India vs England Score : પ્રથમ ટેસ્ટ, શુભમન ગિલ અને યશસ્વી જયસ્વાલની સદી, ભારતની મજબૂત પકડ

શુભમન ગિલની અણનમ સદી (127) અને યશસ્વી જયસ્વાલના 101 રનની મદદથી ભારતે ઇંગ્લેન્ડ સામે પ્રથમ ટેસ્ટના પ્રથમ દિવસે પકડ મજબૂત બનાવી લીધી છે. પ્રથમ દિવસના અંતે ભારતે 85 ઓવરમાં 3 વિકેટે 359 રન બનાવી લીધા છે. દિવસના અંતે શુભમન ગિલ 127 અને ઋષભ પંત 65 રને રમતમાં છે.

યશસ્વી જયસ્વાલ પછી શુભમન ગિલે શાનદાર બેટિંગ કરા સદી ફટકારી છે. ગિલે 140 બોલમાં 14 ફોર સાથે સદી ફટકારી.

ભારતના 70 ઓવરમાં 3 વિકેટે 276 રન. શુભમન ગિલ 91 અને ઋષભ પંત 24 રને રમતમાં છે.

યશસ્વી જયસ્વાલ 159 બોલમાં 16 ફોર અને 1 સિક્સર સાથે 101 રને સ્ટોક્સની ઓવરમાં બોલ્ડ થયો. ભારતે 221 રને ત્રીજી વિકેટ ગુમાવી.

ટી લંચ સુધી ભારતે 51 ઓવરમાં 2 વિકેટે 215 રન બનાવી લીધા છે. યશસ્વી જયસ્વાલ 100 અને શુભમન ગિલ 58 રને રમતમાં છે.

યશસ્વી જયસ્વાલે 144 બોલમાં 16 ફોર અને 1 સિક્સર સાથે સદી ફટકારી. જયસ્વાલે ટેસ્ટમાં પાંચમી સદી ફટકારી. ભારતે 48.1 ઓવરમાં 200 રન પુરા કર્યા.

કેપ્ટન શુભમન ગિલે શાનદાર બેટિંગ કરતા 56 બોલમાં 8 ફોર સાથે અડધી સદી ફટકારી હતી.

યશસ્વી જયસ્વાલે 96 બોલમાં 8 ફોર સાથે અડધી સદી ફટકારી. ભારતે 28.5 ઓવરમાં 100 રન પુરા કર્યા.

ઇંગ્લેન્ડ સામે પ્રથમ ટેસ્ટમાં પ્રથમ દિવસે લંચ સમયે ભારતે 25.4 ઓવરમાં 2 વિકેટે 92 રન બનાવી લીધા છે. યશસ્વી જયસ્વાલ 42 રને રમતમાં છે.

કેએલ રાહુલ 78 બોલમાં 8 ફોર સાથે 42 રન બનાવી બ્રાયડર્ન કાર્સની ઓવરમાં કેચ આઉટ થયો. જ્યારે ડેબ્યુ પ્લેયર સાઇ સુદર્શન 4 બોલમાં ખાતું ખોલાયા વિના બેન સ્ટોક્સનો શિકાર બન્યો. ભારતે 92 રને બીજી વિકેટ ગુમાવી

ઇંગ્લેન્ડ સામેની પ્રથમ ટેસ્ટમાં ભારતે 20 ઓવરમાં વિના વિકેટે 68 રન બનાવી લીધા છે. યશસ્વી જયસ્વાલ 31 અને કેએલ રાહુલ 34 રને રમતમાં છે.

ભારત તરફથી યશસ્વી જયસ્વાલ અને કેએલ રાહુલ ઓપનિંગમાં ઉતર્યા. ભારતે 5 ઓવરમાં વિના વિકેટે 15 રન બનાવી લીધા છે.

પ્રથમ ટેસ્ટમાં ભારતીય ટીમમાં સાઇ સુદર્શનનું ડેબ્યુ થયું છે.

ઝેક ક્રોલી, બેન ડકેટ, ઓલી પોપ, જો રૂટ, હેરી બ્રુક, જેમી સ્મિથ , બેન સ્ટોક્સ (કેપ્ટન), ક્રિસ વોક્સ, જોશ ટંગ, બ્રાયડન કાર્સ, શોએબ બશીર.

યશસ્વી જયસ્વાલ, કેએલ રાહુલ , સાંઇ સુદર્શન, શુભમન ગિલ (કેપ્ટન), ઋષભ પંત, કરુણ નાયર ,રવિન્દ્ર જાડેજા , શાર્દુલ ઠાકુર, મોહમ્મદ સિરાજ , જસપ્રીત બુમરાહ , પ્રસિદ્ધ ક્રિષ્ના.

ભારત સામેની પ્રથમ ટેસ્ટમાં ઇંગ્લેન્ડના કેપ્ટન બેન સ્ટોક્સે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. પ્રથમ ટેસ્ટ લીડ્સના હેડિંગ્લી ખાતે રમાઇ રહી છે.

હેડિંગ્લી વિશ્વના શ્રેષ્ઠ ટેસ્ટ મેદાનોમાંથી એક છે. તે ઐતિહાસિક રીતે બેટિંગ માટે અનુકૂળ રહ્યું છે. પરંતુ સ્પિનરો ટેસ્ટના ઉત્તરાર્ધમાં ફાયદામાં રહે છે. જો પરિસ્થિતિ (હવામાન) અનુકૂળ હોય તો આ સપાટી પર ફાસ્ટ બોલરો પણ ઘાતક બની શકે છે.

લીડ્સમાં હવામાન – જે યુનાઇટેડ કિંગડમના ઉત્તરી ગોળાર્ધમાં આવેલું છે અને આ મહિનાઓ દરમિયાન સામાન્ય રીતે ખૂબ ઠંડુ રહે છે. ટેસ્ટના પહેલા ત્રણ દિવસ દરમિયાન તડકો રહેવાની ધારણા છે, જેમાં મહત્તમ તાપમાન 29 ડિગ્રી સેલ્સિયસ સુધી વધશે. જોકે ટેસ્ટના છેલ્લા બે દિવસ દરમિયાન મહત્તમ તાપમાન 23 ડિગ્રી સુધી ઘટી જશે, જેમાં થોડો વરસાદ પણ પડશે તેવી આગાહી છે.

ભારત અને ઇંગ્લેન્ડ વચ્ચે 5 મેચની ટેસ્ટ સિરીઝની પ્રથમ મેચ આજથી લીડ્સના હેડિંગ્લી ખાતે રમાશે. આ મેચ ભારતીય સમય મુજબ બપોરે 3:30 વાગ્યે શરૂ થશે. ઇંગ્લેન્ડ અને ભારત વચ્ચેની પહેલી ટેસ્ટ મેચ માટે ટોસ ભારતીય સમય મુજબ બપોરે 3:00 વાગ્યે થશે. વિરાટ કોહલી અને રોહિત શર્માની ગેરહાજરીમાં શુભમન ગિલની આગેવાનીમાં યુવા ટીમની કસોટી થશે.