Ind vs Eng 5th Test : પાંચમી ટેસ્ટમાં ભારતનો રોમાંચક વિજય, શ્રેણી 2-2થી ડ્રો, સિરાજ બન્યો હીરો

પાંચ ટેસ્ટમાં 754 રન બનાવનાર ભારતનો શુભમન ગિલ મેન ઓફ ધ સિરીઝ જાહેર થયો.

મોહમ્મદ સિરાજ (5 વિકેટ)અને પ્રસિદ્ધ ક્રિષ્નાની (4 વિકેટ)શાનદાર બોલિંગની મદદથી ભારતે ઇંગ્લેન્ડ સામેની પાંચમી ટેસ્ટમાં 6 રને રોમાંચક વિજય મેળવ્યો છે. ભારતે જીતવા માટે આપેલા 374 રનના પડકાર સામે ઇંગ્લેન્ડ 85.1 ઓવરમાં 367 રનમાં ઓલઆઉટ થઇ ગયું હતું. આ જીત સાથે ભારતે પાંચ મેચની ટેસ્ટ શ્રેણી 2-2થી ડ્રો કરી છે. અંતિમ દિવસે ઇંગ્લેન્ડને જીતવા માટે 35 રનની જરુર હતી અને ભારતને 4 વિકેટની જરુર હતી. પાંચમાં દિવસે મોહમ્મદ સિરાજે 3 વિકેટ અને ક્રિષ્નાએ 1 વિકેટ ઝડપી હતી.

જોશ ટંગ 12 બોલમાં ખાતું ખોલાયા વિના પ્રસિદ્ધ કૃષ્ણાની ઓવરમાં બોલ્ડ થયો. ઇંગ્લેન્ડે 357 રને નવમી વિકેટ ગુમાવી.

જીમી ઓવરટોન 17 બોલમાં 2 ફોર સાથે 9 રન બનાવી મોહમ્મદ સિરાજની ઓવરમાં એલબી આઉટ થયો. ઇંગ્લેન્ડે 354 રને આઠમી વિકેટ ગુમાવી.

જેમી સ્મિથ 20 બોલમાં 2 રન બનાવી મોહમ્મદ સિરાજની ઓવરમાં કેચ આઉટ થયો. ઇંગ્લેન્ડે 347 રને સાતમી વિકેટ ગુમાવી.

ભારત અને ઇંગ્લેન્ડ વચ્ચે પાંચમી ટેસ્ટનો આજે પાંચમો અને નિર્ણાયક દિવસ છે. ભારતે આપેલા 374 રનના પડકાર સામે ઇંગ્લેન્ડે ચોથા દિવસના અંતે 6 વિકેટે 339 રન બનાવી લીધા છે. ભારત જીતથી 4 વિકેટ અને ઇંગ્લેન્ડ જીતથી 35 રન દૂર છે.