Ind vs Eng 5th Test : પાંચમી ટેસ્ટ, ભારતને જીતવા માટે 9 વિકેટની અને ઇંગ્લેન્ડને 324 રનની જરુર

યશસ્વી જયસ્વાલની સદી (118) અને રવિન્દ્ર જાડેજા, આકાશદીપ અને વોશિંગ્ટન સુંદરની અડધી સદીની મદદથી ભારતે ત્રીજા દિવસે સ્થિતિ મજબૂત બનાવી લીધી છે. ભારતે જીતવા માટે આપેલા 374 રનના પડકાર સામે ઇંગ્લેન્ડે ત્રીજા દિવસના અંતે 13.5 ઓવરમાં 1 વિકેટે 50 રન બનાવી લીધા છે. ઇંગ્લેન્ડની જીતવા માટે હવે 324 રનની જરુર છે અને ભારતને 9 વિકેટની જરુર છે. દિવસના અંતે બેન ડકેટ 34 રને રમતમાં છે.

ઝેક ક્રોલી 36 બોલમાં 2 ફોર સાથે 14 રન બનાવી મોહમ્મદ સિરાજની ઓવરમાં બોલ્ડ થયો. ઇંગ્લેન્ડે 50 રને પ્રથમ વિકેટ ગુમાવી.

ઇંગ્લેન્ડે 10 ઓવરમાં વિના વિકેટે 42 રન બનાવી લીધા છે. ઝેક ક્રોલી 13 અને બેન ડકેટ 28 રને રમતમાં છે.

ભારત બીજા દાવમાં 88 ઓવરમાં 396 રનમાં ઓલઆઉટ થયું. ઇંગ્લેન્ડને જીતવા માટે 374 રનનો વિશાળ પડકાર મળ્યો છે. વોશિંગ્ટન સુંદર 46 બોલમાં 4 ફોર અને 4 સિક્સર સાથે 53 રને આઉટ થયો.

વોશિંગ્ટન સુંદરની આક્રમક બેટિંગ. 39 બોલમાં 4 ફોર અને 4 સિક્સર સાથે અડધી સદી ફટકારી.

રવિન્દ્ર જાડેજા 77 બોલમાં 5 ફોર સાથે 53 રન બનાવી જોશ ટંગની ઓવરમાં કેચ આઉટ થયો. ભારતે 357 રને આઠમી વિકેટ ગુમાવી.

રવિન્દ્ર જાડેજાએ 71 બોલમાં 5 ફોર સાથે અડધી સદી ફટકારી. ભારતે 81.2 ઓવરમાં 350 રન પુરા કર્યા.

ધ્રુવ જુરેલ 46 બોલમાં 4 ફોર સાથે 34 રન બનાવી ઓવરટોનની ઓવરમાં એલબી આઉટ થયો. ભારતે 323 રને સાતમી વિકેટ ગુમાવી.

ભારતે 72 ઓવરમાં 6 વિકેટે 307 રન બનાવી લીધા છે. રવિન્દ્ર જાડેજા 27 અને ધ્રુવ જુરેલ 27 રને રમતમાં છે. ભારતે 70.4 ઓવરમાં 300 રન પુરા કર્યા.

યશસ્વી જયસ્વાલ 164 બોલમાં 14 ફોર અને 2 સિક્સર સાથે 118 રન બનાવી જોશ ટંગની ઓવરમાં કેચ આઉટ થયો. ભારતે 273 રને છઠ્ઠી વિકેટ ગુમાવી.

કરુણ નાયર 32 બોલમાં 3 ફોર સાથે 17 રન બનાવી એટકિંસનની ઓવરમાં કેચ આઉટ થયો. ભારતે 229 રને પાંચમી વિકેટ ગુમાવી.

યશસ્વી જયસ્વાલે 127 બોલમાં 11 ફોર અને 2 સિક્સર સાથે સદી ફટકારી. ભારતે 47.5 ઓવરમાં 200 રન પુરા કર્યા.

શુભમન ગિલ 9 બોલમાં 2 ફોર સાથે 11 રન બનાવી ગસ એટકિંસનની ઓવરમાં એલબી આઉટ થયો. ભારતે 189 રને ચોથી વિકેટ ગુમાવી.

ત્રીજા દિવસે લંચ સમયે ભારતે 44 ઓવરમાં 3 વિકેટે 189 રન બનાવી લીધા છે. ભારતે 166 રનની લીડ મેળવી લીધી છે. યશસ્વી જયસ્વાલ 85 અને શુભમન ગિલ 11 રને રમતમાં છે.

આકાશદીપ 94 બોલમાં 12 ફોર સાથે 66 રને ઓવરટોનની ઓવરમાં કેચ આઉટ થયો. ભારતે 177 રને ત્રીજી વિકેટ ગુમાવી.

ભારતે 40 ઓવરમાં 2 વિકેટે 158 રન બનાવી લીધા છે. યશસ્વી જયસ્વાલ 82 અને આકાશદીપ 53 રને રમતમાં છે.

આકાશદીપે 70 બોલમાં 9 ફોર સાથે અડધી સદી ફટકારી. તેણે ટેસ્ટ કારકિર્દીમાં પ્રથમ અડધી સદી ફટકારી છે.

ભારતે 30 ઓવરમાં 2 વિકેટે 121 રન બનાવી લીધા છે. યશસ્વી જયસ્વાલ 71 અને આકાશદીપ 29 રને રમતમાં છે.

ભારતે 23 ઓવરમાં 100 રન પુરા કર્યા. યશસ્વી જયસ્વાલ અને આકાશ દીપ રમતમાં છે.

ભારત અને ઇંગ્લેન્ડ વચ્ચે પાંચમી ટેસ્ટનો આજે ત્રીજો દિવસ છે. બીજા દિવસે કુલ 15 વિકેટોનું પતન થયું હતું. ભારતે બીજા દાવમાં બીજા દિવસના અંતે 18 ઓવરમાં 2 વિકેટે 75 રન બનાવી લીધા છે. ભારતને 52 રનની લીડ મેળવી લીધી છે અને 8 વિકેટો બાકી છે. દિવસના અંતે યશસ્વી જયસ્વાલ 51 અને આકાશદીપ 4 રને રમતમાં છે.