Ind vs Eng 2nd Test Day 3 : બીજી ટેસ્ટ, સિરાજની 6 વિકેટ, ઇંગ્લેન્ડ 407 રનમાં ઓલઆઉટ, લીડ સાથે ભારતના 244 રન

બીજી ટેસ્ટના ત્રીજા દિવસે ભારતે લીડ મેળવી છે. ભારતે ત્રીજા દિવસના અંતે બીજા દાવમાં 13 ઓવરમાં 1 વિકેટે 64 રન બનાવી લીધા છે કેએલ રાહુલ 28 અને કરુણ નાયર 7 રને રમતમાં છે. આ પહેલા ભારતના 587 રનના જવાબમાં ઇંગ્લેન્ડ 89.3 ઓવરમાં 407 રને ઓલઆઉટ થઇ ગયું હતું. ભારતને પ્રથમ દાવમાં 180 રનની લીડ મળી છે. લીડ સાથે ભારતના 244 રન થઇ ગયા છે.

યશસ્વી જયસ્વાલ 22 બોલમાં 6 ફોર સાથે 28 રન બનાવી જોશ ટંગની ઓવરમાં એલબી આઉટ થયો. ભારતે 51 રને પ્રથમ વિકેટ ગુમાવી.

બીજી ઇનિંગ્સમાં ભારતના યશસ્વી જયસ્વાલ અને કેએલ રાહુલની આક્રમક બેટિંગ. ભારતે 7.3 ઓવરમાં 50 રન પુરા કર્યા.

બીજી ટેસ્ટમાં ઇંગ્લેન્ડ 89.3 ઓવરમાં 407 રને ઓલઆઉટ. ભારતને પ્રથમ દાવમાં 180 રનની લીડ મળી છે. જેમી સ્મિથ 184 રને અણનમ રહ્યો છે. ભારત તરફથી મોહમ્મદ સિરાજે 6 વિકેટ અને આકાશ દીપે 4 વિકેટ ઝડપી હતી.

ઇંગ્લેન્ડે 88.4 ઓવરમાં 400 રન પુરા કર્યા. જોશ ટંગ 2 બોલમાં ખાતું ખોલાયા વિના સિરાજની ઓવરમાં એલબી આઉટ થયો. ઇંગ્લેન્ડે 407 રને નવમી વિકેટ ગુમાવી.

હેરી બ્રુક 234 બોલમાં 17 ફોર અને 1 સિક્સર સાથે 158 રન બનાવી આકાશદીપની ઓવરમાં બોલ્ડ થયો. ક્રિસ વોક્સ 5 રને આકાશદીપનો અને કાર્સ 0 રને સિરાજનો શિકાર બન્યો. ઇંગ્લેન્ડે 396 રને આઠમી વિકેટ ગુમાવી.

જેમી સ્મિથે 144 બોલમાં 19 ફોર અને 3 સિક્સર સાથે 150 રન બનાવ્યા. જ્યારે હેકી બ્રુકે 222 બોલમાં 16 ફોર અને 1 સિક્સર સાથે 150 રન બનાવ્યા.

ઇંગ્લેન્ડે 59.5 ઓવરમાં 300 રન પુરા કર્યા. હેરી બ્રુક 112 અને જેમી સ્મિથ 133 રન રમતમાં છે.

હેરી બ્રુકે 137 બોલમાં 12 ફોર અને 1 સિક્સર સાથે સદી ફટકારી. ઇંગ્લેન્ડે 47.2 ઓવરમાં 250 રન પુરા કર્યા.

બીજી ટેસ્ટમાં ઇંગ્લેન્ડે લંચ સમયે 47 ઓવરમાં 5 વિકેટે 249 રન બનાવી લીધા છે. જેમી સ્મિથ 102 અને હેરી બ્રુક 91 રને રમતમાં છે.

જેમી સ્મિથની આક્રમક બેટિંગ. 80 બોલમાં 14 ફોર અને 3 સિક્સર સાથે સદી ફટકારી

ઇંગ્લેન્ડે 38.3 ઓવરમાં 200 રન પુરા કર્યા. હેરી બ્રુક અને જેમી સ્મિથ રમતમાં છે.

જેમી સ્મિથે 43 બોલમાં 7 ફોર અને 1 સિક્સર સાથે અડધી સદી ફટકારી.

હેરી બ્રુકે 73 બોલમાં 7 ફોર અને 1 સિક્સર સાથે અડધી સદી ફટકારી.

જો રુટ 46 બોલમાં 2 ફોર સાથે 22 રને અને બેન સ્ટોક્સ પ્રથમ બોલે ખાતું ખોલાયા વિના મોહમ્મદ સિરાજનો શિકાર બન્યા. ઇંગ્લેન્ડે 84 રનમાં 5 વિકેટ ગુમાવી દીધી.

ભારત અને ઇંગ્લેન્ડ વચ્ચે બીજી ટેસ્ટનો આજે ત્રીજો દિવસ છે. ભારતના 587 રનના જવાબમાં ઇંગ્લેન્ડે બીજા દિવસના અંતે 20 ઓવરમાં 3 વિકેટે 77 રન બનાવી લીધા છે. દિવસના અંતે જો રુટ 18 અને હેરી બ્રુક 30 રને રમતમાં છે.