Ind vs Aus 2nd T20I : હેઝલવુડનો તરખાટ, બીજી ટી 20માં ઓસ્ટ્રેલિયાનો વિજય

બોલરોના શાનદાર પ્રદર્શન બાદ મિચેલ માર્શના 46 રનની મદદથી ઓસ્ટ્રેલિયાએ ભારત સામેની બીજી ટી 20માં 4 વિકેટે વિજય મેળવ્યો છે. ભારત 18.4 ઓવરમાં 125 રનમાં ઓલઆઉટ થઇ ગયુ હતું. જવાબમાં ઓસ્ટ્રેલિયાએ 13.2 ઓવરમાં 6 વિકેટ ગુમાવી પડકાર મેળવી લીધો હતો. આ જીત સાથે ઓસ્ટ્રેલિયાએ પાંચ મેચની શ્રેણીમાં 1-0થી લીડ મેળવી લીધી છે. શ્રેણીની ત્રીજી ટી 20 મેચ 2 નવેમ્બરને રવિવારે રમાશે.

મિચેલ ઓવન 14 અને મેથ્યુ શોર્ટ ખાતું ખોલાયા વિના બુમરાહનો શિકાર બન્યા. ઓસ્ટ્રેલિયાએ 124 રને છઠ્ઠી વિકેટ ગુમાવી.

મિચેલ માર્શ 26 બોલમાં 2 ફોર અને 4 સિક્સર સાથે 46 રન બનાવી કુલદીપ યાદવની ઓવરમાં કેચ આઉટ થયો. ટીમ ડેવિડ 1 રને વરુણ ચક્રવર્તીનો શિકાર બન્યો. ઓસ્ટ્રેલિયાએ 90 રને ત્રીજી વિકેટ ગુમાવી.

ટ્રેવિસ હેડ 15 બોલમાં 3 ફોર અને 1 સિક્સર સાથે 28 રન બનાવી વરુણ ચક્રવર્તીની ઓવરમાં કેચ આઉટ થયો. ઓસ્ટ્રેલિયાએ 51 રને પ્રથમ વિકેટ ગુમાવી.

બીજી ટી 20માં ભારત 18.4 ઓવરમાં 125 રનમાં ઓલઆઉટ થઇ ગયું છે. ઓસ્ટ્રેલિયાને જીતવા માટે 126 રનનો પડકાર મળ્યો છે. ઓસ્ટ્રેલિયા તરફથી જોશ હેઝલવુડે સૌથી વધારે 3 વિકેટ ઝડપી હતી. આ સિવાય બાર્ટલેટ, નાથન એલિસે 2-2 વિકેટ ઝડપી હતી.

અભિષેક શર્મા 37 બોલમાં 8 ફોર અને 2 સિક્સર સાથે 68 રન બનાવી નાથન એલિસની ઓવરમાં એલબી આઉટ થયો. ટીમ ઇન્ડિયાએ 125 રને નવમી વિકેટ ગુમાવી.

હર્ષિત રાણા 33 બોલમાં 3 ફોર અને 1 સિક્સર સાથે 35 રને અને શિવમ દુબે 2 બોલમાં 1 ફોર સાથે 4 રન બાર્ટલેટનો શિકાર બન્યા. કુલદીપ યાદવ ખાતું ખોલાયા વિના સ્ટોઇનિસનો શિકાર બન્યો. ભારતે 110 રને આઠમી વિકેટ ગુમાવી.

અભિષેક શર્માએ 23 બોલમાં 7 ફોર અને 1 સિક્સર સાથે અડધી સદી ફટકારી. આ પહેલા અક્ષર પટેલ 12 બોલમાં 7 રન બનાવી રન આઉટ થયો હતો.

સૂર્યકુમાર યાદવ 4 બોલમાં 1 અને તિલક વર્મા 2 બોલમાં ખાતું ખોલાયા વિના હેઝલવુડનો શિકાર બન્યા. ભારતે 32 રનમાં 4 વિકેટ ગુમાવી દીધી છે.

સંજુ સેમસન 4 બોલમાં 2 રન બનાવી નાથન એલિસની ઓવરમાં એલબી આઉટ થયો. ભારતે 23 રને બીજી વિકેટ ગુમાવી.

શુભમન ગિલ 10 બોલમાં 5 રન બનાવી હેઝલવુડની ઓવરમાં કેચ આઉટ થયો. ભારતે 20 રને પ્રથમ વિકેટ ગુમાવી.

અભિષેક શર્મા, શુભમન ગિલ, તિલક વર્મા, સૂર્યકુમાર યાદવ (કેપ્ટન), સંજુ સેમસન, શિવમ દુબે, અક્ષર પટેલ, હર્ષિત રાણા, કુલદીપ યાદવ, વરુણ ચક્રવર્તી, જસપ્રીત બુમરાહ.

ટ્રેવિસ હેડ, મિશેલ માર્શ (કેપ્ટન), જોશ ઇંગ્લિસ, ટિમ ડેવિડ, મિશેલ ઓવેન, માર્કસ સ્ટોઇનિસ, મેટ શોર્ટ, ઝેવિયર બાર્ટલેટ, નાથન એલિસ, મેથ્યુ કુહનેમેન, જોશ હેઝલવુડ.

ભારત સામેની બીજી ટી 20 ઓસ્ટ્રેલિયાના કેપ્ટન મિચેલ માર્શે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ મેલબોર્ન ખાતે રમાઇ રહી છે.

ટી-20 ઈન્ટરનેશનલ ક્રિકેટમાં ભારતનો રેકોર્ડ ઓસ્ટ્રેલિયા સામે સારો છે. ભારત અને ઓસ્ટ્રેલિયા વચ્ચે અત્યાર સુધીમાં કુલ 33 ટી 20 મેચ રમાઇ છે. જેમાં ભારતનો 20 મેચમાં વિજય થયો છે. જ્યારે ઓસ્ટ્રેલિયાનો 11 મેચમાં વિજય થયો છે. બે મેચ અનિર્ણિત રહી છે.

ભારત અને ઓસ્ટ્રેલિયા વચ્ચે આજે બીજી ટી 20 શ્રેણી મેલબોર્ન ખાતે રમાશે. આ મેચ ભારતીય સમય પ્રમાણે બપોરે 1.45 થી શરુ થશે. પ્રથમ ટી 20 મેચ વરસાદના કારણે રદ થઇ હતી.