India vs England : પ્રથમ ટેસ્ટમાં ભારતને હરાવી ઇંગ્લેન્ડે રચ્યો ઇતિહાસ, 77 વર્ષ પછી અંતિમ દિવસે ચેઝ થયા 350 રન

બેન ડકેટની સદી (149), ઝેલ ક્રોલી (65) અને જો રૂટની અણનમ અડધી સદીની (53) મદદથી ઇંગ્લેન્ડે ભારત સામેની પ્રથમ ટેસ્ટમાં 5 વિકેટે વિજય મેળવ્યો છે. ભારતે આપેલા 371 રનના પડકાર સામે ઇંગ્લેન્ડે 82 ઓવરમાં 5 વિકેટે 373 રન બનાવી લીધા છે. આ જીત સાથે ઇંગ્લેન્ડે પાંચ મેચની શ્રેણીમાં 1-0થી લીડ મેળવી લીધી છે. બન્ને વચ્ચે બીજી ટેસ્ટ 2 જુલાઇથી રમાશે.

બેન સ્ટોક્સ 51 બોલમાં 4 ફોર સાથે 33 રન બનાવી રવિન્દ્ર જાડેજાની ઓવરમાં કેચ આઉટ થયો. ઇંગ્લેન્ડે 302 રને પાંચમી વિકેટ ગુમાવી.

બેન ડકેટ 170 બોલમાં 21 ફોર અને 1 સિક્સર સાથે 149 રને શાર્દુલ ઠાકુરની ઓવરમાં આઉટ થયો. આ પછી પ્રથમ બોલે જ હેરી બ્રુકને ખાતું ખોલાયા વિના આઉટ કર્યો હતો. શાર્દુલે એક ઓવરમાં બે વિકેટ ઝડપી હતી.

ઓલી પોપ 8 બોલમાં 2 ફોર સાથે 8 રન બનાવી પ્રસિદ્ધ કૃષ્ણાની ઓવરમાં બોલ્ડ થયો. ઇંગ્લેન્ડે 206 રને બીજી વિકેટ ગુમાવી.

ઝેક ક્રોલી 126 બોલમાં 7 ફોર સાથે 65 રન બનાવી પ્રસિદ્ધ કૃષ્ણાની ઓવરમાં કેચ આઉટ થયો. ઇંગ્લેન્ડે 188 રને પ્રથમ વિકેટ ગુમાવી.

વરસાદના કારણે હાલ મેચ અટકાવવામાં આવી છે. ઇંગ્લેન્ડે 40.5 ઓવરમાં વિના વિકેટે 181 રન બનાવી લીધા છે. બેન ડકેટ 105 અને ઝેક ક્રોલી 59 રને રમતમાં છે.

બેન ડકેટ શાનદાર બેટિંગ કરતા 121 બોલમાં 14 ફોર સાથે સદી પુરી કરી છે.

ઝેક ક્રોલીએ 111 બોલમાં 5 ફોર સાથે અડધી સદી ફટકારી. ઇંગ્લેન્ડે 36 ઓવરમાં 150 રન પુરા કર્યા.

પ્રથમ ટેસ્ટમાં લંચ સમયે ઇંગ્લેન્ડે 30 ઓવરમાં વિના વિકેટે 117 રન બનાવી લીધા છે. બેન ડકેટ 64 અને ઝેક ક્રોલી 42 રને રમતમાં છે. ઇંગ્લેન્ડને જીતવા માટે 254 રનની જરૂર છે જ્યારે ભારતને 10 વિકેટની જરૂર છે.

બેન ડકેટે 66 બોલમાં 8 ફોર સાથે અડધી સદી ફટકારી. ઇંગ્લેન્ડે 24.3 ઓવરમાં 100 રન પુરા કર્યા.

ભારત અને ઇંગ્લેન્ડ પ્રથમ ટેસ્ટની પાંચમાં દિવસની રમતની શરૂઆત. ઇંગ્લેન્ડે 16.2 ઓવરમાં 50 રન પુરા કર્યા. ઝેક ક્રોલી અને બેન ડકેટ રમતમાં છે.

ભારત અને ઇંગ્લેન્ડ વચ્ચે પ્રથમ ટેસ્ટનો આજે પાંચમો અને નિર્ણાયક દિવસ છે. ભારતે જીતવા માટે આપેલા 371 રનના પડકાર સામે ઇંગ્લેન્ડે ચોથા દિવસના અંતે 6 ઓવરમાં વિના વિકેટે 21 રન બનાવી લીધા છે. ઝેક ક્રોલી 12 અને બેન ડકેટ 9 રને રમતમાં છે. ઇંગ્લેન્ડ હજુ 350 રન પાછળ છે અને તેની 10 વિકેટો બાકી છે.