Ind vs Aus 1st T20 : સૂર્યકુમાર યાદવ, ઇશાન કિશનની આક્રમક અડધી સદી, પ્રથમ ટી-20માં ભારતનો 2 વિકેટે રોમાંચક વિજય

India vs Australia 1st T20 Score : સૂર્યકુમાર યાદવ (80)અને ઇશાન કિશનની અડધી સદીની(58) મદદથી ભારતે પ્રથમ ટી-20માં ઓસ્ટ્રેલિયા સામે 2 વિકેટે રોમાંચક વિજય મેળવ્યો હતો. ઓસ્ટ્રેલિયાએ 20 ઓવરમાં 3 વિકેટે 208 રન બનાવ્યા હતા. જવાબમાં ભારતે 20 ઓવરમાં 8 વિકેટે 209 રન બનાવી લીધા હતા.

ઓસ્ટ્રેલિયા સામેની ટી-20 શ્રેણી દરમિયાન કેપ્ટન સૂર્યકુમાર યાદવે મેદાન પર ઉતરતાની સાથે જ ટીમ ઈન્ડિયાના દિગ્ગજ ક્રિકેટરોની યાદીમાં પોતાનું નામ નોંધાવી દીધું છે. રોહિત શર્મા અને હાર્દિક પંડયાની ગેરહાજરીમાં સૂર્યકુમાર યાદવને કાંગારુ ટીમ સામેની આ ટી-20 શ્રેણી માટે ટીમનો કેપ્ટન બનાવવામાં આવ્યો છે. ટી-20 ફોર્મેટમાં ભારતની કેપ્ટનશિપ કરનારો 13મો ખેલાડી બન્યો છે.

સૂર્યકુમાર યાદવને ભારતનો 13મો ટી-20 કેપ્ટન બન્યો

ભારત માટે પ્રથમ આંતરરાષ્ટ્રીય ટી-20 મેચમાં કેપ્ટનશિપ કરનાર ખેલાડી વીરેન્દ્ર સેહવાગ હતો. આ પછી એમએસ ધોની, સુરેશ રૈના, અજિંક્ય રહાણે, વિરાટ કોહલી, રોહિત શર્મા, શિખર ધવન, રિષભ પંત, હાર્દિક પંડ્યા, કેએલ રાહુલ, જસપ્રીત બુમરાહ અને રુતુરાજ ગાયકવાડ જેવા ઘણા ખેલાડીઓ આ ફોર્મેટમાં ટીમ ઇન્ડિયાની કેપ્ટનશિપ કરી ચૂક્યા છે.નથોડા દિવસ પહેલા એશિયન ગેમ્સ 2023માં ભારતીય ટી-20 ટીમની કેપ્ટનશિપ રુતુરાજ ગાયકવાડે કરી હતી અને તેમની કેપ્ટનશિપમાં ટીમે ગોલ્ડ મેડલ જીત્યો હતો.

ટી-20 ફોર્મેટમાં ભારતની કેપ્ટનશિપ કરનારા ખેલાડીઓ

વિરેન્દ્ર સેહવાગ
એમએસ ધોની
સુરેશ રૈના
અજિંક્ય રહાણે
વિરાટ કોહલી
રોહિત શર્મા
શિખર ધવન
ઋષભ પંત
હાર્દિક પંડ્યા
કેએલ રાહુલ
જસપ્રીત બુમરાહ
રૂતુરાજ ગાયકવાડ
સૂર્યકુમાર યાદવ