IND vs AUS Score : બીજી વન ડેમાં ઓસ્ટ્રેલિયાનો 2 વિકેટે વિજય, શ્રેણીમાં 2-0થી અજેય લીડ મેળવી

IND vs AUS 2nd ODI Match Scorecard : મેથ્યુ શોર્ટ (74) અને કૂપર કોનોલી (અણનમ 61) ની અડધી સદીની મદદથી ઓસ્ટ્રેલિયાએ ભારત સામેની બીજી વન-ડેમાં 2 વિકેટે વિજય મેળવ્યો છે. ભારતે 50 ઓવરમાં 9 વિકેટે 264 રન બનાવ્યા હતા. જવાબમાં ઓસ્ટ્રેલિયાએ 46.2 ઓવરમાં 8 વિકેટે પડકાર મેળવી લીધો હતો. આ જીત સાથે ઓસ્ટ્રેલિયાએ 3 મેચની શ્રેણીમાં 2-0થી લીડ મેળવી લીધી છે.

Oct 23, 2025 17:15 IST
IND vs AUS LIVE : ઓસ્ટ્રેલિયાનો 2 વિકેટે વિજય
મેથ્યુ શોર્ટ (74) અને કૂપર કોનોલી (અણનમ 61) ની અડધી સદીની મદદથી ઓસ્ટ્રેલિયાએ ભારત સામેની બીજી વન-ડેમાં 2 વિકેટે વિજય મેળવ્યો છે. ભારતે 50 ઓવરમાં 9 વિકેટે 264 રન બનાવ્યા હતા. જવાબમાં ઓસ્ટ્રેલિયાએ 46.2 ઓવરમાં 8 વિકેટે પડકાર મેળવી લીધો હતો. આ જીત સાથે ઓસ્ટ્રેલિયાએ 3 મેચની શ્રેણીમાં 2-0થી લીડ મેળવી લીધી છે.



Oct 23, 2025 16:05 IST
IND vs AUS LIVE : ઓસ્ટ્રેલિયાએ 132 રને ચોથી વિકેટ ગુમાવી
ટ્રેવિસ હેડ 40 બોલમાં 28, મેટ રેનશો 30 બોલમાં 30 અને એલેક્સ કેરી 9 રને આઉટ થયા. ઓસ્ટ્રેલિયાએ 132 રને ચોથી વિકેટ ગુમાવી.



Advertisment
Oct 23, 2025 14:31 IST
IND vs AUS LIVE : ઓસ્ટ્રેલિયાએ પોતાની પહેલી વિકેટ ગુમાવી
ઓસ્ટ્રેલિયાની પહેલી વિકેટ મિશેલ માર્શના રૂપમાં પડી. માર્શ 11 રન બનાવીને અર્શદીપ સિંહના બોલ પર આઉટ થયો. ઓસ્ટ્રેલિયાએ 32 રન પર પોતાની પહેલી વિકેટ ગુમાવી દીધી.



Oct 23, 2025 13:09 IST
IND vs AUS LIVE : ટીમ ઈન્ડિયાનો દાવ 264 રન બનાવીને સમાપ્ત થયો
ટીમ ઈન્ડિયાએ ઓસ્ટ્રેલિયા સામેની બીજી વનડેમાં 50 ઓવરમાં 9 વિકેટ ગુમાવીને 264 રન બનાવ્યા. ઓસ્ટ્રેલિયાને આ મેચ જીતવા માટે 265 રનનો લક્ષ્યાંક આપવામાં આવ્યો છે. ભારત તરફથી રોહિત શર્માએ સૌથી વધુ રન બનાવ્યા. તેણે આ મેચમાં 73 રનની ઈનિંગ રમી.



Oct 23, 2025 11:57 IST
IND vs AUS LIVE : ભારતની ચોથી વિકેટ પડી
શ્રેયસ ઐયરના રૂપમાં ભારતની ચોથી વિકેટ 160 રન પર પડી. ઐયરને એડમ ઝામ્પાએ બોલ્ડ કર્યો. શ્રેયસ ઐયર 77 બોલમાં 61 રન બનાવીને આઉટ થયો. ઐયરે તેની ઇનિંગમાં સાત ચોગ્ગા ફટકાર્યા.



Oct 23, 2025 10:32 IST
IND vs AUS LIVE : 15 ઓવર પૂર્ણ
15ઓવર પૂર્ણ થઈ ગઈ છે. રોહિત શર્મા અને શ્રેયસ ઐયર ક્રીઝ પર છે. ટીમ ઈન્ડિયાએ બે વિકેટ ગુમાવીને માત્ર 50 રન બનાવ્યા છે. રોહિત શર્મા 26 અને શ્રેયસ ઐયર 13 રન બનાવીને રમતમાં છે.



Oct 23, 2025 09:49 IST
IND vs AUS LIVE : બીજી વનડેમાં વિરાટ કોહલી શૂન્ય રને આઉટ
ભારતીય ટીમની બીજી વિકેટ 17 રન પર પડી. કોહલી બીજી વનડેમાં ખાતું ખોલવામાં નિષ્ફળ ગયો, શૂન્ય રને આઉટ થયો. તેને ઝેવિયર બાર્ટલેટે LBW આઉટ કર્યો.



Oct 23, 2025 09:49 IST
IND vs AUS LIVE : શુભમન ગિલની વિકેટ પડી
શુભમન ગિલની વિકેટ પડી ગઈ છે. તેને ઝેવિયર બાર્ટલેટે આઉટ કર્યો. શુભમન ગિલે ઝેવિયર બાર્ટલેટનો બોલ લોગ-ઓન તરફ ફટકારવાનો પ્રયાસ કર્યો, પરંતુ તે 30 યાર્ડ દૂર પણ જઈ શક્યો નહીં અને કેચ આઉટ થયો.



Oct 23, 2025 09:48 IST
IND vs AUS LIVE : રોહિત અને શુભમન ગિયર બદલ્યા
રોહિત શર્મા અને શુભમન ગિલે ત્રીજી ઓવરમાં ગિયર બદલ્યા. રોહિત શર્મા અને શુભમન ગિલે મિશેલ સ્ટાર્કની બોલ પર ચાર-ચાર ફટકાર્યા, જેનાથી ટીમ ઈન્ડિયાનો ઘટતો રન રેટ થોડો સુધર્યો. રોહિત શર્મા સારી બોલિંગનો આદર કરી રહ્યો છે.



Oct 23, 2025 09:48 IST
IND vs AUS LIVE : ટીમ ઈન્ડિયાનો દાવ શરૂ થયો
ટીમ ઈન્ડિયાનો દાવ શરૂ થઈ ગયો છે. ભારત તરફથી રોહિત શર્મા અને શુભમન ગિલ ઇનિંગની શરૂઆત કરી રહ્યા છે. ઓસ્ટ્રેલિયા તરફથી મિશેલ સ્ટાર્ક પહેલી ઓવર ફેંકી રહ્યો છે.



Oct 23, 2025 09:23 IST
IND vs AUS LIVE : ભારતની પ્લેઇંગ ઇલેવન
રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), વોશિંગ્ટન સુંદર, નીતિશ કુમાર રેડ્ડી, હર્ષિત રાણા, અર્શદીપ સિંહ, મોહમ્મદ સિરાજ.



Oct 23, 2025 09:23 IST
IND vs AUS LIVE : ઓસ્ટ્રેલિયાની પ્લેઇંગ ઇલેવન
મિશેલ માર્શ (કેપ્ટન), ટ્રેવિસ હેડ, મેથ્યુ શોર્ટ, મેટ રેનશો, એલેક્સ કેરી (વિકેટકીપર), કૂપર કોનોલી, મિશેલ ઓવેન, ઝેવિયર બાર્ટલેટ, મિશેલ સ્ટાર્ક, એડમ ઝામ્પા, જોશ હેઝલવુડ.



Oct 23, 2025 09:10 IST
IND vs AUS LIVE : ઓસ્ટ્રેલિયાએ ટોસ જીત્યો, ભારત પહેલા બેટિંગ કરશે
ભારત અને ઓસ્ટ્રેલિયા વચ્ચે ત્રણ મેચની ODI શ્રેણીની બીજી મેચ ગુરુવાર (23 ઓક્ટોબર) ના રોજ એડિલેડના એડિલેડ ઓવલ ખાતે રમાઈ રહી છે. ઓસ્ટ્રેલિયાએ ટોસ જીતીને પહેલા બોલિંગ કરવાનો નિર્ણય લીધો. ઓસ્ટ્રેલિયાએ પોતાની પ્લેઈંગ ઈલેવનમાં બે ફેરફાર કર્યા. જોશ ફિલિપની જગ્યાએ એલેક્સ કેરી અને નાથન એલિસની જગ્યાએ ઝેવિયર બાર્ટલેટનો સમાવેશ કરવામાં આવ્યો. ભારતની પ્લેઈંગ ઈલેવનમાં કોઈ ફેરફાર થયો નથી. ઓસ્ટ્રેલિયાએ પર્થમાં વરસાદથી પ્રભાવિત પ્રથમ ODI 7 વિકેટથી જીતી હતી. તેથી, શ્રેણીમાં ટકી રહેવા માટે ભારતે આ મેચ જીતવી જ જોઈએ.