Ind vs Eng 2nd Test : બીજી ટેસ્ટ, શુભમન ગિલના 269 રન, બીજો દિવસ ભારતના નામે

શુભમન ગિલના 269 અને રવિન્દ્ર જાડેજાના 89 રનની મદદથી ભારતે ઇંગ્લેન્ડ સામે બીજી ટેસ્ટના બીજા દિવસે પકડ મજબૂત બનાવી લીધી છે. ભારતના 587 રનના જવાબમાં ઇંગ્લેન્ડે બીજા દિવસના અંતે 20 ઓવરમાં 3 વિકેટે 77 રન બનાવી લીધા છે. દિવસના અંતે જો રુટ 18 અને હેરી બ્રુક 30 રને રમતમાં છે. ભારત તરફથી આકાશદીપે 2 વિકેટ અને મોહમ્મદ સિરાજે 1 વિકેટ ઝડપી હતી.

ઝેક ક્રોલી 30 બોલમા 3 ફોર સાથે 19 રન બનાવી મોહમ્મજ સિરાજની ઓવરમાં કેચ આઉટ થયો. ઇંગ્લેન્ડે 25 રને ત્રીજી વિકેટ ગુમાવી.

બેન ડકેટ 5 બોલમાં ખાતું ખોલાયા વિના અને ઓલી પોપ પ્રથમ બોલે ખાતું ખોલાયા વિના આકાશદીપનો શિકાર બન્યા. ઇંગ્લેન્ડે 13 રનમાં 2 વિકેટ ગુમાવી. આકાશદીપે બે બોલમાં બે વિકેટ ઝડપી.

ભારતીય ટીમ 151 ઓવરમાં 587 રનમાં ઓલઆઉટ થઇ ગઇ. મોહમ્મદ સિરાજ 23 બોલમાં 1 ફોર સાથે 8 રન બનાવી શોએબ બશીરની ઓવરમાં કેચ આઉટ થયો. ઇંગ્લેન્ડ તરફથી શોએબ બશીરે સૌથી વધારે 3 વિકેટ ઝડપી.

શુભમન ગિલ 387 બોલમાં 30 ફોર અને 3 સિક્સર સાથે 269 રન બનાવી જોશ ટંગની ઓવરમાં કેચ આઉટ થયો. આકાશદીપ 6 રન બનાવી શોએબ બશીરની ઓવરમાં કેચ આઉટ થયો. ભારતે 574 રને નવમી વિકેટ ગુમાવી.

વોશિંગ્ટન સુંદર 103 બોલમાં 3 ફોર અને 1 સિક્સર સાથે 42 રન બનાવી જો રુટની ઓવરમાં બોલ્ડ થયો. ભારતે 558 રને સાતમી વિકેટ ગુમાવી.

શુભમન ગિલે 348 બોલમાં 29 ફોર અને 3 સિક્સર સાથે 250 રન પુરા કર્યા. ભારતે 137 ઓવરમાં 550 રન પુરા કર્યા.

ભારતે 127.1 ઓવરમાં 500 રનનો સ્કોર પુરો કર્યો. શુભમન ગિલ અને વોશિંગ્ટન સુંદર રમતમાં છે.

શુભમન ગિલે 311 બોલમાં 21 ફોર અને 2 સિક્સર સાથે બેવડી સદી ફટકારી.

બીજી ટેસ્ટના પ્રથમ દાવમાં ભારતે લંચ સમયે 110 ઓવરમાં 6 વિકેટે 419 રન બનાવી લીધા છે. શુભમન ગિલ 168 રન અને વોશિંગ્ટન સુંદર 1 રને રમતમાં છે.

રવિન્દ્ર જાડેજા 137 બોલમાં 10 ફોર અને 1 સિક્સર સાથે 89 રન બનાવી જોશ ટંગની ઓવરમાં કેચ આઉટ થયો. ભારતે 414 રને છઠ્ઠી વિકેટ ગુમાવી.

શુભમન ગિલે 263 બોલમાં 17 ફોર સાથે 150 રન પુરા કર્યા. ભારતે 94.5 ઓવરમાં 350 રન પુરા કર્યા.

રવિન્દ્ર જાડેજાએ શાનદાર બેટિંગ કરતા 80 બોલમાં 6 ફોર સાથે અડધી સદી ફટકારી.

ભારત અને ઇંગ્લેન્ડ વચ્ચે બીજી ટેસ્ટનો આજે બીજો દિવસ છે. આ ટેસ્ટ મેચ બર્મિંગહામના એજબેસ્ટન ખાતે રમાઇ રહી છે.પ્રથમ દિવસના અંતે ભારતે 85 ઓવરમાં 5 વિકેટે 310 રન બનાવી લીધા છે. શુભમન ગિલ 114 અને રવિન્દ્ર જાડેજા 41 રને રમતમાં છે.