Ind vs Eng : ચોથી ટેસ્ટ, શુભમન ગિલ અને કેએલ રાહુલની લડાયક બેટિંગ, મેચમાં વાપસી કરાવી

શુભમન ગિલ (અણનમ 78) અને કેએલ રાહુલની (અણનમ 87) લડાયક બેટિંગની મદદથી ભારતે ઇંગ્લેન્ડ સામે ચોથી ટેસ્ટના ચોથા દિવસે થોડા અંશે વાપસી કરી છે. ઇંગ્લેન્ડની 311 રનની લીડ સામે ભારતે બીજા દાવમાં 63 ઓવરમાં 2 વિકેટે 174 રન બનાવી લીધા છે. ભારત હજુ 137 રન પાછળ છે અને તેની 8 વિકેટો બાકી છે. ચોથા દિવસના અંતે કેએલ રાહુલ 87 અને શુભમન ગિલ 78 રને રમતમાં છે. પાંચમાં અને અંતિમ દિવસે ભારતીય બેટ્સમેનોની પરીક્ષા થશે.

ભારતે 50 ઓવરમાં 2 વિકેટે 138 રન બનાવી લીધા છે. શુભમન ગિલ 67 અને કેએલ રાહુલ 62 રને રમતમાં છે.

કેએલ રાહુલે 137 બોલમાં 4 ફોર સાથે અડધી સદી ફટકારી.

ભારતે 40 ઓવરમાં 2 વિકેટે 102 રન બનાવી લીધા છે. શુભમન ગિલ 57 અને કેએલ રાહુલ 41 રને રમતમાં છે. ભારતે 38.3 ઓવરમાં 100 રન પુરા કર્યા હતા.

શુભમન ગિલે 77 બોલમાં 8 ફોર સાથે અડધી સદી ફટકારી. ભારતે ચા ના વિરામ સમયે 29 ઓવરમાં 2 વિકેટે 86 રન બનાવી લીધા છે. શુભમન ગિલ 52 અને કેએલ રાહુલ 30 રને રમતમાં છે.

ભારતે 10 ઓવરમાં 2 વિકેટે 22 રન બનાવી લીધા છે. કેએલ રાહુલ 9 અને શુભમન ગિલ 13 રને રમતમાં છે.

લંચ સમયે ભારતે બીજા દાવમાં 3 ઓવરમાં 1 વિકેટે 2 રન બનાવી લીધા છે. કેએલ રાહુલ 1 અને શુભમન ગિલ 00 રને રમતમાં છે.

યશસ્વી જયસ્વાલ 4 બોલમાં ખાતું ખોલાયા વિના અને સાંઇ સુદર્શન પ્રથમ બોલે ખાતું ખોલાયા વિના ક્રિસ વોક્સનો શિકાર બન્યા.

ભારતના 358 રનના જવાબમાં ઇંગ્લેન્ડ પ્રથમ દાવમાં 157.1 ઓવરમાં 669 રનમાં ઓલઆઉટ થઇ ગયું છે. ઇંગ્લેન્ડને પ્રથમ દાવમાં 311 રનની લીડ મળી છે. ઇંગ્લેન્ડ તરફથી જો રુટે 150 અને બેન સ્ટોક્સે 141 રન બનાવ્યા હતા. ભારત તરફથી રવિન્દ્ર જાડેજાએ સૌથી વધારે 4 વિકેટ ઝડપી હતી. સુંદર અને બુમરાહને 2-2 વિકેટ. જ્યારે અંશુલ કંબોજ અને સિરાજને 1-1 વિકેટ મળી હતી.

બેન સ્ટોક્સે 164 બોલમાં 9 ફોર સાથે સદી ફટકારી. ઇંગ્લેન્ડે 148 ઓવરમાં 600 રન પુરા કર્યા.

લિયામ ડોસન 65 બોલમાં 3 ફોર સાથે 26 રને બુમરાહની ઓવરમાં બોલ્ડ થયો ઇંગ્લેન્ડે 563 રને આઠમી વિકેટ ગુમાવી.

ભારત અને ઇંગ્લેન્ડ વચ્ચે આજે ચોથી ટેસ્ટનો ચોથો દિવસ છે. ઇંગ્લેન્ડે ચોથી ટેસ્ટના ત્રીજા દિવસે પોતાની પકડ મજબૂત બનાવી લીધી છે. ભારતના 358 રનના જવાબમાં ઇંગ્લેન્ડે ત્રીજા દિવસના અંતે 135 ઓવરમાં 7 વિકેટે 544 બનાવી લીધા છે. ઇંગ્લેન્ડે 186 રનની લીડ મેળવી લીધી છે અને તેની 3 વિકેટો બાકી છે. દિવસના અંતે બેન સ્ટોક્સ 77 અને લિયામ ડોસન 21 રને રમતમાં છે.