India vs England : પ્રથમ ટેસ્ટ, ઓલી પોપની સદી, ઇંગ્લેન્ડનો વળતો પ્રહાર

ભારત સામેની પ્રથમ ટેસ્ટના બીજા દિવસે ઇંગ્લેન્ડે વળતો પ્રહાર કર્યો છે. ભારતના પ્રથમ દાવમાં 471 રનના જવાબમાં ઇંગ્લેન્ડે બીજા દિવસના અંતે 49 ઓવરમાં 3 વિકેટે 209 રન બનાવી લીધા છે. ઇંગ્લેન્ડ હજુ 262 રન પાછળ છે અને તેની 7 વિકેટો બાકી છે. દિવસના અંતે ઓલી પોપ 100 અને હેરી બ્રુક ખાતું ખોલાયા વિના રમતમાં છે. ભારત તરફથી ત્રણેય વિકેટ બુમરાહે ઝડપી હતી.

જો રુટ 58 બોલમાં 2 ફોર સાથે 28 રન બનાવી બુમરાહની ઓવરમાં કેચ આઉટ થયો. બુમરાહે ત્રીજી વિકેટ ઝડપી. ઇંગ્લેન્ડે 206 રને ત્રીજી વિકેટ ગુમાવી.

ઓલી પોપે 125 બોલમાં 13 ફોર સાથે સદી ફટકારી. ઇંગ્લેન્ડે 45 ઓવરમાં 200 રન પુરા કર્યા.

ઇંગ્લેન્ડે 37.2 ઓવરમાં 2 વિકેટે 150 રન પુરા કર્યા. ઓલી પોપ અને જો રુટ રમતમાં છે.

બેન ડકેટ 94 બોલમાં 9 ફોર સાથે 62 રને બુમરાહની ઓવરમાં બોલ્ડ થયો. ઇંગ્લેન્ડે 126 રને બીજી વિકેટ ગુમાવી.

ઓલી પોપે 64 બોલમાં 8 ફોર સાથે અડધી સદી ફટકારી.

બેન ડકેટે 68 બોલમાં 8 ફોર સાથે અડધી સદી ફટકારી. ઇંગ્લેન્ડે 21.3 ઓવરમાં 100 રન પુરા કર્યા.

ઇંગ્લેન્ડના 10 ઓવરમાં 1 વિકેટે 54 રન. બેન ડકેટ 27 અને ઓલી પોપ 22 રને રમતમાં છે.

ઓપનર ઝેક ક્રોલીને બુમરાહે પ્રથમ ઓવરમાં આઉટ કર્યો છે. તેણે 6 બોલમાં 1 ફોર સાથે 4 રન બનાવ્યા. ઇંગ્લેન્ડે 4 રને પ્રથમ વિકેટ ગુમાવી દીધી.

ઇંગ્લેન્ડ સામે પ્રથમ ટેસ્ટના બીજા દિવસે ભારતીય ટીમ 113 ઓવરમાં 471 રનમાં ઓલઆઉટ થઇ ગઇ છે. ભારત તરફથી શુભમન ગિલ, યશસ્વી જયસ્વાલ અને ઋષભ પંતે સદી ફટકારી હતી. ઇંગ્લેન્ડ તરફથી બેન સ્ટોક્સ અને જોશ ટંગે સૌથી વધારે 4-4 વિકેટ ઝડપી હતી.

જસપ્રીત બુમરાહ ખાતું ખોલાયા વિના અને રવિન્દ્ર જાડેજા 15 બોલમાં 2 ફોર સાથે 11 રને જોશ ટંગનો શિકાર બન્યા. ભારતે 469 રને નવમી વિકેટ ગુમાવી.

ઇંગ્લેન્ડ સામે પ્રથમ ટેસ્ટ બીજા દિવસે ભારતે લંચ સમયે 108.4 ઓવરમાં 7 વિકેટે 454 રન બનાવી લીધા છે. રવિન્દ્ર જાડેજા રમતમાં છે. શાર્દુલ ઠાકુર 8 બોલમાં 1 રને સ્ટોક્સની ઓવરમાં કેચ આઉટ થયો. સ્ટોક્સે ચોથી વિકેટ ઝડપી.

ઋષભ પંત 178 બોલમાં 12 ફોર અને 6 સિક્સર સાથે 134 રને જોશ ટંગની ઓવરમાં એલબી આઉટ થયો. ભારતે 453 રને છઠ્ઠી વિકેટ ગુમાવી છે.

કરુણ નાયર 4 બોલમાં ખાતું ખોલાયા વિના સ્ટોક્સની ઓવરમાં કેચ આઉટ થયો. ભારતે 447 રને પાંચમી વિકેટ ગુમાવી.

શુભમન ગિલ 227 બોલમાં 19 ફોર અને 1 સિક્સર સાથે 147 રને શોએબ બશીરની ઓવરમાં કેચ આઉટ થયો. ભારતે 430 રને ચોથી વિકેટ ગુમાવી. ગિલ અને પંત વચ્ચે ચોથી વિકેટ માટે 209 રનની ભાગીદારી નોંધાઇ.

ઋષભ પંતે 146 બોલમાં 10 ફોર અને 4 સિક્સર સાથે સદી ફટકારી. પ્રથમ ટેસ્ટમાં ભારતની આ ત્રીજી સદી છે. આ પહેલા યશસ્વી જયસ્વાલ અને શુભમન ગિલે સદી ફટકારી હતી.

ભારતે 95.5. ઓવરમાં 400 રન પુરા કર્યા. શુભમન ગિલ અને ઋષભ પંત રમતમાં છે. ભારતે બીજા દિવસની શરૂઆત 3 વિકેટે 359 રનથી કરી હતી.

ભારત અને ઇંગ્લેન્ડ વચ્ચે પ્રથમ ટેસ્ટનો આજે બીજો દિવસ છે. ભારત બીજા દિવસે મોટો સ્કોર બનાવવાનો પ્રયત્ન કરે છે. પ્રથમ દિવસના અંતે ભારતે પકડ મજબૂત બનાવી લીધી હતી. પ્રથમ દિવસના અંતે ભારતે 85 ઓવરમાં 3 વિકેટે 359 રન બનાવી લીધા હતા. દિવસના અંતે શુભમન ગિલ 127 અને ઋષભ પંત 65 રને રમતમાં છે.