Ind vs Eng 3rd Test : જો રુટના અણનમ 99 રન, પ્રથમ દિવસે ઇંગ્લેન્ડના 4 વિકેટે 251 રન

જો રુટના અણનમ 99 રનની મદદથી ઇંગ્લેન્ડે ભારત સામેની ત્રીજી ટેસ્ટના પ્રથમ દિવસે ધીમી પણ મક્કમ શરૂઆત કરી છે. પ્રથમ દિવસના અંતે ઇંગ્લેન્ડે 83 ઓવરમાં 4 વિકેટે 251 રન બનાવી લીધા છે. દિવસના અંતે જો રુટ 99 અને બેન સ્ટોક્સ 39 રને રમતમાં છે.

ઇંગ્લેન્ડના 70 ઓવરમાં 4 વિકેટે 216 રન. જો રુટ 75 અને બેન સ્ટોક્સ 29 રને રમતમાં છે.

હેરી બ્રુક 20 બોલમાં 2 ફોર સાથે 11 રન બનાવી બુમરાહની ઓવરમાં બોલ્ડ થયો. ઇંગ્લેન્ડે 172 રને ચોથી વિકેટ.

ઓલી પોપ 104 બોલમાં 4 ફોર સાથે 44 રન બનાવી જાડેજાની ઓવરમાં કેચ આઉટ થયો. ઇંગ્લેન્ડે 153 રને ત્રીજી વિકેટ ગુમાવી.

જો રુટે 102 બોલમાં 7 ફોરની મદદથી અડધી સદી ફટકારી. ઇંગ્લેન્ડે 47.3 ઓવરમાં 150 રન પુરા કર્યા.

ઇંગ્લેન્ડે 35.4 ઓવરમાં 100 રન પુરા કર્યા. ઓલી પોપ અને જો રુટ રમતમાં છે.

ત્રીજી ટેસ્ટમાં ઇંગ્લેન્ડે લંચ સમયે 25 ઓવરમાં 2 વિકેટે 83 રન બનાવી લીધા છે. ઓલી પોપ 12 અને જો રુટ 24 રને રમતમાં છે.

બેન ડકેટ 43 બોલમાં 4 ફોર સાથે 18 રને અને ઝેક ક્રોલી 40 બોલમાં 3 ફોર સાથે 23 રને નીતિશ કુમાર રેડ્ડીનો શિકાર બન્યા. નિતીશે એક ઓવરમાં બે વિકેટ ઝડપી. ઇંગ્લેન્ડે 44 રને બીજી વિકેટ ગુમાવી.

ઇંગ્લેન્ડે 5 ઓવરમાં વિના વિકેટે 15 રન બનાવી લીધા છે. ઝેક ક્રોલી 1 અને ⁠બેન ડકેટ 13 રને રમતમાં છે.

ભારતની ટીમમાં એક ફેરફાર કરાયો છે. પ્રસિદ્ધ કૃષ્ણાના સ્થાને જસપ્રીત બુમરાહ પરત ફર્યો છે. જ્યારે ઇંગ્લેન્ડની ટીમમાં જોશ ટંગના સ્થાને જોફ્રા આર્ચરની વાપસી થઇ છે.

ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ (વિકેટકીપર), જોફ્રા આર્ચર, ક્રિસ વોક્સ, બ્રાયડન કાર્સ, શોએબ બશીર.

કેએલ રાહુલ, યશસ્વી જયસ્વાલ, કરુણ નાયર, શુભમન ગિલ (કેપ્ટન), ઋષભ પંત (વિકેટ કીપર), નીતિશ કુમાર રેડ્ડી, રવિન્દ્ર જાડેજા, વોશિંગ્ટન સુંદર, આકાશદીપ, મોહમ્મદ સિરાજ, જસપ્રીત બુમરાહ.

ભારત સામેની ત્રીજી ટેસ્ટમાં ઇંગ્લેન્ડના કેપ્ટન બેન સ્ટોક્સે ટોસ જીતીને પ્રથમ બેટિંગ કરવાનો નિર્ણય કર્યો છે.

ભારત અને ઇંગ્લેન્ડ વચ્ચે આજથી ત્રીજી ટેસ્ટનો પ્રારંભ થશે. આ મેચ લંડનના લોર્ડ્સ સ્ટેડિયમમાં રમાશે. પાંચ મેચની શ્રેણીમાં ભારત અને ઇંગ્લેન્ડ 1-1થી બરાબરી પર છે. પ્રથમ ટેસ્ટમાં ઇંગ્લેન્ડનો અને બીજી ટેસ્ટમાં ભારતનો વિજય થયો હતો. બન્ને ટીમો લીડ મેળવવા પ્રયત્ન કરશે.