Ind vs Eng Highlights, T20 World Cup 2024 Semi Final: ટી 20 વર્લ્ડ કપ 2024, ભારત ફાઇનલમાં, ઇંગ્લેન્ડનો કારમો પરાજય

ભારત ત્રીજી વખત અને 10 વર્ષ પછી ટી 20 વર્લ્ડ કપની ફાઇનલમાં પહોંચ્યું છે. આ પહેલા 2014 અને 2007માં ફાઇનલમાં પ્રવેશ કર્યો હતો.

ભારત ટી 20 વર્લ્ડ કપની ફાઇનલમાં પહોંચી ગયું છે. રોહિત શર્માની અડધી સદી (57)પછી અક્ષર પટેલ અને કુલદીપ યાદવની શાનદાર બોલિંગની મદદથી ભારતે ટી 20 વર્લ્ડ કપની સેમિ ફાઇનલમાં ઇંગ્લેન્ડ સામે 68 રને વિજય મેળવ્યો હતો. ભારતે 20 ઓવરમાં 7 વિકેટે 171 રન બનાવ્યા હતા. જવાબમાં ઇંગ્લેન્ડ 16.4 ઓવરમાં 103 રનમાં ઓલઆઉટ થઇ ગયું હતું. ભારત હવે 29 જૂનના રોજ દક્ષિણ આફ્રિકા સામે ફાઇનલમાં ટકરાશે.

ભારત તરફથી અક્ષર પટેલ અને કુલદીપ યાદવે 3-3 વિકેટ ઝડપી. જ્યારે બુમરાહને 2 વિકેટ મળી.

જોફ્રા આર્ચર 15 બોલમાં 1 ફોર 2 સિક્સર સાથે 21 રન બનાવી બુમરાહની ઓવરમાં એલબી આઉટ થયો. ઇંગ્લેન્ડ 16.4 ઓવરમાં 103 રનમાં ઓલ આઉટ.

ઇંગ્લેન્ડે 16 ઓવરમાં 100 રન પુરા કર્યા.

આદિલ રાશિદ 2 બોલમા 2 રન બનાવી રન આઉટ થયો. ઇંગ્લેન્ડે 88 રને નવમી વિકેટ ગુમાવી.

લિયામ લિવિંગસ્ટોન 16 બોલમાં 11 રન બનાવી રન આઉટ થયો.

ક્રિસ જોર્ડન 5 બોલમાં 1 રન બનાવી કુલદીપ યાદવનો ત્રીજો શિકાર બન્યો. ઇંગ્લેન્ડે 72 રને સાતમી વિકેટ ગુમાવી.

હેરી બ્રુક 19 બોલમાં 3 ફોર સાથે 25 રન બનાવી કુલદીપ યાદવની ઓવરમાં બોલ્ડ થયો. ઇંગ્લેન્ડે 68 રને છઠ્ઠી વિકેટ ગુમાવી.

ઇંગ્લેન્ડે 8.2 ઓવરમાં 50 રન પુરા કર્યા.

સેમ કરન 4 બોલમાં 2 રન બનાવી કુલદીપ યાદવની ઓવરમાં એલબી આઉટ થયો. ઇંગ્લેન્ડે 49 રનમાં 5 વિકેટ ગુમાવી.

મોઇન અલી 10 બોલમાં 8 રન બનાવી અક્ષર પટેલની ઓવરમાં સ્ટમ્પિંગ આઉટ થયો. અક્ષર પટેલને ત્રીજી સફળતા મળી,

જોની બેયરસ્ટો 3 બોલમાં ખાતું ખોલાયા વિના અક્ષર પટેલની ઓવરમાં બોલ્ડ થયો. ઇંગ્લેન્ડે 35 રને 3 વિકેટ ગુમાવી.

ફિલ સોલ્ટ 8 બોલમાં 5 રન બનાવી બુમરાહની ઓવરમાં બોલ્ડ થયો.

જોશ બટલર 15 બોલમાં 4 ફોર સાથે 23 રન બનાવી અક્ષર પટેલની ઓવરમાં કેચ આઉટ થયો. ઇંગ્લેન્ડે 26 રને પ્રથમ વિકેટ ગુમાવી.

ફિલ સોલ્ટ અને જોશ બટલર ઓપનિંગમાં ઉતર્યા. અર્શદીપ સિંહની પ્રથમ ઓવરમાં 4 રન બનાવ્યા.

ઇંગ્લેન્ડ તરફથી જોર્ડને સૌથી વધુ 3 વિકેટ ઝડપી. આર્ચર, ટોપ્લી, સેમ કરન અને રાશિદને 1-1 વિકેટ મળી.

ટી 20 વર્લ્ડ કપ 2024ની બીજી સેમિ ફાઈનલમાં ઇંગ્લેન્ડ સામે ભારતે 20 ઓવરમાં 7 વિકેટ ગુમાવી 171 રન બનાવી લીધા છે. ઇંગ્લેન્ડને જીતવા માટે 172 રનનો પડકાર મળ્યો છે.

રવિન્દ્ર જાડેજાના 9 બોલમાં 2 ફોર સાથે અણનમ 17 રન. અર્શદીપ સિંહના અણનમ 1 રન.

અક્ષર પટેલ 6 બોલમાં 1 સિક્સર સાથે 10 રન બનાવી જોર્ડનની ઓવરમાં કેચ આઉટ થયો.

ભારતે 18.2 ઓવરમાં 150 રન પુરા કર્યા.

હાર્દિક પંડ્યા 13 બોલમાં 1 ફોર 2 સિક્સર સાથે 23 રન બનાવી જોર્ડનની ઓવરમાં કેચ આઉટ થયો. શિવમ દુબે ખાતું ખોલાયા વિના જોર્ડનનો શિકાર બન્યો. જોર્ડને એક ઓવરમાં બે વિકેટ ઝડપી

સૂર્યકુમાર યાદવ 36 બોલમાં 4 ફોર 2 સિક્સર સાથે 47 રન બનાવી આઉટ થયો. ભારતે 124 રને ચોથી વિકેટ ગુમાવી.

રોહિત શર્મા 39 બોલમાં 6 ફોર 2 સિક્સર સાથે 57 રન બનાવી રાશિદની ઓવરમાં બોલ્ડ થયો. ભારતે 113 રને ત્રીજી વિકેટ ગુમાવી.

રોહિત શર્માએ 36 બોલમાં 6 ફોર 2 સિક્સર સાથે અડધી સદી ફટકારી. રોહિતે સિક્સર ફટકારી 50 રન પુરા કર્યા.

રોહિત શર્માએ કેપ્ટન તરીકે આંતરરાષ્ટ્રીય ક્રિકેટમાં 5000 રન પુરા કર્યા. આવી સિદ્ધિ મેળવનાર ભારતનો પાંચમો કેપ્ટન બન્યો. આ પહેલા વિરાટ કોહલી, એમએસ ધોની, મોહમ્મદ અઝહરુદ્દિન, સૌરવ ગાંગુલી આ સિદ્ધિ મેળવી ચુક્યા છે.

વરસાદ હાલ બંધ રહી ગયો છે અને મેચ ફરી શરુ થઇ ગઇ છે. રોહિત શર્મા અને સૂર્યકુમાર યાદવ મેદાનમાં આવી ગયા છે.

ગુયાનામાં વરસાદ બંધ થઈ ગયો છે અને અમ્પાયરો મેદાનની તપાસ કરવા આવ્યા છે. આ સમયે આઉટફિલ્ડ ભીનું દેખાઈ રહ્યું છે. આઉટફિલ્ડ પર પાણીના થોડા પેચ જોઈ શકાય છે, પરંતુ ગ્રાઉન્ડ સ્ટાફ કવર દૂર કરવાની તૈયારી કરી રહ્યા છે. જો વરસાદ પાછો નહીં આવે તો અમે જલ્દી રમત શરુ થઇ શકે છે. સુરજ પણ નીકળી રહ્યો છે.

મેચમાં ફરી વરસાદ શરુ થયો છે. પીચ પર કવર્સ ઢાંકવામાં આવ્યા છે. ભારતે 8 ઓવરમાં 2 વિકેટે 65 રન બનાવી લીધા છે. રોહિત શર્મા 37 અને સૂર્યકુમાર યાદવ 13 રને રમતમાં છે.

ભારતે 6.1 ઓવરમાં 50 રન પુરા કર્યા. રોહિત શર્મા અને સૂર્યકુમાર યાદવ રમતમાં.

ઋષભ પંત 6 બોલમાં 4 રન બનાવી સેમ કરનની ઓવરમાં કેચ આઉટ થયો. ભારતે 40 રને બીજી વિકેટ ગુમાવી.

રોહિત શર્મા અને પંતે ટોપ્લીની પાંચમી ઓવરમાં 11 રન ફટકાર્યા. રોહિત શર્માએ બે ફોર ફટકારી. ભારતના 5 ઓવરમાં 1 વિકેટે 40 રન.

વિરાટ કોહલી 9 બોલમાં 1 સિક્સર સાથે 9 રન બનાવી ટોપ્લીની ઓવરમાં બોલ્ડ થયો. ભારતે 19 રને પ્રથમ વિકેટ ગુમાવી.

રોહિત શર્મા અને વિરાટ કોહલી ઓપનિંગમાં ઉતર્યા. રોહિત શર્માએ બીજા જ બોલે ફોર ફટકારી. રીસ ટોપ્લી પ્રથમ ઓવર ફેંકવા 6 રન ફટકાર્યા.

જોશ બટલર, ફિલ સોલ્ટ, જોની બેયરસ્ટો, હૈરી બ્રુક, લિયામ લિવિંગસ્ટોન, મોઇન અલી, ક્રિસ જોર્ડન, સેમ કરન, જોફ્રા આર્ચર, આદિલ રાશિદ, રીસ ટોપ્લી.

રોહિત શર્મા (કેપ્ટન), વિરાટ કોહલી, ઋષભ પંત, શિવમ દૂબે, સૂર્યકુમાર યાદવ, રવિન્દ્ર જાડેજા, હાર્દિક પંડ્યા, અક્ષર પટેલ, કુલદીપ યાદવ, જસપ્રીત બુમરાહ, અર્શદીપ સિંહ.

ભારત સામે ટી 20 વર્લ્ડ કપની બીજી સેમિ ફાઇનલમાં ઇંગ્લેન્ડના કેપ્ટન જોશ બટલરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. મેચ રાત્રે 9.15 કલાકે શરૂ થશે. ઓવરોમાં કોઈ ઘટાડો કરવામાં આવ્યો નથી.

ગુયાનામાં વરસાદ બંધ રહી ગયો છે. ભારત અને ઇંગ્લેન્ડના ખેલાડીઓએ મેદાનમાં પ્રેક્ટિસ શરુ કરી

ભારત અને ઈંગ્લેન્ડ વચ્ચેની સેમિ ફાઈનલ મેચમાં ટોસ વિલંબિત થયો છે. ટોસ અને મેચ શરૂ થવામાં હજુ સમય છે. ભારતીય સમય અનુસાર રાત્રે 8.30 વાગ્યે પીચનું નિરીક્ષણ કરવામાં આવશે. આ પછી જ ખબર પડશે કે ટોસ ક્યારે થશે. મેચ ક્યારે શરૂ થશે.

ભારત અને ઇગ્લેન્ડ વચ્ચેની ટી 20 વર્લ્ડ કપ 2024ની બીજી સેમિ ફાઈનલમાં વરસાદના કારણે ટોસમાં વિલંબ થઇ રહ્યો છે. ભારતીય સમય પ્રમાણે રાત્રે 1.50 વાગ્યા સુધી કટ ઓફ ટાઇમ છે. બન્ને ઇનિંગ્સમાં 10-10 ઓવરની મેચ થવા પર પરિણામ આવી શકે છે.

ભારત-ઇંગ્લેન્ડની સેમિ ફાઇનલમાં પ્રશંસકો માટે ખરાબ સમાચાર આવ્યા છે. ગુયાનામાં ફરી વરસાદ શરુ થઇ ગયો છે. પીચને કવર્સથી ઢાંકી દેવામાં આવી છે. ટોસમાં વિલંબ થવાની સંભાવના છે.

ભારત અને ઇંગ્લેન્ડ વચ્ચે બીજી સેમિ ફાઇનલ ગુયાનામાં રમાવાની છે. જ્યાં હાલમાં મેદાનની પરિસ્થિતિ આવી છે.

ભારત અને ઈંગ્લેન્ડ વચ્ચેની બીજી સેમિ ફાઈનલ ગુયાનાના પ્રોવિડન્સ સ્ટેડિયમમાં રમાશે. આ મેદાન પર છેલ્લી 20 મેચોમાં પ્રથમ દાવનો સરેરાશ સ્કોર 150 રન છે. ગુયાના સ્ટેડિયમની પીચ બેટ્સમેન અને બોલરો બંને માટે યોગ્ય છે. ટોસ જીતનારી ટીમ તે સમયની પરિસ્થિતિના આધારે બેટિંગ અથવા બોલિંગ કરવાનો નિર્ણય લઈ શકે છે.

ટી 20 વર્લ્ડ કપમાં ભારત અને ઇંગ્લેન્ડ મેચ પહેલા વડોદરાના એક કલાકારે ભારતીય ખેલાડીઓને સમર્થન આપવા માટે કોફીથી પેઇન્ટિંગ બનાવ્યું છે.

Weather.com મુજબ, ગુયાનામાં મેચના દિવસે 60% વરસાદની સંભાવનાની આગાહી કરવામાં આવી છે. જે મેચમાં અસર કરી શકે છે. વરસાદની આગાહી સ્થાનિક સમય અનુસાર સવારે 10:30 વાગ્યે રમતની શરૂઆતમાં 33% થી શરૂ થાય છે અને લગભગ 1 વાગ્યાની આસપાસ 59% સુધી જાય છે.

ભારત અને ઇંગ્લેન્ડ વચ્ચે ટી 20 ક્રિકેટમાં હેડ ટુ હેડ રેકોર્ડની વાત કરીએ તો ભારતનું પલડું સહેજ ભારે છે. ટી 20 ક્રિકેટમાં અત્યાર સુધી બંને ટીમ વચ્ચે 23 મેચ રમાઇ છે. જેમાં ભારત 12 મેચ જીત્યું છે અને ઈંગ્લેન્ડ 11 મેચ જીત્યું છે. ટી20 વર્લ્ડ કપની વાત કરવામાં આવે તો ભારત અને ઈંગ્લેન્ડ બરોબરી પર છે. બંને વચ્ચે ચાર મેચ રમાઇ છે જેમાં બંને 2-2 મેચ જીત્યા છે.

ભારત ટી 20 વર્લ્ડ કપ 2024માં અજેય છે. હજુ સુધી એકપણ મેચ ગુમાવી નથી. બીજી તરફ ઇંગ્લેન્ડનો સુપર 8 માં દક્ષિણ આફ્રિકા સામે પરાજય થયો હતો. અહીં ભારત અને ઇંગ્લેન્ડ મેચની લાઇવ સ્ટ્રીમિંગ, વેધર રિપોર્ટ, હેડ ટુ હેડ અને પ્લેઇંગ ઇલેવન વિશે જણાવી રહ્યા છીએ.