોસમાં વિલંબ
અમદાવાદના નરેન્દ્ર મોદી સ્ટેડિયમમાં ખરાબ હવામાનના કારણે ગુજરાત અને કોલકાતાની મેચમાં ટોસમાં વિલંબ.



May 13, 2024 19:07 IST
ગુજરાત ટાઇટન્સ અને કોલકાતા નાઈટ રાઇડર્સ વચ્ચે હેડ ટુ હેડ
આઈપીએલમાં ગુજરાત ટાઈટન્સ અને કોલકાતા નાઈટ રાઇડર્સ વચ્ચે અત્યાર સુધીમાં 3 મુકાબલા થયા છે. જેમાં 2 મેચમાં ગુજરાતનો વિજય થયો છે. જ્યારે 1 મેચમાં કોલકાતાનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 204 અને લોએસ્ટ સ્કોર 156 રન છે. જ્યારે કોલકાતાનો હાઇએસ્ટ સ્કોર 207 અને લોએસ્ટ સ્કોર 148 રન છે. આઈપીએલ 2023માં બન્ને વચ્ચે 2 મેચો રમાઇ હતી. જેમાં બન્નેનો 1-1 મેચમાં વિજય થયો હતો.



May 13, 2024 19:06 IST
ગુજરાત ટાઈટન્સ વિ.કોલકાતા નાઈટ રાઇડર્સ વચ્ચે મુકાબલો
આઈપીએલ 2024ની 63મી મેચમાં ગુજરાત ટાઈટન્સ વિ.કોલકાતા નાઈટ રાઇડર્સ વચ્ચે મુકાબલો થશે. આ મેચ અમદાવાદના નરેન્દ્ર મોદી સ્ટેડિયમમાં રમાશે.