IND vs AUS Semi-Final : ચેમ્પિયન્સ ટ્રોફી 2025, ભારત ફાઇનલમાં, ઓસ્ટ્રેલિયાને હરાવી 2023ના વર્લ્ડ કપનો બદલો લીધો

ભારતે સતત ત્રીજી વખત આઈસીસી ચેમ્પિયન્સ ટ્રોફીની ફાઇનલમાં પ્રવેશ કર્યો છે. આ પહેલા 2013 અને 2017માં ભારતે ફાઇનલમાં પ્રવેશ કર્યો હતો. ભારત હવે 9 માર્ચે દુબઈમાં દક્ષિણ આફ્રિકા અને ન્યૂઝીલેન્ડ વચ્ચેની વિજેતા ટીમ સામે ટકરાશે.

ભારત આઈસીસી ચેમ્પિયન્સ ટ્રોફી 2025ની ફાઇનલમાં પહોંચી ગયું છે. વિરાટ કોહલીના 84, શ્રેયસ ઐયરના 45 અને કેએલ રાહુલના અણનમ 42 રનની મદદથી ભારતે ચેમ્પિયન્સ ટ્રોફીની સેમિ ફાઇનલમાં ઓસ્ટ્રેલિયા સામે 4 વિકેટે વિજય મેળવ્યો હતો. ઓસ્ટ્રેલિયા પ્રથમ બેટિંગ કરતા 49.3 ઓવરમાં 264 રનમાં ઓલઆઉટ થઇ ગયું હતું. જવાબમાં ભારતે 48.1 ઓવરમાં 6 વિકેટ ગુમાવી પડકાર મેળવી લીધો હતો.

હાર્દિક પંડ્યા 24 બોલમાં 1 ફોર અને 3 સિક્સર સાથે 28 રન બનાવી એલિસની ઓવરમાં કેચ આઉટ થયો. ભારતે 259 રને છઠ્ઠી વિકેટ ગુમાવી.

હાર્દિક પંડ્યાએ એડમ ઝમ્પાની ઓવરમાં બે બોલમાં બે સિક્સર ફટકારી.

વિરાટ કોહલી 98 બોલમાં 5 ફોર સાથે 84 રન બનાવી એડમ ઝમ્પાની ઓવરમાં કેચ આઉટ થયો. ભારતે 225 રને પાંચમી વિકેટ ગુમાવી.

ભારતે 40 ઓવરમાં 200 રન પુરા કર્યા. વિરાટ કોહલી અને કેએલ રાહુલ રમતમાં છે.

અક્ષર પટેલ 30 બોલમાં 1 ફોર અને 1 સિક્સર સાથે 27 રને એલિસની ઓવરમાં બોલ્ડ થયો. ભારતે 178 રને ચોથી વિકેટ ગુમાવી.

શ્રેયસ ઐયર 62 બોલમાં 3 ફોર સાથે 45 રન બનાવી એડમ ઝમ્પાની ઓવરમાં બોલ્ડ થયો. ભારતે 134 રને ત્રીજી વિકેટ ગુમાવી. કોહલી અને ઐયરે 91 રનની ભાગીદારી નોધાવી હતી.

વિરાટ કોહલીએ 53 બોલમાં 4 ફોર સાથે અડધી સદી ફટકારી.

ભારતે 19.4 ઓવરમાં 100 રન પુરા કર્યા. વિરાટ કોહલી અને શ્રેયસ ઐયર રમતમાં છે.

રોહિત શર્મા 29 બોલમાં 3 ફોર અને 1 સિક્સર સાથે 28 રન બનાવી કૂપર કોનોલીની ઓવરમાં એલબી આઉટ થયો. ભારતે 43 રને બીજી વિકેટ ગુમાવી.

શુભમન ગિલ 11 બોલમાં 1 ફોર સાથે 8 રન બનાવી બેન દ્વારશુઇસની ઓવરમાં બોલ્ડ થયો. ભારતે 30 રને પ્રથમ વિકેટ ગુમાવી.

રોહિત શર્મા અને શુભમન ગિલ ઓપનિંગમાં ઉતર્યા. બેન દ્વારશુઇસે પ્રથમ ઓવર ફેંકી

ભારત તરફથી મોહમ્મદ શમીએ સૌથી વધારે 3 વિકેટ ઝડપી છે. વરુણ ચક્રવર્તી અને રવિન્દ્ર જાડેજાને 2-2 વિકેટ. જ્યારે હાર્દિક પંડ્યા અને અક્ષર પટેલને 1-1 વિકેટ મળી હતી.

ચેમ્પિયન્સ ટ્રોફી 2025ની પ્રથમ સેમિ ફાઇનલમાં ભારત સામે ઓસ્ટ્રેલિયા 49.3 ઓવરમાં 264 રનમાં ઓલઆઉટ થઇ ગયું છે. ભારતને જીતવા માટે 265 રનનો પડકાર મળ્યો છે.

એલેક્સ કેરી 57 બોલમાં 8 ફોર અને 1 સિક્સર સાથે 61 રને રન આઉટ થયો. ઓસ્ટ્રેલિયાએ 249 રને આઠમી વિકેટ ગુમાવી.

બેન દ્વારશુઇસ 29 બોલમાં 1 ફોર અને 1 સિક્સર સાથે 19 રને વરુણ ચક્રવર્તીની ઓવરમાં કેચ આઉટ થયો.

એલેક્સ કેરીએ શાનદાર બેટિંગ કરતા 48 બોલમાં 7 ફોર અને 1 સિક્સર સાથે અડધી સદી ફટકારી.

ગ્લેન મેક્સવેલ 5 બોલમાં 7 રન બનાવી અક્ષર પટેલની ઓવરમાં બોલ્ડ થયો. ઓસ્ટ્રેલિયાએ 205 રને છઠ્ઠી વિકેટ ગુમાવી.

સ્ટિવન સ્મિથ 96 બોલમાં 4 ફોર અને 1 સિક્સર સાથે 73 રન બનાવી મોહમ્મદ શમીની ઓવરમાં બોલ્ડ થયો. ઓસ્ટ્રેલિયાને 198 રને પાંચમો ફટકો.

જોશ ઇંગ્લિશ 12 બોલમાં 11 રન બનાવી જાડેજાની ઓવરમાં કેચ આઉટ થયો. ઓસ્ટ્રેલિયાએ 144 રનમાં 4 વિકેટ ગુમાવી.

સ્ટિવન સ્મિથે 68 બોલમાં 4 ફોર સાથે અડધી સદી ફટકારી.

માર્નશ લાબુશેન 36 બોલમાં 2 ફોર અને 1 સિક્સર સાથે 29 રન બનાવી રવિન્દ્ર જાડેજાની ઓવરમાં એલબી આઉટ થયો. ઓસ્ટ્રેલિયાએ 110 રને ત્રીજી વિકેટ ગુમાવી.

ઓસ્ટ્રેલિયાએ 19.5 ઓવરમાં 100 રન પુરા કર્યા. સ્ટિવન સ્મિથ અને લાબુશેન રમતમાં છે

ટ્રેવિસ હેડ 33 બોલમાં 5 ફોર અને 2 સિક્સર સાથે 39 રન બનાવી વરુણ ચક્રવર્તીની ઓવરમાં કેચ આઉટ થયો. ઓસ્ટ્રેલિયાએ 54 રને બીજી વિકેટ ગુમાવી.

ઓસ્ટ્રેલિયાએ 7.2 ઓવરમાં 50 રન પુરા કર્યા.

કૂપર કોનોલી 9 બોલમાં ખાતું ખોલાયા વિના હાર્દિક પંડ્યાની ઓવરમાં કેચ આઉટ થયો. ઓસ્ટ્રેલિયાએ 4 રને પ્રથમ વિકેટ ગુમાવી.

ઓસ્ટ્રેલિયા તરફથી કૂપર કોનોલી અને ટ્રેવિસ હેડ ઓપનિંગમાં ઉતર્યા. શમીની પ્રથમ ઓવરમાં 2 રન બનાવ્યા.

ટ્રેવિસ હેડ, કોપર કોનોલી, સ્ટિવન સ્મિથ (કેપ્ટન), માર્નસ લાબુશેન, જોશ ઇંગ્લિસ, એલેક્સ કેરી, ગ્લેન મેક્સવેલ, બેન દ્વારશુઇસ, નાથન એલિસ, એડમ ઝામ્પા, તનવીર સંઘા.

રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, અક્ષર પટેલ, કેએલ રાહુલ, હાર્દિક પંડ્યા, રવિન્દ્ર જાડેજા, કુલદીપ યાદવ, વરુણ ચક્રવર્તી, મોહમ્મદ શમી.

ચેમ્પિયન્સ ટ્રોફી 2025ની પ્રથમ સેમિ ફાઇનલમાં ભારત સામે ઓસ્ટ્રેલિયાના કેપ્ટન સ્ટિવન સ્મિથે ટોસ જીતીને પ્રથમ બેટિંગ કરવાનો નિર્ણય કર્યો છે.

ભારત અને ઓસ્ટ્રેલિયા વચ્ચે અત્યાર સુધીમાં 151 ODI ઈન્ટરનેશનલ મેચ રમાઈ છે. જેમાંથી ભારતે 57માં જીત મેળવી છે, જ્યારે 84માં તેને હારનો સામનો કરવો પડ્યો છે. દસ મેચ અનિર્ણિત રહી છે. ઓસ્ટ્રેલિયા ICC ODI સ્પર્ધાઓમાં પણ આગળ છે. તેણે 17માંથી 10માં જીત મેળવી છે. જોકે ખાસ વાત એ છે કે 2020 થી બંનેએ 7-7 મેચ જીતી છે.

ચેમ્પિયન્સ ટ્રોફી 2025માં ભારત વિ ઓસ્ટ્રેલિયા વચ્ચે આજે સેમિ ફાઇનલ મુકાબલો થશે. આ મેચ ભારતીય સમય પ્રમાણે બપોરે 2.30 વાગ્યે શરુ થશે. બપોરે 2.00 વાગે ટોસ થશે. આ મેચ દુબઈ ઇન્ટરનેશનલ સ્ટેડિયમ ખાતે રમાશે. આ મેચનું ટીવી પર સ્ટાર સ્પોર્ટ્સ અને સ્પોર્ટ્સ 18 ચેનલો પર લાઇવ પ્રસારણ કરવામાં આવશે. જ્યારે JioHotstar પર મેચનું લાઇવ સ્ટ્રીમિંગ જોઇ શકો છો.