Women’s World Cup 2025, IND-W vs AUS-W : મહિલા વર્લ્ડ કપ, જેમિમાહ રોડ્રિગ્સની લડાયક સદી, ભારતનો ફાઇનલમાં પ્રવેશ

ભારતે ઓસ્ટ્રેલિયાને હરાવી આઈસીસી મહિલા વન ડે વર્લ્ડ કપ 2025 ની ફાઇનલમાં પ્રવેશ કર્યો છે. જેમિમાહ રોડ્રિગ્સની અણનમ સદી (127) અને હરમનપ્રીત કૌરના 89 રનની મદદથી ભારતીય મહિલા ટીમે બીજી સેમિ ફાઇનલમાં ઓસ્ટ્રેલિયાની મહિલા ટીમ સામે 5 વિકેટે વિજય મેળવ્યો હતો. ઓસ્ટ્રેલિયાએ પ્રથમ બેટિંગ કરતા 49.5 ઓવરમાં 338 રનમાં ઓલઆઉટ થઇ ગયું હતું. જવાબમાં ભારતે 48.3 ઓવરમાં 5 વિકેટે 341 રન બનાવી મેચ જીતી લીધી હતી. ભારત હવે 2 નવેમ્બરને રવિવારના રોજ ફાઇનલમાં દક્ષિણ આફ્રિકા સામે ટકરાશે.

જેમિમાહ રોડ્રિગ્સે શાનદાર બેટિંગ કરતા 115 બોલમાં 10 ફોર સાથે સદી ફટકારી. ભારતે 44.4 ઓવરમાં 300 રન પુરા કર્યા હતા. રિષા ઘોષ 16 બોલમાં 2 ફોર અને 2 સિક્સર સાથે કેચ આઉટ થઇ.

હરમનપ્રીત કૌર 88 બોલમાં 10 ફોર અને 2 સિક્સર સાથે 89 રને સધરલેન્ડેની ઓવરમાં કેચ આઉટ થઇ. ભારતે 226 રને ત્રીજી વિકેટ ગુમાવી.

હરમનપ્રીત કૌરે 65 બોલમાં 6 ફોર સાથે અડધી સદી ફટકારી. ભારતીય ટીમે 25 ઓવરમાં 150 રન પુરા કર્યા.

જેમિમાહ રોડ્રિગ્સે 57 બોલમાં 8 ફોર સાથે અડધી સદી ફટકારી હતી. ભારતે 17 ઓવરમાં 100 રન પુરા કર્યા હતા.

શેફાલી વર્મા 5 બોલમાં 2 ફોર સાથે 10 રને અને સ્મૃતિ મંધાના 24 બોલમાં 2 ફોર અને 1 સિક્સર સાથે 24 રને કિમ ગાર્થનો બીજો શિકાર બની. ભારતે 59 રને બીજી વિકેટ ગુમાવી.

આઈસીસી મહિલા વન ડે વર્લ્ડ કપ 2025 ની બીજી સેમિ ફાઇનલમાં ભારત સામે ઓસ્ટ્રેલિયા 49.5 ઓવરમાં 338 રનમાં ઓલઆઉટ થઇ ગયું હતું. ભારતને જીતવા માટે 339 રનનો પડકાર મળ્યો છે

એશલે ગાર્ડનર 45 બોલમાં 4 ફોર અને 4 સિક્સર સાથે 63 રન બનાવી રન આઉટ થઇ. ઓસ્ટ્રેલિયાએ 331 રને સાતમી વિકેટ ગુમાવી. ટીમે 46 ઓવરમાં 300 રન પુરા કર્યા હતા.

બેથ મૂની 22 બોલમાં 3 ફોર સાથે 24 રને અને અન્નાબેલ સધરલેન્ડ 3 રને એન શ્રી ચરાણીનો શિકાર બની હતી. ત્યારબાદ ફોર્મમાં રહેલી અલીસ પેરી 88 બોલમાં 6 ફોર અને 2 સિક્સર સાથે 77 રને રાધા યાદવની ઓવરમાં બોલ્ડ થઇ હતી. તાહલિયા મેકગ્રા 12 રને રન આઉટ થઇ હતી. ઓસ્ટ્રેલિયાએ 265 રને છઠ્ઠી વિકેટ ગુમાવી હતી.

એલિસ પેરી 66 બોલમાં 5 ફોર અને 1 સિક્સર સાથે અડધી સદી ફટકારી. ઓસ્ટ્રેલિયાએ 31.2 ઓવરમાં 200 રન પુરા કર્યા.

ફોબી લિચફિલ્ડ 93 બોલમાં 17 ફોર અને 3 સિક્સર સાથે 119 રન બનાવી અમનજોત કૌરની ઓવરમાં બોલ્ડ થઇ. ઓસ્ટ્રેલિયાએ 180 રને બીજી વિકેટ ગુમાવી.

ફોબી લિચફિલ્ડે શાનદાર બેટિંગ કરતા 77 બોલમાં 17 ફોર અને 1 સિક્સર સાથે સદી ફટકારી. તેણે વર્લ્ડ કપમાં પ્રથમ સદી ફટકારી છે.

ઓસ્ટ્રેલિયાએ 20 ઓવરમાં 1 વિકેટે 135 રન બનાવી લીધા છે. ફોબી લિચફિલ્ડ 83 અને એલિસ પેરી 37 રને રમતમાં છે.

ફોબી લિચફિલ્ડે શાનદાર બેટિંગ કરતા 45 બોલમાં 10 ફોર સાથે અડધી સદી ફટકારી. ઓસ્ટ્રેલિયાએ 15.2 ઓવરમાં 100 રન પુરા કર્યા હતા.

ઓસ્ટ્રેલિયાએ 10 ઓવરમાં 1 વિકેટે 72 રન બનાવી લીધા છે. ફોબી લિચફિલ્ડ 41 અને એલિસ પેરી 18 રને રમતમાં છે. ટીમે 7.2 ઓવરમાં 50 રન પુરા કર્યા હતા.

એલિસા હેલી 15 બોલમાં 5 રન બનાવી ક્રાંતિ ગૌડની ઓવરમાં બોલ્ડ થઇ. ઓસ્ટ્રેલિયાએ 25 રને પ્રથમ વિકેટ ગુમાવી.

સ્મૃતિ મંધાના, શેફાલી વર્મા, અમનજોત કૌર, હરમનપ્રીત કૌર (કેપ્ટન), જેમિમાહ રોડ્રિગ્સ, રિચા ઘોષ, દીપ્તિ શર્મા, રાધા યાદવ, ક્રાંતિ ગૌડ, એન શ્રી ચરાણી, રેણુકા સિંહ.

એલિસા હેલી (કેપ્ટન), ફોબી લિચફિલ્ડ, એલિસ પેરી, બેથ મૂની, અન્નાબેલ સધરલેન્ડ, એશલે ગાર્ડનર, તાહલિયા મેકગ્રા, સોફી મોલિનક્સ, કિમ ગાર્થ, અલાના કિંગ, મેગન શ્યોટ.

આઈસીસી મહિલા વન ડે વર્લ્ડ કપ 2025 ની બીજી સેમિફાઇનલમાં ભારત સામે ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચ નવી મુંબઈમાં ડૉ. ડીવાય પાટિલ સ્પોર્ટ્સ એકેડેમી ખાતે રમાઇ રહી છે

નવી મુંબઈના ડીવાય પાટિલ ક્રિકેટ સ્ટેડિયમમાં ભારત-ઓસ્ટ્રેલિયા સેમિફાઇનલ પર ઘેરા વાદળો છવાયેલા છે. વરસાદની પણ આગાહી છે, જેના કારણે આ મેચમાં વરસાદનું વિધ્ન આવી તેવી શક્યતા છે. હાલમાં કોઈ પીચ કવર નથી, પરંતુ કોઈપણ અણધારી વરસાદના કિસ્સામાં ગ્રાઉન્ડ સ્ટાફ તેમને લાવવા માટે સ્ટેન્ડબાય પર છે.

આઈસીસી મહિલા વન ડે વર્લ્ડ કપ 2025 ની બીજી સેમિફાઇનલ આજે નવી મુંબઈમાં ડૉ. ડીવાય પાટિલ સ્પોર્ટ્સ એકેડેમી ખાતે ભારત અને ઓસ્ટ્રેલિયા વચ્ચે રમાશે. આ મેચમાં વિજેતા ટીમ 2 નવેમ્બરના રોજ આ જ સ્થળે ફાઇનલમાં દક્ષિણ આફ્રિકા સામે ટકરાશે. દક્ષિણ આફ્રિકાએ ગુવાહાટીના બારસાપારા સ્ટેડિયમ ખાતે રમાયેલી પહેલી સેમિફાઇનલમાં ઇંગ્લેન્ડને 125 રને હરાવીને ફાઇનલમાં પ્રવેશ કર્યો હતો.