IND vs ENG 5th T20 : ટી 20માં ભારતનો બીજો સૌથી મોટો વિજય, ટીમ ઇન્ડિયાએ 4-1થી શ્રેણી જીતી

ભારતે ટી 20માં રનની દ્રષ્ટીએ પોતાનો બીજો મોટો વિજય મેળવ્યો છે. ભારતનો ટી 20માં સૌથી મોટો વિજય 168 રનનો છે. જે 2023માં ન્યૂઝીલેન્ડ સામે બનાવ્યો હતો. અભિષેક શર્માને મેન ઓફ ધ મેચ જાહેર કરાયો હતો. ભારત અને ઇંગ્લેન્ડ વચ્ચે હવે ત્રણ મેચની વન-ડે શ્રેણી રમાશે. પ્રથમ વન ડે 6 ફેબ્રુઆરીએ નાગપુરમાં રમાશે.

અભિષેક શર્માની સદી (135) બાદ બોલરોના શાનદાર પ્રદર્શનની મદદથી ભારતે ઇંગ્લેન્ડ સામેની પાંચમી ટી 20માં 150 રને ભવ્ય વિજય મેળવ્યો હતો. ભારતે 20 ઓવરમાં 9 વિકેટે 247 રન બનાવ્યા હતા. જવાબમાં ઇંગ્લેન્ડ 10.3 ઓવરમાં 97 રનમાં ઓલઆઉટ થઇ ગયું હતું. આ જીત સાથે ભારતે પાંચ મેચની ટી 20 શ્રેણી 4-1થી જીતી લીધી છે.

લિવિંગસ્ટોન 9, ફિલિપ સોલ્ટ 23 બોલમાં 55 રન, બ્રાયડન કાર્સ 3, જેમી ઓવરટોન 1 અને જેકોબ બેથલ 10 રને આઉટ થયા. ઇંગ્લેન્ડે 90 રનમાં 8 વિકેટ ગુમાવી.

જોશ બટલર 7 અને હેરી બ્રુક 2 રન બનાવી આઉટ થયા. ઇંગ્લેન્ડે 59 રનમાં 3 વિકેટ ગુમાવી.

બેન ડકેટ પ્રથમ બોલે ખાતું ખોલાયા વિના મોહમ્મદ શમીની ઓવરમાં કેચ આઉટ થયો. ઇંગ્લેન્ડે 23 રને પ્રથમ વિકેટ ગુમાવી.

અભિષેક શર્માના 135 રનની મદદથી ભારતે ઇંગ્લેન્ડ સામેની પાંચમી ટી-20માં 20 ઓવરમાં 9 વિકેટે 247 રન બનાવ્યા. ઇંગ્લેન્ડને જીતવા માટે 248 રનનો પડકાર મળ્યો છે.

અક્ષર પટેલ 11 બોલમાં 2 ફોર સાથે 15 રન બનાવી રન આઉટ થયો.

અભિષેક શર્મા 54 બોલમાં 7 ફોર 13 સિક્સર સાથે 135 રન બનાવી રાશિદની ઓવરમાં કેચ આઉટ થયો. ભારતે 237 રને સાતમી વિકેટ ગુમાવી.

હાર્દિક પંડ્યા 6 બોલમાં 9 અને રિંકુ સિંહ 6 બોલમાં 9 રન બનાવી આઉટ થયા. ભારતે 202 રને છઠ્ઠી વિકેટ ગુમાવી.

શિવમ દુબે 13 બોલમાં 3 ફોર 2 સિક્સર સાથે 30 રન બનાવી બ્રાયડન કાર્સની ઓવરમાં કેચ આઉટ થયો. ભારતે 182 રને ચોથી વિકેટ ગુમાવી.

સૂર્યકુમાર યાદવ ફરી એક વખત ફ્લોપ રહ્યો છે. 3 બોલમાં 2 રન બનાવી કાર્સની ઓવરમાં કેચ આઉટ થયો. ભારતે 145 રને ત્રીજી વિકેટ ગુમાવી.

અભિષેક શર્માની આક્રમક બેટિંગ. 37 બોલમાં 5 ફોર 10 સિક્સર સાથે સદી ફટકારીય

તિલક વર્મા 15 બોલમાં 3 ફોર 1 સિક્સર સાથે 24 રન બનાવી બ્રાયડન કાર્સની ઓવરમાં કેચ આઉટ થયો. ભારતે 136 રને બીજી વિકેટ ગુમાવી.

અભિષેક શર્માની આક્રમક બેટિંગ. ભારતે 6.3 ઓવરમાં 100 રન પુરા કર્યા.

અભિષેક શર્માએ 17 બોલમાં 3 ફોર 5 સિક્સર સાથે અડધી સદી ફટકારી. ભારતના 5 ઓવરમાં 1 વિકેટે 80 રન.

સંજુ સેમસન 7 બોલમાં 1 ફોર 2 સિક્સર સાથે 16 રન બનાવી વુડની ઓવરમાં કેચ આઉટ થયો. ભારતે 21 રને પ્રથમ વિકેટ ગુમાવી.

ભારતની ટીમમાં અર્શદીપ સિંહના સ્થાને મોહમ્મદ શમીની વાપસી થઇ છે. ઇંગ્લેન્ડની ટીમમાં શાકિબ મોહમ્મદના સ્થાને માર્ક વુડનો સમાવેશ કરાયો છે.

બેન ડકેટ, ફિલિપ સોલ્ટ, જોસ બટલર (કેપ્ટન), હેરી બ્રુક, લિયામ લિવિંગસ્ટોન, જેકોબ બેથલ, જેમી ઓવરટન, બ્રાયડન કાર્સ, જોફ્રા આર્ચર, આદિલ રાશીદ, માર્ક વુડ.

સંજુ સેમસન, અભિષેક શર્મા, તિલક વર્મા, સૂર્યકુમાર યાદવ (કેપ્ટન), હાર્દિક પંડ્યા, રિંકુ સિંહ, અક્ષર પટેલ, શિવમ દુબે, વરુણ ચક્રવર્તી, રવિ બિશ્નોઇ, મોહમ્મદ શમી.

ભારત સામેની પાંચમી ટી 20 મેચમાં ઇંગ્લેન્ડના કેપ્ટન જોશ બટલરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. પાંચમી ટી 20 મેચ મુંબઈના વાનખેડે સ્ટેડિયમમાં રમાઇ રહી છે. પાંચ મેચની શ્રેણીમાં ભારતે 3-1થી અજેય સરસાઇ મેળવી લીધી છે.