IND vs AUS Score : રોહિત શર્માની સદી, ત્રીજી વન ડે માં ભારતનો 9 વિકેટે વિજય

હર્ષિત રાણાની 4 વિકેટ પછી રોહિત શર્માની અણનમ સદી (121) અને વિરાટ કોહલીની અણનમ અડધી સદી (74)ની મદદથી ભારતે ઓસ્ટ્રેલિયા સામેની ત્રીજી વન-ડેમાં 9 વિકેટે વિજય મેળવ્યો હતો. પ્રથમ બેટિંગ કરતા ઓસ્ટ્રેલિયા 46.4 ઓવરમાં 236 રનમાં ઓલઆઉટ થઇ ગયું હતું. જવાબમાં ભારતે 38.3 ઓવરમાં 1 વિકેટ ગુમાવી પડકાર મેળવી લીધો હતો. આ જીત સાથે ભારત 3 વન-ડેની શ્રેણી 2-1થી ગુમાવી દીધી છે.

રોહિત શર્મા 125 બોલમાં 13 ફોર અને 3 સિક્સર સાથે 121 રન. વિરાટ કોહલી 81 બોલમાં 7 ફોર સાથે અણનમ 74 રન. બન્નેએ બીજી વિકેટ માટે 168 રનની અતૂટ ભાગીદારી નોંધાવી હતી.

રોહિત શર્માએ 105 બોલમાં 11 ફોર અને 2 સિક્સર સાથે સદી ફટકારી. ભારતે 33 ઓવરમાં 200 રન પુરા કર્યા. આ પહેલા વિરાટ કોહલીએ 56 બોલમાં 4 ફોર સાથે અડધી સદી ફટકારી હતી.

રોહિત શર્માએ શાનદાર બેટિંગ કરતા 63 બોલમાં 6 ફોર અને 1 સિક્સર સાથે અડધી સદી ફટકારી. શુભમન ગિલ 26 બોલમા 2 ફોર અનો 1 સિક્સર સાથે 24 રન બનાવી હેઝલવુડની ઓવરમાં કેચ આઉટ થયો.

ઓસ્ટ્રેલિયાએ ટીમ ઈન્ડિયાને 237 રનનો લક્ષ્યાંક આપ્યો હતો. ઓસ્ટ્રેલિયન ટીમે મેચ ખૂબ જ ઝડપથી શરૂ કરી હતી, પરંતુ ભારતીય બોલરોએ જોરદાર વાપસી કરી અને ઓસ્ટ્રેલિયાને 46.4 ઓવરમાં 236 રનમાં ઓલઆઉટ કરી દીધું. આ સમયગાળા દરમિયાન હર્ષિત રાણાએ ચાર વિકેટ લીધી.

29મી ઓવરમાં ઓસ્ટ્રેલિયાનો સ્કોર 150 પર પહોંચી ગયો છે. રેનશો અને એલેક્સ કેરી બેટિંગ કરી રહ્યા છે. કેરીએ 7 રન બનાવવા માટે 21બોલનો સામનો કર્યો હતો. ઓસ્ટ્રેલિયાનો સ્કોર 3 વિકેટે 152 રન છે. રેનશો 37 બોલમાં 37 રન બનાવીને બેટિંગ કરી રહ્યો છે.

અક્ષર પટેલે ભારતીય ટીમને બીજી સફળતા અપાવી. તેણે ખતરનાક બેટિંગ કરી રહેલા મિશેલ માર્શને આઉટ કર્યો. માર્શે મેચમાં 41 રન બનાવ્યા, જેમાં પાંચ ચોગ્ગા અને એક છગ્ગા ફટકાર્યા.

ઓસ્ટ્રેલિયાના કેપ્ટન મિશેલ માર્શ ક્રીઝ પર સંઘર્ષ કરી રહ્યા છે. મોહમ્મદ સિરાજે પહેલી ઓવરમાં મેડન ઓવર નાખી. જોકે, ટ્રેવિસ હેડનું બેટ જોરથી બોલતું રહે છે. જ્યારે પણ તક મળે છે ત્યારે તે બાઉન્ડ્રી ફટકારી રહ્યો છે. માર્શે 19 બોલમાં ફક્ત 7 રન બનાવ્યા છે, જ્યારે હેડે 17 રન બનાવ્યા છે. 6 ઓવર પછી ઓસ્ટ્રેલિયાનો સ્કોર 31 છે.

મિશેલ માર્શ (કેપ્ટન), ટ્રેવિસ હેડ, મેથ્યુ શોર્ટ, મેટ રેનશો, એલેક્સ કેરી (વિકેટકીપર), કૂપર કોનોલી, મિશેલ ઓવેન, નાથન એલિસ, મિશેલ સ્ટાર્ક, એડમ ઝામ્પા, જોશ હેઝલવુડ

રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, અક્ષર પટેલ, કેએલ રાહુલ (વિકેટકીપર), વોશિંગ્ટન સુંદર, હર્ષિત રાણા, કુલદીપ યાદવ, મોહમ્મદ સિરાજ, પ્રસિદ્ધ કૃષ્ણ

ભારત પર્થ અને એડિલેડમાં શ્રેણીની પ્રથમ બે મેચ હારી ગયું. કેપ્ટન શુભમન ગિલની પ્રતિષ્ઠા ત્રીજી મેચમાં પણ દાવ પર લાગી છે. તે પણ કેપ્ટન તરીકેની તેની પ્રથમ વનડે શ્રેણીમાં 0-3થી હારવા માંગશે નહીં. તેથી, ભારત શ્રેણી 1-2થી પૂર્ણ કરવાનો લક્ષ્ય રાખશે. દરમિયાન, મિશેલ માર્શની આગેવાની હેઠળની ઓસ્ટ્રેલિયન ટીમ પાછળ હટવાની નથી. તેઓ ચોક્કસપણે ક્લીન સ્વીપ પર નજર રાખશે.

ભારત અને ઓસ્ટ્રેલિયા વચ્ચે ત્રણ મેચની વનડે શ્રેણીનો ત્રીજો અને અંતિમ મેચ સિડનીમાં રમાઈ રહ્યો છે. ભારતીય ટીમ ઓસ્ટ્રેલિયા સામે સિડની ક્રિકેટ ગ્રાઉન્ડ પર 20મો વનડે રમી રહી છે. શુભમન ગિલ ફરી એકવાર ટોસ હારી ગયો અને ઓસ્ટ્રેલિયન કેપ્ટને પહેલા બેટિંગ કરવાનો નિર્ણય લીધો. શ્રેણીમાં 0-2થી પાછળ રહીને, ભારત પાસે હવે સન્માન બચાવવાની છેલ્લી તક છે.

આ મેચ કેપ્ટન શુભમન ગિલ માટે પણ મહત્વપૂર્ણ રહેશે. આ તેની પહેલી ODI કેપ્ટનશીપ છે. તે પોતાની પહેલી શ્રેણીમાં વ્હાઇટવોશ થવા માંગશે નહીં. તેથી, ભારતે આ મેચ જીતવી જ જોઈએ. દરમિયાન, વિરાટ કોહલી પ્રથમ બે મેચમાં પોતાનું ખાતું ખોલવામાં નિષ્ફળ ગયો, તેથી ટીમ મેનેજમેન્ટ સહિત દરેકની નજર ભવિષ્ય માટે તેના પર રહેશે. કેપ્ટન ગિલની બેટિંગ કુશળતા પણ હજુ સુધી જોવા મળી નથી.

ભારત અને ઓસ્ટ્રેલિયા વચ્ચે શ્રેણીની આ ત્રીજી અને અંતિમ ODI છે. પહેલી અને બીજી મેચમાં જીત મેળવીને, યજમાન ટીમે શ્રેણી સુરક્ષિત કરી. હવે, ભારતીય ટીમ ત્રીજી મેચમાં પોતાનું સન્માન બચાવવાનો પ્રયાસ કરશે. ભારતીય ટીમનો સિડનીમાં ખાસ પ્રભાવશાળી રેકોર્ડ નથી, કારણ કે તેણે અહીં ઓસ્ટ્રેલિયા સામે 19 મેચોમાંથી ફક્ત બે જ જીતી છે.