Ind vs Eng 4th Test : ચોથી ટેસ્ટ, રુટના 150 રન, ઇંગ્લેન્ડને 186 રનની લીડ

જો રુટના 150 રન, બેન સ્ટોક્સના અણનમ 77 અને ઓલી પોપના 71 રનની મદદથી ઇંગ્લેન્ડે ભારત સામેની ચોથી ટેસ્ટના ત્રીજા દિવસે પોતાની પકડ મજબૂત બનાવી લીધી છે. ભારતના 358 રનના જવાબમાં ઇંગ્લેન્ડે ત્રીજા દિવસના અંતે 135 ઓવરમાં 7 વિકેટે 544 બનાવી લીધા છે. ઇંગ્લેન્ડે 186 રનની લીડ મેળવી લીધી છે અને તેની 3 વિકેટો બાકી છે. દિવસના અંતે બેન સ્ટોક્સ 77 અને લિયામ ડોસન 21 રને રમતમાં છે.

ક્રિસ વોક્સ 17 બોલમાં 4 રન બનાવી મોહમ્મદ સિરાજની ઓવરમાં બોલ્ડ થયો. ઇંગ્લેન્ડે 528 રને સાતમી વિકેટ ગુમાવી.

જો રુટ 248 બોલમાં 14 ફોર સાથે 150 રન બનાવી જાડેજાની ઓવરમાં કેચ આઉટ થયો. જેમી સ્મિથ 9 રન બનાવી બુમરાહનો શિકાર બન્યો. ઇંગ્લેન્ડે 515 રને છઠ્ઠી વિકેટ ગુમાવી.

બેન સ્ટોક્સે 97 બોલમાં 3 ફોર સાથે અડધી સદી ફટકારી.

ઇંગ્લેન્ડે 110 ઓવરમાં 4 વિકેટે 462 રન બનાવી લીધા છે. જો રુટ 135 અને બેન સ્ટોક્સ 47 રને રમતમાં છે.

ઇંગ્લેન્ડે 100 ઓવરમાં 4 વિકેટે 428 રન બનાવી લીધા છે. જો રુટ 119 અને બેન સ્ટોક્સ 33 રને રમતમાં છે.

જો રુટે 178 બોલમાં 12 ફોર સાથે સદી ફટકારી. ઇંગ્લેન્ડે 93.3 ઓવરમાં 400 રન પુરા કર્યા.

ઓલી પોપ 128 બોલમાં 7 ફોર સાથે 71 રન બનાવી અને હેરી બ્રુક 12 બોલમાં 3 રન બનાવી વોશિંગ્ટન સુંદરનો શિકાર બન્યા.

ચોથી ટેસ્ટમાં લંચ સમયે ઇંગ્લેન્ડે 74 ઓવરમાં 2 વિકેટે 332 રન બનાવી લીધા છે. ઓલી પોપ 70 અને જો રુટ 63 રને રમતમાં છે.

જો રુટે 99 બોલમાં 6 ફોર સાથે અડધી સદી ફટકારી. ઇંગ્લેન્ડે 66.5 ઓવરમાં 300 રન પુરા કર્યા.

ઓલી પોપે 93 બોલમાં 6 ફોર સાથે અડધી સદી પુરી કરી. ઇંગ્લેન્ડે 54.5 ઓવરમાં 250 રન પુરા કર્યા.

ઇંગ્લેન્ડે 60 ઓવરમાં 2 વિકેટે 275 રન બનાવી લીધા છે. ઓલી પોપ 41 અને જો રુટ 35 રને રમતમાં છે.

ઇંગ્લેન્ડે 50 ઓવરમાં 2 વિકેટે 240 રન બનાવી લીધા છે. ઓલી પોપ 25 અને જો રુટ 21 રને રમતમાં છે.

ભારત અને ઇંગ્લેન્ડ વચ્ચે આજે ચોથી ટેસ્ટનો ત્રીજો દિવસ છે. ભારતના 358 રનના જવાબમાં ઇંગ્લેન્ડે બીજા દિવસના અંતે 46 ઓવરમાં 2 વિકેટ ગુમાવી 225 રન બનાવી લીધા છે. દિવસના અંતે જો રુટ 11 અને ઓલી પોપ 20 રને રમતમાં છે. ઇંગ્લેન્ડ 133 રન પાછળ છે અને તેની 8 વિકેટો બાકી છે. ભારત તરફથી જાડેજા અને અંશુલ કંબોજે 1-1 વિકેટ ઝડપી હતી.