Women’s World Cup 2025, IND-W vs AUS-W : મહિલા વર્લ્ડ કપ, જેમિમાહ રોડ્રિગ્સની લડાયક સદી, ભારતનો ફાઇનલમાં પ્રવેશ

India vs Australia ICC Women World Cup 2025, 2nd Semi-Final: ભારતે ઓસ્ટ્રેલિયાને હરાવી આઈસીસી મહિલા વન ડે વર્લ્ડ કપ 2025 ની ફાઇનલમાં પ્રવેશ કર્યો છે. જેમિમાહ રોડ્રિગ્સની અણનમ સદી (127) અને હરમનપ્રીત કૌરના 89 રનની મદદથી ભારતીય મહિલા ટીમે બીજી સેમિ ફાઇનલમાં ઓસ્ટ્રેલિયાની મહિલા ટીમ સામે 5 વિકેટે વિજય મેળવ્યો હતો. ઓસ્ટ્રેલિયાએ પ્રથમ બેટિંગ કરતા 49.5 ઓવરમાં 338 રનમાં ઓલઆઉટ થઇ ગયું હતું. જવાબમાં ભારતે 48.3 ઓવરમાં 5 વિકેટે 341 રન બનાવી મેચ જીતી લીધી હતી. ભારત હવે 2 નવેમ્બરને રવિવારના રોજ ફાઇનલમાં દક્ષિણ આફ્રિકા સામે ટકરાશે.

ઓસ્ટ્રેલિયાના 8 વર્ષનો વિજય રથ ભારતે રોક્યો

આ જીત સાથે ભારતે વિમેન્સ વર્લ્ડ કપમાં ઓસ્ટ્રેલિયાના આઠ વર્ષથી ચાલી આવતા વિજય રથને અટકાવી દીધો છે. વિમેન્સ વર્લ્ડ કપમાં ઓસ્ટ્રેલિયાની ટીમ અગાઉ 2017માં હારી ગઈ હતી. ત્યાર બાદ તે એક પણ મેચ હારી ન હતી. ખાસ વાત એ છે કે 2017માં પણ ભારતે મહિલા વર્લ્ડ કપમાં ઓસ્ટ્રેલિયાને હરાવ્યું હતું. ઓસ્ટ્રેલિયન ક્રિકેટ ટીમ સાત વખત વર્લ્ડ ચેમ્પિયન રહી ચૂકી છે.

ભારત ત્રીજી વખત વન-ડે વર્લ્ડ કપની ફાઈનલમાં

ભારતે ત્રીજી વખત મહિલા વન ડે વર્લ્ડ કપની ફાઈનલમાં ક્વોલિફાય કર્યું છે. અગાઉ ભારતીય ટીમ 2005 અને 2017માં રનર્સ અપ રહી હતી. આ વખતે નવું વર્લ્ડ ચેમ્પિયન બનશે. 2 નવેમ્બરે ભારત અને દક્ષિણ આફ્રિકા વચ્ચે મહિલા વર્લ્ડ કપ 2025ની ફાઈનલ રમાશે. બંને ટીમો અત્યાર સુધી એક વખત પણ વર્લ્ડ કપ જીતી શકી નથી.

વર્લ્ડ કપ નોકઆઉટમાં પહેલીવાર 300+ રનનો સફળતાપૂર્વક પીછો કર્યો

વન-ડે વર્લ્ડ કપ (પુરુષ કે મહિલા)ના નોકઆઉટમાં 300થી વધુના ટાર્ગેટનો સફળતાપૂર્વક પીછો કરવામાં આવ્યો હોય તેવી આ પહેલી ઘટના છે. આ પહેલા મેન્સ વર્લ્ડ કપ 2015ની સેમિફાઇનલમાં સૌથી વધુ રનનો પીછો કરવામાં આવ્યો હતો. ત્યારબાદ ન્યૂઝીલેન્ડે ઓકલેન્ડમાં દક્ષિણ આફ્રિકા સામે 298 રન બનાવીને મેચ જીતી લીધી હતી.

ભારત અને ઓસ્ટ્રેલિયા પ્લેઇંગ ઇલેવન

ભારત : સ્મૃતિ મંધાના, શેફાલી વર્મા, અમનજોત કૌર, હરમનપ્રીત કૌર (કેપ્ટન), જેમિમાહ રોડ્રિગ્સ, રિચા ઘોષ, દીપ્તિ શર્મા, રાધા યાદવ, ક્રાંતિ ગૌડ, એન શ્રી ચરાણી, રેણુકા સિંહ.

ઓસ્ટ્રેલિયા : એલિસા હેલી (કેપ્ટન), ફોબી લિચફિલ્ડ, એલિસ પેરી, બેથ મૂની, અન્નાબેલ સધરલેન્ડ, એશલે ગાર્ડનર, તાહલિયા મેકગ્રા, સોફી મોલિનક્સ, કિમ ગાર્થ, અલાના કિંગ, મેગન શ્યોટ.

Oct 30, 2025 22:53 IST
IND-W vs AUS-W LIVE : ભારતનો મહિલા વન ડે વર્લ્ડ કપ 2025 ની ફાઇનલમાં પ્રવેશ
ભારતે ઓસ્ટ્રેલિયાને હરાવી આઈસીસી મહિલા વન ડે વર્લ્ડ કપ 2025 ની ફાઇનલમાં પ્રવેશ કર્યો છે. જેમિમાહ રોડ્રિગ્સની અણનમ સદી (127) અને હરમનપ્રીત કૌરના 89 રનની મદદથી ભારતીય મહિલા ટીમે બીજી સેમિ ફાઇનલમાં ઓસ્ટ્રેલિયાની મહિલા ટીમ સામે 5 વિકેટે વિજય મેળવ્યો હતો. ઓસ્ટ્રેલિયાએ પ્રથમ બેટિંગ કરતા 49.5 ઓવરમાં 338 રનમાં ઓલઆઉટ થઇ ગયું હતું. જવાબમાં ભારતે 48.3 ઓવરમાં 5 વિકેટે 341 રન બનાવી મેચ જીતી લીધી હતી. ભારત હવે 2 નવેમ્બરને રવિવારના રોજ ફાઇનલમાં દક્ષિણ આફ્રિકા સામે ટકરાશે.



Oct 30, 2025 22:42 IST
IND-W vs AUS-W LIVE : જેમિમાહ રોડ્રિગ્સની સદી
જેમિમાહ રોડ્રિગ્સે શાનદાર બેટિંગ કરતા 115 બોલમાં 10 ફોર સાથે સદી ફટકારી. ભારતે 44.4 ઓવરમાં 300 રન પુરા કર્યા હતા. રિષા ઘોષ 16 બોલમાં 2 ફોર અને 2 સિક્સર સાથે કેચ આઉટ થઇ.



Oct 30, 2025 21:58 IST
IND-W vs AUS-W LIVE : હરમનપ્રીત કૌર 89 રને આઉટ
હરમનપ્રીત કૌર 88 બોલમાં 10 ફોર અને 2 સિક્સર સાથે 89 રને સધરલેન્ડેની ઓવરમાં કેચ આઉટ થઇ. ભારતે 226 રને ત્રીજી વિકેટ ગુમાવી.



Oct 30, 2025 21:20 IST
IND-W vs AUS-W LIVE : હરમનપ્રીત કૌરની અડધી સદી
હરમનપ્રીત કૌરે 65 બોલમાં 6 ફોર સાથે અડધી સદી ફટકારી. ભારતીય ટીમે 25 ઓવરમાં 150 રન પુરા કર્યા.



Oct 30, 2025 20:48 IST
IND-W vs AUS-W LIVE : જેમિમાહ રોડ્રિગ્સની અડધી સદી
જેમિમાહ રોડ્રિગ્સે 57 બોલમાં 8 ફોર સાથે અડધી સદી ફટકારી હતી. ભારતે 17 ઓવરમાં 100 રન પુરા કર્યા હતા.



Oct 30, 2025 20:00 IST
IND-W vs AUS-W LIVE : સ્મૃતિ મંધાના 24 રને આઉટ
શેફાલી વર્મા 5 બોલમાં 2 ફોર સાથે 10 રને અને સ્મૃતિ મંધાના 24 બોલમાં 2 ફોર અને 1 સિક્સર સાથે 24 રને કિમ ગાર્થનો બીજો શિકાર બની. ભારતે 59 રને બીજી વિકેટ ગુમાવી.



Oct 30, 2025 19:02 IST
IND-W vs AUS-W LIVE : ભારતને જીતવા માટે 339 રનનો પડકાર
આઈસીસી મહિલા વન ડે વર્લ્ડ કપ 2025 ની બીજી સેમિ ફાઇનલમાં ભારત સામે ઓસ્ટ્રેલિયા 49.5 ઓવરમાં 338 રનમાં ઓલઆઉટ થઇ ગયું હતું. ભારતને જીતવા માટે 339 રનનો પડકાર મળ્યો છે



Oct 30, 2025 18:40 IST
IND-W vs AUS-W LIVE : એશલે ગાર્ડનરના 63 રન
એશલે ગાર્ડનર 45 બોલમાં 4 ફોર અને 4 સિક્સર સાથે 63 રન બનાવી રન આઉટ થઇ. ઓસ્ટ્રેલિયાએ 331 રને સાતમી વિકેટ ગુમાવી. ટીમે 46 ઓવરમાં 300 રન પુરા કર્યા હતા.



Oct 30, 2025 18:13 IST
IND-W vs AUS-W LIVE : અલીસ પેરી 77 રને બોલ્ડ
બેથ મૂની 22 બોલમાં 3 ફોર સાથે 24 રને અને અન્નાબેલ સધરલેન્ડ 3 રને એન શ્રી ચરાણીનો શિકાર બની હતી. ત્યારબાદ ફોર્મમાં રહેલી અલીસ પેરી 88 બોલમાં 6 ફોર અને 2 સિક્સર સાથે 77 રને રાધા યાદવની ઓવરમાં બોલ્ડ થઇ હતી. તાહલિયા મેકગ્રા 12 રને રન આઉટ થઇ હતી. ઓસ્ટ્રેલિયાએ 265 રને છઠ્ઠી વિકેટ ગુમાવી હતી.



Oct 30, 2025 17:33 IST
IND-W vs AUS-W LIVE : એલિસ પેરીની અડધી સદી
એલિસ પેરી 66 બોલમાં 5 ફોર અને 1 સિક્સર સાથે અડધી સદી ફટકારી. ઓસ્ટ્રેલિયાએ 31.2 ઓવરમાં 200 રન પુરા કર્યા.



Oct 30, 2025 17:17 IST
IND-W vs AUS-W LIVE : ફોબી લિચફિલ્ડ 119 રને આઉટ
ફોબી લિચફિલ્ડ 93 બોલમાં 17 ફોર અને 3 સિક્સર સાથે 119 રન બનાવી અમનજોત કૌરની ઓવરમાં બોલ્ડ થઇ. ઓસ્ટ્રેલિયાએ 180 રને બીજી વિકેટ ગુમાવી.



Oct 30, 2025 16:56 IST
IND-W vs AUS-W LIVE : ફોબી લિચફિલ્ડની સદી
ફોબી લિચફિલ્ડે શાનદાર બેટિંગ કરતા 77 બોલમાં 17 ફોર અને 1 સિક્સર સાથે સદી ફટકારી. તેણે વર્લ્ડ કપમાં પ્રથમ સદી ફટકારી છે.



Oct 30, 2025 16:48 IST
IND-W vs AUS-W LIVE : ઓસ્ટ્રેલિયાના 20 ઓવરમાં 1 વિકેટે 135 રન
ઓસ્ટ્રેલિયાએ 20 ઓવરમાં 1 વિકેટે 135 રન બનાવી લીધા છે. ફોબી લિચફિલ્ડ 83 અને એલિસ પેરી 37 રને રમતમાં છે.



Oct 30, 2025 16:20 IST
IND-W vs AUS-W LIVE : ફોબી લિચફિલ્ડની અડધી સદી
ફોબી લિચફિલ્ડે શાનદાર બેટિંગ કરતા 45 બોલમાં 10 ફોર સાથે અડધી સદી ફટકારી. ઓસ્ટ્રેલિયાએ 15.2 ઓવરમાં 100 રન પુરા કર્યા હતા.



Oct 30, 2025 16:02 IST
IND-W vs AUS-W LIVE : ઓસ્ટ્રેલિયાના 10 ઓવરમાં 1 વિકેટે 72 રન
ઓસ્ટ્રેલિયાએ 10 ઓવરમાં 1 વિકેટે 72 રન બનાવી લીધા છે. ફોબી લિચફિલ્ડ 41 અને એલિસ પેરી 18 રને રમતમાં છે. ટીમે 7.2 ઓવરમાં 50 રન પુરા કર્યા હતા.



Oct 30, 2025 15:27 IST
IND-W vs AUS-W LIVE : એલિસા હેલી 5 રને બોલ્ડ
એલિસા હેલી 15 બોલમાં 5 રન બનાવી ક્રાંતિ ગૌડની ઓવરમાં બોલ્ડ થઇ. ઓસ્ટ્રેલિયાએ 25 રને પ્રથમ વિકેટ ગુમાવી.



Oct 30, 2025 14:41 IST
IND-W vs AUS-W LIVE : ભારત પ્લેઇંગ ઇલેવન
સ્મૃતિ મંધાના, શેફાલી વર્મા, અમનજોત કૌર, હરમનપ્રીત કૌર (કેપ્ટન), જેમિમાહ રોડ્રિગ્સ, રિચા ઘોષ, દીપ્તિ શર્મા, રાધા યાદવ, ક્રાંતિ ગૌડ, એન શ્રી ચરાણી, રેણુકા સિંહ.



Oct 30, 2025 14:41 IST
IND-W vs AUS-W LIVE : ઓસ્ટ્રેલિયા પ્લેઇંગ ઇલેવન
એલિસા હેલી (કેપ્ટન), ફોબી લિચફિલ્ડ, એલિસ પેરી, બેથ મૂની, અન્નાબેલ સધરલેન્ડ, એશલે ગાર્ડનર, તાહલિયા મેકગ્રા, સોફી મોલિનક્સ, કિમ ગાર્થ, અલાના કિંગ, મેગન શ્યોટ.



Oct 30, 2025 14:38 IST
IND-W vs AUS-W LIVE : ઓસ્ટ્રેલિયાએ ટોસ જીત્યો, બેટિંગ કરવાનો નિર્ણય કર્યો
આઈસીસી મહિલા વન ડે વર્લ્ડ કપ 2025 ની બીજી સેમિફાઇનલમાં ભારત સામે ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચ નવી મુંબઈમાં ડૉ. ડીવાય પાટિલ સ્પોર્ટ્સ એકેડેમી ખાતે રમાઇ રહી છે



Oct 30, 2025 14:15 IST
IND-W vs AUS-W LIVE : મેચમાં વરસાદની સંભાવના
નવી મુંબઈના ડીવાય પાટિલ ક્રિકેટ સ્ટેડિયમમાં ભારત-ઓસ્ટ્રેલિયા સેમિફાઇનલ પર ઘેરા વાદળો છવાયેલા છે. વરસાદની પણ આગાહી છે, જેના કારણે આ મેચમાં વરસાદનું વિધ્ન આવી તેવી શક્યતા છે. હાલમાં કોઈ પીચ કવર નથી, પરંતુ કોઈપણ અણધારી વરસાદના કિસ્સામાં ગ્રાઉન્ડ સ્ટાફ તેમને લાવવા માટે સ્ટેન્ડબાય પર છે.



Oct 30, 2025 14:14 IST
IND-W vs AUS-W LIVE : ભારત વિ ઓસ્ટ્રેલિયા બીજી સેમિ ફાઇનલ મેચ
આઈસીસી મહિલા વન ડે વર્લ્ડ કપ 2025 ની બીજી સેમિફાઇનલ આજે નવી મુંબઈમાં ડૉ. ડીવાય પાટિલ સ્પોર્ટ્સ એકેડેમી ખાતે ભારત અને ઓસ્ટ્રેલિયા વચ્ચે રમાશે. આ મેચમાં વિજેતા ટીમ 2 નવેમ્બરના રોજ આ જ સ્થળે ફાઇનલમાં દક્ષિણ આફ્રિકા સામે ટકરાશે. દક્ષિણ આફ્રિકાએ ગુવાહાટીના બારસાપારા સ્ટેડિયમ ખાતે રમાયેલી પહેલી સેમિફાઇનલમાં ઇંગ્લેન્ડને 125 રને હરાવીને ફાઇનલમાં પ્રવેશ કર્યો હતો.