વર્લ્ડ કપ 2023 : ICC ની વર્લ્ડ કપ 2023 ટીમમાં રોહિત શર્મા કેપ્ટન, રોહિત સિવાય આ 5 ભારતીયોને પણ મળ્યું સ્થાન

World Cup 2023 : રોહિત શર્મા પોતાના નેતૃત્વમાં ટીમ ઈન્ડિયાને ત્રીજી વખત ODI વર્લ્ડ કપ ચેમ્પિયન બનાવી શક્યો નહીં, પરંતુ ટૂર્નામેન્ટ દરમિયાન તેના પ્રદર્શન અને કેપ્ટનશિપે બધાને પ્રભાવિત કર્યા હતા. ICCએ પણ તેની કેપ્ટનશિપને સલામ કરી છે. ટૂર્નામેન્ટની ફાઈનલ બાદ ICC એ મેન્સ ક્રિકેટ વર્લ્ડ કપ 2023 માટે 12 સભ્યોની ટીમ પસંદ કરી છે. જેમાં રોહિત શર્માને ટીમના કેપ્ટન તરીકે પસંદ કરવામાં આવ્યો છે.

રોહિત શર્માને સતત બીજી વખત ICC ODI વર્લ્ડ કપ ટીમમાં પસંદ કરવામાં આવ્યો છે. 5 દેશોના ખેલાડીઓ ICC ટીમમાં સ્થાન બનાવવામાં સફળ રહ્યા હતા. જેમાં 2023ની વર્લ્ડ ચેમ્પિયન ઓસ્ટ્રેલિયા, રનર્સ અપ ભારતીય ટીમ, સેમિ ફાઇનલિસ્ટ દક્ષિણ આફ્રિકા અને ન્યૂઝીલેન્ડ અને શ્રીલંકાના ખેલાડીઓનો સમાવેશ થાય છે.

ભારતના સૌથી વધારે 6 ખેલાડીઓ

આ ટીમમાં ભારતના સૌથી વધુ 6 ખેલાડીઓ સામેલ છે. રોહિત શર્મા ઉપરાંત ટૂર્નામેન્ટના ટોપ રન સ્કોરર વિરાટ કોહલી, સૌથી વધુ વિકેટ લેનાર મોહમ્મદ શમી, કેએલ રાહુલ, રવિન્દ્ર જાડેજા અને જસપ્રીત બુમરાહનો પણ ટીમમાં સમાવેશ કરાયો છે.

આ પણ વાંચો - વર્લ્ડ કપ : રાહુલ દ્રવિડ ન જોઈ શક્યા ખેલાડીઓનું દુ:ખ, મેચ પછી જણાવી ડ્રેસિંગ રૂમની કહાની

ઓસ્ટ્રેલિયાના માત્ર બે ખેલાડીઓ

વર્લ્ડ ચેમ્પિયન ઓસ્ટ્રેલિયામાંથી માત્ર 2 ખેલાડીઓની પસંદગી કરવામાં આવી છે. અફઘાનિસ્તાન સામે રેકોર્ડ બ્રેક ઇનિંગ્સ રમનાર ઓલરાઉન્ડર ગ્લેન મેક્સવેલ અને સ્પિનર એડમ ઝમ્પાનો સમાવેશ થયો છે.

ICC ટીમ પસંદગી પેનલમાં ઇયાન બિશપ, કે નાયડુ, શેન વોટસન (કોમેન્ટેટર), વસીમ ખાન (ICC જનરલ મેનેજર, ક્રિકેટ) અને સુનીલ વૈદ્ય (પત્રકાર, અમદાવાદ મિરર) સામેલ હતા.

ICC મેન્સ ક્રિકેટ વર્લ્ડ કપ 2023 ટીમ