IND vs ENG 2nd T20 : તિલક વર્માની લડાયક બેટિંગ, ભારતનો 2 વિકેટે વિજય

તિલક વર્માના લડાયક અણનમ 72 રનની મદદથી ભારતે ઇંગ્લેન્ડ સામેની બીજી ટી 20માં 2 વિકેટે વિજય મેળવ્યો છે. ઇંગ્લેન્ડે 20 ઓવરમાં 9 વિકેટે 165 રન બનાવ્યા હતા. જવાબમાં ભારતે 19.2 ઓવરમાં 8 વિકેટ ગુમાવી પડકાર મેળવી લીધો હતો. આ જીત સાથે ભારતે પાંચ મેચની શ્રેણીમાં 2-0થી લીડ મેળવી લીધી છે. શ્રેણીની ત્રીજી ટી 20 મેચ 28 જાન્યુઆરીએ રાજકોટમાં રમાશે.

તિલક વર્માના 55 બોલમાં 4 ફોર 5 સિક્સર સાથે અણનમ 72 રન. રવિ બિશ્નોઇના 5 બોલમાં 2 ફોર સાથે અણનમ 9 રન.

અક્ષર પટેલ 2 અને અર્શદીપ સિંહ 6 રને આઉટ થયા. ભારતે 146 રને આઠમી વિકેટ ગુમાવી.

વોશિંગ્ટન સુંદર 19 બોલમાં 3 ફોર 1 સિક્સર સાથે 26 રન બનાવી કાર્સનો શિકાર બન્યો. ભારતે 116 રને છઠ્ઠી વિકેટ ગુમાવી.

હાર્દિક પંડ્યા 6 બોલમાં 1 ફોર સાથે 7 રન બનાવી ઓવરટનની ઓવરમાં કેચ આઉટ થયો.

સૂર્યકુમાર યાદવ 7 બોલમાં 3 ફોર સાથે 12 રને અને ધ્રુવ જુરેલ 5 માં 4 રન બનાવી આઉટ થયા. ભારતે 66 રને ચોથી વિકેટ ગુમાવી.

સંજુ સેમસન 7 બોલમાં 5 રન બનાવી જોફ્રા આર્ચરની ઓવરમાં કેચ આઉટ થયો. ભારતે 19 રને બીજી વિકેટ ગુમાવી.

અભિષેક શર્મા 6 બોલમાં 3 ફોર સાથે 12 રન બનાવી માર્ક વુડની ઓવરમાં એલબી આઉટ થયો. ભારતે 15 રને પ્રથમ વિકેટ ગુમાવી.

ભારત તરફથી અક્ષર પટેલ અને વરુણ ચક્રવર્તીએ 2-2 વિકેટ ઝડપી હતી. જ્યારે અભિષેક શર્મા, અર્શદીપ સિંહ, હાર્દિક પંડ્યા અને વોશિંગ્ટન સુંદરને 1-1 વિકેટ મળી હતી.

બીજી ટી 20માં ઇંગ્લેન્ડે 20 ઓવરમાં 9 વિકેટે 165 રન બનાવી લીધા છે. ભારતને જીતવા માટે 166 રનનો પડકાર મળ્યો છે. જોફ્રા આર્ચર 12 અને માર્ક વુડ 5 રને અણનમ રહ્યા હતા.

આદિલ રશિદ 11 બોલમાં 1 ફોર સાથે 10 રન બનાવી હાર્દિક પંડ્યાની ઓવરમાં કેચ આઉટ થયો.

બ્રાયડન કાર્સ 17 બોલમાં 1 ફોર 3 સિક્સર સાથે 31 રન બનાવી રન આઉટ થયો. ઇંગ્લેન્ડે 137 રને આઠમી વિકેટ ગુમાવી.

ઇંગ્લેન્ડના લોઓર્ડરનો ધબડકો થતા લિવિંગસ્ટોન 13, જેમી સ્મિથ 12 બોલમાં 22, જેમી ઓવરટન 5 રને આઉટ થયા.

જોશ બટલર 30 બોલમાં 2 ફોર 3 સિક્સર સાથે 45 રન બનાવી અક્ષર પટેલનો શિકાર બન્યો. ઇંગ્લેન્ડે 77 રને ચોથી વિકેટ ગુમાવી.

હેરી બ્રુક 8 બોલમાં 1 ફોર 1 સિક્સર સાથે 13 રન બનાવી વરુણ ચક્રવર્તીની ઓવરમાં બોલ્ડ થયો.

બેન ડકેટ 6 બોલમાં 3 રન બનાવી વોશિંગ્ટન સુંદરની ઓવરમાં કેચ આઉટ થયો. ઇંગ્લેન્ડે 26 રને બીજી વિકેટ ગુમાવી.

ફિલિપ સોલ્ટ 3 બોલમાં 4 રન બનાવી અર્શદીપ સિંહની ઓવરમાં કેચ આઉટ થયો. ઇંગ્લેન્ડે 6 રને પ્રથમ વિકેટ ગુમાવી.

બેન ડકેટ, ફિલિપ સોલ્ટ, જોસ બટલર (કેપ્ટન), હેરી બ્રુક, લિયામ લિવિંગસ્ટોન, જેમી સ્મિથ, જેમી ઓવરટન, બ્રાયડન કાર્સ, જોફ્રા આર્ચર, આદિલ રાશીદ, માર્ક વુડ.

સંજુ સેમસન, અભિષેક શર્મા, તિલક વર્મા, સૂર્યકુમાર યાદવ (કેપ્ટન), હાર્દિક પંડ્યા, ધ્રુવ જુરેલ, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઇ, અર્શદીપ સિંહ

ઇંગ્લેન્ડ સામેની બીજી ટી 20 મેચમાં ભારતના કેપ્ટન સૂર્યકુમાર યાદવે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

ભારત અને ઈંગ્લેન્ડ વચ્ચે બીજી ટી 20 મેચ ચેન્નાઇના એમએ ચિદમ્બરમ સ્ટેડિયમમાં રમાશે. પાંચ મેચની શ્રેણીમાં ભારત 1-0થી આગળ છે. ભારત લીડ મેળવવા માંગશે. જ્યારે ઇંગ્લેન્ડ શ્રેણી સરભર કરવાના ઇરાદા સાથે ઉતરશે. આ મેચ ભારતીય સમય પ્રમાણે સાંજે 7.00 કલાકેથી શરુ થશે.