IND vs ZIM 2024, 4th T20I Highlights : ઝિમ્બાબ્વેને 10 વિકેટથી હરાવી ભારત સિરીઝ જીત્યું, યશસ્વી જયસ્વાલના આક્રમક 93 રન

IND vs ZIM 4th T20I Match Updates: ભારત અને ઝિમ્બાબ્વે વચ્ચે T20 શ્રેણીની ચોથી મેચ હરારે સ્પોર્ટ્સ ક્લબ ખાતે શનિવારે સાંજે રમાઇ હતી. ભારતે ટોસ જીતી પ્રથમ બોલિંગ કરવાનો નિર્ણય લીધો હતો, અને ઝિમ્બાબ્વેને પ્રથમ બેટીંગ કરવા આમંત્રણ આપ્યું હતું. ઝિમ્બાબ્વેએ 20 ઓવરમાં 04 વિકેટ પર 152 રન બનાવ્યા હતા. ભારતે ટાર્ગેટનો પીછો કરી યશસ્વી જયસ્વાલના 93 રન અને શુભમન ગિલના 58 રનની મદદથી માત્ર 15.2 ઓવરમાં એક પણ વિકેટના નુકશાન વગર 156 રન બનાવી 10 વિકેટે શાનદાર જીત મેળવી છે. આ સાથે ભારતે પાંચ મેચની સિરીઝમાં 3-1 કબ્જો જમાવી લીધો છે.

તમને જણાવી દઈએ કે, આ શ્રેણીમાં ભારત 2-1થી આગળ હતુ. આજે પણ ભારતે 10 વિકેટે મેચ જીતી જીતી લેતા શ્રેણી પોતાના નામે કરી લીધી છે. ઉલ્લેખનીય છે કે, ભારત શ્રેણીની પ્રથમ મેચ હારી ગયું હતું પરંતુ ત્યાર બાદ ટીમ ઇન્ડિયાના યુવા ખેલાડીઓએ પોતાનો દમ બતાવતાં સળંગ ત્રણ મેચ જીતી છે. આ શ્રેણીમાં શુભમન ગિલ ટીમની કપ્તાની કરી રહ્યો છે. શ્રેણીમાં ઘણા યુવા ચહેરાઓને ડેબ્યૂ કરવાની તક મળી.

બીજી તરફ ઝિમ્બાબ્વેની ટીમે પ્રથમ ટી20 મેચ જીત્યા બાદ પોતાની લય ગુમાવી દીધી હતી. ટીમના બેટ્સમેન કે બોલરો ચાલતા નથી. તેમના પર શ્રેણી ગુમાવવાનો ખતરો મંડરાતો હતો, જે હવે હકીકત બની ગયો અને સિરીઝ ગુમાવી દીધી છે.

Jul 13, 2024 19:37 IST
IND vs ZIM 2024 Live : ભારતની 10 વિકેટે જીત, સિરીઝ પર કબ્જો
ભારતે ટાર્ગેટનો પીછો કરી યશસ્વી જયસ્વાલના 93 રન અને શુભમન ગિલના 58 રનની મદદથી માત્ર 15.2 ઓવરમાં એક પણ વિકેટના નુકશાન વગર 156 રન બનાવી 10 વિકેટે શાનદાર જીત મેળવી છે. આ સાથે ભારતે 3-1 થી સિરીઝ પર કબ્જો જમાવી લીધો છે.



Jul 13, 2024 19:07 IST
IND vs ZIM 2024 Live : યશસસ્વી જયસ્વાલ ની આક્રમક બેટિંગ, ભારતના 10 ઓવરમાં 106 રન
યશસ્વી જયસ્વાલ અને શુભમન ગીલે આક્રમક બેટિંગની શરૂઆત કરી હતી, અને એક પણ વિકેટ ગુમાવ્યા વગર 10 ઓવરમાં 106 રનનો સ્કોર ખડકી દીધો. યશસ્વી જયસ્વાલ 44 બોલમાં 74 રન અને શુભમન ગિલ 26 બોલમાં 38 રન બનાવી રમી રહ્યા છે.



Advertisment
Jul 13, 2024 18:44 IST
IND vs ZIM 2024 Live : ભારતની આક્રમક શરૂઆત
ભારત 153 રનના ટાર્ગેટનો પીછો કરી મેદાનમાં ઉતરી છે. યશસસ્વી જયસ્વાલ અને શુબમન ગીલે આક્રમક બેટિંગ કરી 05 ઓવરમાં 56 રનનો સ્કોર બનાવી દીધો



Jul 13, 2024 18:41 IST
IND vs ZIM 2024 Live : ઝિમ્બાબ્વેએ 20 ઓવરમાં 152 રન બનાવ્યા
ઝિમ્બાબ્વેએ પ્રથમ બેટિંગ કરી 20 ઓવરમાં 07 વિકેટના નુકશાને 152 રન બનાવ્યા, અને ભારતને જીતવા માટે 153 રનનો ટાર્ગેટ આપ્યો.



Jul 13, 2024 18:39 IST
IND vs ZIM 2024 Live : સિકંદર રજા, ડીયોન માયર્સ, ક્લાઈવ મડાન્ડે આઉટ
ઝિમ્બાબ્વેએ અંતમાં ત્રણ વિકેટ ગુમાવી, જેમાં સિકંદર રજા 28 બોલમાં 46 રન બનાવી આઉટ થયો તો, ડીયોન માયર્સ 13 બોલમાં 12 રન અને ક્લાઈવ મડાન્ડે 05 બોલમાં 7 ર બનાવી આઉટ થયો



Jul 13, 2024 17:41 IST
IND vs ZIM 2024 Live : જોનાથન કેમ્પબેલ પણ સસ્તામાં આઉટ
15મી ઓવરના ચોથા બોલે રવિ બિશ્નોઈની ઓવરમાં જોનાથન કેમ્પબેલ રન લેવા જતો હતો રવિ બિશ્નોઈએ રન આઉટ કરી જોનાથન કેમ્પબેલને પોવેલિયન ભેગો કર્યો



Jul 13, 2024 17:35 IST
IND vs ZIM 2024 Live : બ્રાયન બેનેટ આઉટ
ઝિમ્બાબ્વેની ત્રીજી વિકેટ પણ પડી ગઈ છે. બ્રાયન બેનેટ 14 બોલમાં 09 રન બનાવી વોશિંગ્ટન સુંદરની ઓવરમાં યશસ્વી જયસ્વાલના હાથે કેચ આઉટ થયો



Jul 13, 2024 17:32 IST
IND vs ZIM 2024 Live : ઝિમ્બાબ્વેને બીજો ઝટકો, વેસ્લી મધેવેરે આઉટ
ઝિમ્બાબ્વેને બીજો ઝટકો પડ્યો છે. બીજો ઓપનર બેટ્સમેન વેસ્લી મધેવેરે પણ 24 બોલમાં 25 રન બનાવી શિવમ દુબેની ઓવરમાં રિંકુ સિંહના હાથે કેચ આઉટ થયો છે.



Jul 13, 2024 17:30 IST
IND vs ZIM 2024 Live : ભારતને પ્રથમ સફળતા, તદીવાનશે મરુમણિ આઉટ
ભારતીય બોલર અભિષેક શર્માની ઓવરમાં તદીવાનશે મરુમણિ 31 બોલમાં 32 રન બનાવી રિંકુ સિંહના હાથે કેચ આઉટ થઈ ગયો છે.



Jul 13, 2024 17:09 IST
IND vs ZIM 2024 Live : ઝિમ્બાબ્વેની શાનદાર શરૂઆત
ઝિમ્બાબ્વેની બેટિંગમાં શાનદાર શરૂઆત જોવા મળી રહી છે. પાંચ ઓવરના પાવર પ્લેમાં એક પણ વિકેટના નુકશાન વગર ઝિમ્બાબ્વેએ 39 રન બનાવી દીધા છે.



Jul 13, 2024 16:44 IST
IND vs ZIM 2024 Live : ઝિમ્બાબ્વે બેટિંગ શરૂ
ઝિમ્બાબ્વેએ બેટીંગની શરૂઆત કરી દીધી છે. તદીવાનશે મરુમણિ અને વેસ્લી મધેવેરે બેટીંગ કરી રહ્યા છે.



Jul 13, 2024 16:42 IST
IND vs ZIM 2024 Live : ભારતે ટોસ જીત્યો
ભારતે ટોસ જીત્યો અને પ્રથમ બોલિંગ કરવાનો નિર્ણય લઈ ઝિમ્બાબ્વેને પ્રથમ બેટીંગ કરવા આમંત્રણ આપ્યું



Jul 13, 2024 14:16 IST
IND vs ZIM 4th T20 match : નજર યુવા ખેલાડીઓ પર રહેશે
વર્તમાન ક્રિકેટ પરિદ્રશ્યમાં, ઝિમ્બાબ્વે સામેની જીતને બહુ મોટી માનવામાં આવશે નહીં, પરંતુ તે ચોક્કસપણે યુવાઓને આશા આપશે કે જેઓ આધુનિક ક્રિકેટના કેટલાક મહાન ખેલાડીઓની નિવૃત્તિ પછી ભારતીય ટીમમાં સ્થાન મેળવવાનો પ્રયાસ કરી રહ્યા છે. જેમાં વોશિંગ્ટન સુંદર અને અભિષેક શર્માનો સમાવેશ થાય છે.
T20 ઇન્ટરનેશનલમાંથી રવિન્દ્ર જાડેજાની નિવૃત્તિ પછી, વોશિંગ્ટનની નજર સ્પિન ઓલરાઉન્ડર તરીકે ટીમમાં સ્થાન મેળવવા પર છે. ઝિમ્બાબ્વે સામે તેણે 4.5ના ઈકોનોમી રેટથી છ વિકેટ ઝડપી હતી. શ્રીલંકા પ્રવાસ માટે સફેદ બોલની ટીમ પસંદ કરતી વખતે તેના નામ પર ચોક્કસપણે વિચાર કરવામાં આવશે. ઉપયોગી સ્પિન બોલર હોવા ઉપરાંત તે લોઅર ઓર્ડરનો સારો બેટ્સમેન પણ છે. આ સાથે જ અભિષેકે બીજી T20માં 47 બોલમાં સદી ફટકારીને પોતાની પ્રતિભા દેખાડી હતી.



Jul 13, 2024 14:15 IST
IND vs ZIM 4th T20 match : યશસ્વી-સેમસનને પણ તક છે
ભારત પાસે હવે આ ફોર્મેટમાં વિરાટ કોહલી અને રોહિત શર્મા નથી, તેથી અભિષેક યશસ્વી જયસ્વાલ સાથે ઇનિંગ્સની શરૂઆત કરવાનો વિકલ્પ બની શકે છે. તે બીજી સારી ઇનિંગ્સ રમીને પોતાનો દાવો મજબૂત કરવા માંગશે. આ સિરીઝમાં સંજુ સેમસન અને શિવમ દુબે માટે પણ ઘણું દાવ પર છે. દુબે અને સેમસન બાકીની બે મેચમાં સારું પ્રદર્શન કરવા ઈચ્છશે.



Jul 13, 2024 14:13 IST
IND vs ZIM 4th T20 match : ઝિમ્બાબ્વેની પ્લેઇંગ 11
તદિવનાશે મારુમાની, ડીઓન માયર્સ, વિસ્લી માધવેરે, જોનાથન કેમ્બેલ, એલેક્ઝાન્ડર રઝા, બ્રાયન બેનેટ, ક્લાઈવ મડાન્ડે, ટેન્ડાઈ ચતારા, વેલિંગ્ટન મસાકાડઝા, બ્લેસિંગ મુઝારાબાની, રિચાર્ડ નગરવા.



Jul 13, 2024 14:13 IST
IND vs ZIM 4th T20 match : ભારતની પ્લેઇંગ 11
શુભમન ગિલ (કેપ્ટન), રૂતુરાજ ગાયકવાડ, રિંકુ સિંહ, યશસ્વી જયસ્વાલ, અભિષેક શર્મા, વોશિંગ્ટન સુંદર, શિવમ દુબે, સંજુ સેમસન, મુકેશ કુમાર, ખલીલ અહેમદ, રવિ બિશ્નોઈ.



Jul 13, 2024 14:10 IST
કયું OTT પ્લેટફોર્મ ભારત વિ ઝિમ્બાબ્વે 4થી T20 મેચનું લાઇવ સ્ટ્રીમ કરશે?
ભારત વિ ઝિમ્બાબ્વે 4થી T20 મેચ Sony LIV એપ્લિકેશન અને વેબસાઇટ પર લાઇવ સ્ટ્રીમ કરી શકાય છે.



Jul 13, 2024 14:10 IST
કઈ ચેનલ ભારત વિ ઝિમ્બાબ્વે ત્રીજી T20 મેચનું જીવંત પ્રસારણ કરશે?
ભારત વિ ઝિમ્બાબ્વે 4થી T20 મેચનું જીવંત પ્રસારણ ભારતમાં સોની સ્પોર્ટ્સ નેટવર્ક ટીવી પર થશે. સોની સ્પોર્ટ્સ ટેન 3 (હિન્દી) SD અને HD, સોની સ્પોર્ટ્સ ટેન 4 (તમિલ/તેલુગુ) અને સોની સ્પોર્ટ્સ ટેન 5 SD અને HD ભારત વિરુદ્ધ ઝિમ્બાબ્વે 4થી T20 મેચનું જીવંત પ્રસારણ કરશે.



Jul 13, 2024 14:09 IST
ભારત અને ઝિમ્બાબ્વે વચ્ચે 4થી T20 મેચ કયા સમયે રમાશે?
ભારત વિ ઝિમ્બાબ્વે 4થી T20 મેચ સાંજે 4:30 PM IST (ઝિમ્બાબ્વેના સ્થાનિક સમય મુજબ 1:00 PM) પર રમાશે.



Jul 13, 2024 14:09 IST
ભારત અને ઝિમ્બાબ્વે વચ્ચે 4થી T20 મેચ ક્યારે અને ક્યાં રમાશે?
ભારત અને ઝિમ્બાબ્વે વચ્ચે ચોથી T20 મેચ શનિવાર, 13 જુલાઈના રોજ હરારેના હરારે સ્પોર્ટ્સ ક્લબમાં રમાશે.



Jul 13, 2024 14:07 IST
આજે ભારત વિ. ઝિમ્બાબ્વે ટી20 ચોથી મેચ
ભારત અને ઝિમ્બાબ્વે વચ્ચે T20 શ્રેણીની ચોથી મેચ આજે રમાશે. આ મેચ હરારે સ્પોર્ટ્સ ક્લબમાં રમાશે. આ શ્રેણીમાં ભારત 2-1થી આગળ છે.