scorecardresearch

કુલદીપ યાદવનો તરખાટ, ભારતે દક્ષિણ આફ્રિકા સામે 2-1થી શ્રેણી જીતી

India vs South Africa 3rd ODI: ભારત તરફથી કુલદીપ યાદવે સૌથી વધારે 4 વિકેટ ઝડપી, જ્યારે વોશિંગ્ટન સુંદર, મોહમ્મદ સિરાજ અને શહબાઝ અહમદે 2-2 વિકેટ ઝડપી

કુલદીપ યાદવનો તરખાટ, ભારતે દક્ષિણ આફ્રિકા સામે 2-1થી શ્રેણી જીતી
કુલદીપ યાદવે સૌથી વધારે 4 વિકેટ ઝડપી (EXPRESS PHOTO BY PRAVEEN KHANNA)

India vs South Africa 3rd ODI: કુલદીપ યાદવ (4 વિકેટ) સહિત બોલરોના શાનદાર પ્રદર્શન બાદ શુભમન ગિલના 49 રનની મદદથી ભારતે દક્ષિણ આફ્રિકા સામેની ત્રીજી વન-ડેમાં 7 વિકેટે વિજય મેળવ્યો છે. આ જીત સાથે ભારતે ત્રણ મેચની શ્રેણી 2-1થી જીતી લીધી છે. દક્ષિણ આફ્રિકા 27.1 ઓવરમાં 99 રનમાં ઓલઆઉટ થઇ ગયું હતું. જવાબમાં ભારતે 19.1 ઓવરમાં 3 વિકેટ ગુમાવી પડકાર મેળવી લીધો હતો.

શુભમન ગિલના 49 રન

ભારત તરફથી શુભમન ગિલે 57 બોલમાં 8 ફોર સાથે 49 રન બનાવ્યા હતા. શ્રેયસ ઐયરે અણનમ 28 રન બનાવ્યા હતા. ઇશાન કિશને 10 અને શિખર ધવન 8 રન બનાવ્યા હતા.

ત્રણ જ ખેલાડી ડબલ ફિગર સુધી પહોંચ્યા

દક્ષિણ આફ્રિકા તરફથી ત્રણ જ પ્લેયર ડબલ ફિગરના આંકને વટાવી શક્યા હતા. જેમાં ક્લાસેને સૌથી વધારે 34 રન બનાવ્યા હતા. મલાને 15 અને માર્કો જાનસેને 14 રન બનાવ્યા હતા. દક્ષિણ આફ્રિકાની શરૂઆત જ કંગાળ રહી હતી. 25 રનમાં જ બન્ને ઓપનરની વિકેટ ગુમાવી દીધી હતી. 66 રનમાં અડધી ટીમ ગુમાવી દીધી હતી. આ પછી નિયમિત અંતરે વિકેટ ગુમાવતા 99 રનમાં ધરાશાઇ થઇ ગયું હતું.

ભારત તરફથી કુલદીપ યાદવે સૌથી વધારે 4 વિકેટ ઝડપી હતી. જ્યારે વોશિંગ્ટન સુંદર, મોહમ્મદ સિરાજ અને શહબાઝ અહમદે 2-2 વિકેટ ઝડપી હતી.

Web Title: India vs south africa 3rd odi updates

Best of Express