Ind vs SA Highlights, T20 World Cup 2024 Final: ભારત ટી 20 વર્લ્ડ કપમાં ચેમ્પિયન, દક્ષિણ આફ્રિકા ફરી ચોકર્સ, સપનું રોળાયું

ભારત ટી 20 વર્લ્ડ કપમાં બીજી વખત ચેમ્પિયન બન્યું છે. આ પહેલા તે 2007માં પ્રથમ ટૂર્નામેન્ટમાં ચેમ્પિયમ બન્યું હતું. એટલે 17 વર્ષ પછી ભારત ટી વર્લ્ડ કપમાં ચેમ્પિયન બન્યું છે. ભારત 2013 પછી પ્રથમ વખત આઈસીસી ટ્રોફી જીતવા સફળ રહ્યું છે.

વિરાટ કોહલીએ મેચ પછી કહ્યું કે આ મારો છેલ્લો T20 વર્લ્ડ કપ હતો. અને અમે તેને હાંસલ કરવા માગતા હતા. ભારત માટે આ મારી છેલ્લી T20 મેચ હતી. મને લાગે છે કે નિવૃત્તિ લેવાનો આ યોગ્ય સમય છે અને હવે સમય આવી ગયો છે કે નવી પેઢી આ વારસાને આગળ લઈ જાય.

ભારત ટી 20 વર્લ્ડ કપ 2024માં ચેમ્પિયન બન્યું છે. વિરાટ કોહલીની અડધી સદી બાદ જસપ્રીત બુમરાહ અને અર્શદીપ સિંહની શાનદાર બોલિંગની મદદથી ભારતે ટી 20 વર્લ્ડ કપની ફાઇનલમાં દક્ષિણ આફ્રિકા સામે 7 રને વિજય મેળવ્યો છે. ભારતે 20 ઓવરમાં 7 વિકેટે 176 રન બનાવ્યા હતા. જવાબમાં દક્ષિણ આફ્રિકા 20 ઓવરમાં 8 વિકેટે 169 રન બનાવી શક્યું હતું. દક્ષિણ આફ્રિકા ફરી ચોકર્સ સાબિત થયું છે.

ડેવિડ મિલર 17 બોલમાં 1 ફોર 1 સિક્સર સાથે 21 રન બનાવી હાર્દિક પંડ્યાની ઓવરમાં કેચ આઉટ થયો.

ટી 20 વર્લ્ડ કપની ફાઇનલ રસપ્રદ બની. દક્ષિણ આફ્રિકાને જીતવા માટે 12 બોલમાં 20 રનની જરૂર છે.

માર્કો યાન્સેન 4 બોલમાં 2 રન બનાવી બુમરાહની ઓવરમાં બોલ્ડ થયો. દક્ષિણ આફ્રિકાએ 156 રને છઠ્ઠી વિકેટ ગુમાવી

હેનરિચ ક્લાસેન 27 બોલમાં 2 ફોર 5 સિક્સર સાથે 52 રન બનાવી હાર્દિક પંડ્યાની ઓવરમાં કેચ આઉટ થયો. દક્ષિણ આફ્રિકાએ 151 રને પાંચમી વિકેટ ગુમાવી.

હેનરિચ ક્લાસેનની 23 બોલમાં 2 ફોર 5 સિક્સર સાથે અડધી સદી.

દક્ષિણ આફ્રિકાએ 15,2 ઓવરમાં 150 રન પુરા કર્યા.

ક્વિન્ટોન ડી કોક 31 બોલમાં 4 ફોર 1 સિક્સર સાથે 39 રન બનાવી અર્શદીપ સિંહની ઓવરમાં કેચ આઉટ થયો. દક્ષિણ આફ્રિકાએ 106 રને ચોથી વિકેટ ગુમાવી.

દક્ષિણ આફ્રિકાએ 11.3 ઓવરમાં 100 રન પુરા કર્યા.

દક્ષિણ આફ્રિકાએ 10 ઓવરમાં 3 વિકેટે 81 રન બનાવી લીધા છે. ડી કોક 30 અને હેનરિચ ક્લાસેન 8 રને રમતમાં છે.

ટ્રિસ્ટન સ્ટબ્સ 21 બોલમાં 3 ફોર 1 સિક્સર સાથે 31 રન બનાવી અક્ષર પટેલની ઓવરમાં બોલ્ડ થયો. દક્ષિણ આફ્રિકાએ 70 રને ત્રીજી વિકેટ ગુમાવી.

દક્ષિણ આફ્રિકાએ 7.1 ઓવરમાં 50 રન પુરા કર્યા.

એડન માર્કરામ 5 બોલમાં 1 ફોર સાથે 4 રન બનાવી અર્શદીપ સિંહની ઓવરમાં કેચ આઉટ થયો. દક્ષિણ આફ્રિકાએ 12 રનમાં 2 વિકેટ ગુમાવી.

રીઝા હેન્ડ્રીક્સ 5 બોલમાં 1 ફોર સાથે 4 રન બનાવી બુમરાહની ઓવરમાં બોલ્ડ થયો. દક્ષિણ આફ્રિકાએ 7 રને પ્રથમ વિકેટ ગુમાવી.

દક્ષિણ આફ્રિકા તરફથી કેશવ મહારાજ અને એનરિચ નોર્ટજેએ 2-2 વિકેટ ઝડપી. જ્યારે રબાડા અને જાન્સેનને 1-1 વિકેટ મળી.

ટી 20 વર્લ્ડ કપ 2024ની ફાઇનલ મેચમાં દક્ષિણ આફ્રિકા સામે ભારતે 20 ઓવરમાં 7 વિકેટે 176 રન બનાવી લીધા છે. દક્ષિણ આફ્રિકાને જીતવા માટે 177 રનનો પડકાર મળ્યો છે.

રવિન્દ્ર જાડેજા 2 બોલમાં 2 રન બનાવી નોર્ટજેની ઓવરમાં કેચ આઉટ થયો. હાર્દિક પંડ્યા 2 બોલમાં 1 ફોર સાથે 5 રન બનાવી અણનમ રહ્યો.

શિવમ દુબે 16 બોલમાં 3 ફોર 1 સિક્સર સાથે 27 રન બનાવી નોર્ટજેની ઓવરમાં કેચ આઉટ થયો.

વિરાટ કોહલી 59 બોલમાં ફોર 2 સિક્સરની મદદથી 76 રન બનાવી જાન્સેનની ઓવરમાં કેચ આઉટ થયો. ભારતે 163 રને પાંચમી વિકેટ ગુમાવી.

ભારતે 18 ઓવરમાં 150 રન પુરા

વિરાટ કોહલીએ 48 બોલમાં અડધી સદી ફટકારી. આ ટૂર્નામેન્ટમાં પ્રથમ અડધી સદી ફટકારી.

અક્ષર પટેલ 31 બોલમાં 1 ફોર 4 સિક્સર સાથે 47 રન બનાવી રન આઉટ થયો. ભારતે 106 રને ચોથી વિકેટ ગુમાવી.

ભારતે 13.1 ઓવરમાં 100 રન પુરા કર્યા.

ભારતે 13 ઓવરમાં 3 વિકેટે 98 રન બનાવી લીધા છે. વિરાટ કોહલી 43 અને અક્ષર પટેલ 39 રને રમતમાં છે.

ભારતે 7.1 ઓવરમાં 50 રન પુરા કર્યા.

સૂર્યકુમાર યાદવ 4 બોલમાં 3 રન બનાવી રબાડાની ઓવરમાં કેચ આઉટ થયો. ભારતે 34 રનમાં ત્રીજી વિકેટ ગુમાવી દીધી.

ઋષભ પંત 2 બોલમાં ખાતું ખોલાયા વિના આઉટ. ભારતે 23 રને બીજી વિકેટ ગુમાવી.

રોહિત શર્મા 5 બોલમાં 2 ફોર સાથે 9 રન બનાવી કેશવ મહારાજની ઓવરમાં કેચ આઉટ થયો. ભારતે 23 રને પ્રથમ વિકેટ ગુમાવી.

રોહિત શર્મા અને વિરાટ કોહલી ઓપનિંગમાં ઉતર્યા. વિરાટે જાન્સેનની પ્રથમ ઓવરમાં 3 ફોર ફટકારી. પ્રથમ ઓવરમાં 15 રન ફટકાર્યા.

ક્વિન્ટન ડી કોક, રીઝા હેન્ડ્રીક્સ, એડન માર્કરામ (કેપ્ટન), હેનરિક ક્લાસેન, ડેવિડ મિલર, ટ્રિસ્ટન સ્ટબ્સ, માર્કો જેન્સેન, કેશવ મહારાજ, કાગિસો રબાડા, એનરિચ નોર્ટજે, તબરેઝ શમ્સી.

રોહિત શર્મા (કેપ્ટન), વિરાટ કોહલી, ઋષભ પંત, શિવમ દૂબે, સૂર્યકુમાર યાદવ, રવિન્દ્ર જાડેજા, હાર્દિક પંડ્યા, કુલદીપ યાદવ, અક્ષર પટેલ, જસપ્રીત બુમરાહ, અર્શદીપ સિંહ.

ટી 20 વર્લ્ડ કપ 2024ની ફાઇનલ મેચમાં દક્ષિણ આફ્રિકા સામે ભારતના કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો છે.

બાર્બોડોસના મેદાનમાં ભારત 3 મેચ રમ્યું છે. જેમાં એક મેચમાં જીત મેળવી છે અને બે મેચમાં પરાજય થયો છે. જ્યારે દક્ષિણ આફ્રિકા 3 મેચ રમ્યું છે. જેમાં બે મેચમાં જીત મેળવી છે અને એક મેચમાં પરાજય થયો છે.

ટી 20 વર્લ્ડ કપની ફાઇનલ પહેલા ભારતીય પ્રશંસકો ઉત્સાહિત છે

જમ્મુ અને કાશ્મીર: અમરનાથ યાત્રીઓએ આજે ​​પહેલગામમાં ભારત વિરુદ્ધ દક્ષિણ આફ્રિકા આઈસીસી ટી 20 વર્લ્ડ કપની ફાઇનલ મેચ પહેલા ભારતીય ટીમની જીત માટે વિશેષ પ્રાર્થના કરી હતી.

ભારત અને દક્ષિણ આફ્રિકા વચ્ચે ટી 20 વર્લ્ડ કપની ફાઇનલ જોવા માટે બાર્બાડોસમાં પ્રશંસકો સ્ટેડિયમ પહોંચી રહ્યા છે

ભારત 2013 બાદ કોઈ પણ આઈસીસી ટ્રોફી જીતી શક્યું નથી. આ સાથે જ દક્ષિણ આફ્રિકા પણ પ્રથમ વર્લ્ડ કપ જીતવાની રાહ જોઈ રહ્યું છે. દક્ષિણ આફ્રિકાની ટીમે સેમિ ફાઇનલમાં અફઘાનિસ્તાનને હરાવીને ફાઇનલમાં જગ્યા બનાવી હતી. જ્યારે ભારતીય ટીમે બીજી સેમિ ફાઇનલમાં ઇંગ્લેન્ડને હરાવ્યું હતું.

બાર્બાડોસના કેન્સિંગ્ટન ઓવલ સ્ટેડિયમની પીચ પર બોલિંગ અને બેટિંગ બંનેને સમાન તકો મળે છે. આ પીચ પર ફાસ્ટ બોલરોને મદદ મળે છે અને બાઉન્સ પણ જોવા મળે છે. મિડલ ઓવરોમાં સ્પિનરો પોતાનો જાદુ બતાવી શકે છે. પીચ પર પ્રથમ દાવનો સરેરાશ સ્કોર 153 રન રહ્યો છે.

ફાઇનલ મેચનું પરિણામ મેળવવા માટે 10-10ની ઓવરની મેચ રમાવવી જરૂરી છે. જોકે ફાઇનલ માટે રિઝર્વ ડે પણ છે. 30 જૂનના રોજ રિઝર્વ ડે છે. આ દિવસે વરસાદની પણ સંભાવના છે. હવામાન વિભાગે ગુરુવારે (27 જૂન) એક નિવેદન જાહેર કરીને કહ્યું હતું કે શનિવારે તોફાનથી ટાપુ પ્રભાવિત થઈ શકે છે. હવામાન રિપોર્ટ મુજબ 29 જૂને બાર્બાડોસમાં દિવસભર વરસાદની સંભાવના છે. જોકે જેમ જેમ મેચ નજીક આવશે તેમ તેમ વાતાવરણ સાફ થઈ જશે તેમ મનાય છે.

વેધર અંડરગ્રાઉન્ડના સમાચાર મુજબ આજે 70 ટકા વરસાદની સંભાવના છે. દિવસ દરમિયાન સૂર્ય દેખાવવાની સંભાવના પણ ઓછી છે. આવી સ્થિતિમાં મેચમાં વરસાદને ખલેલ પહોંચે તે લગભગ નક્કી છે.

3 જૂન – શ્રીલંકા સામે 6 વિકેટે વિજય

8 જૂન – નેધરલેન્ડ્સ સામે 4 વિકેટે વિજય

12 જૂન – બાંગ્લાદેશ સામે 4 રને વિજય

15 જૂન – નેપાળ સામે 1 રને વિજય

19 જૂન – યુએસએ સામે 18 રને વિજય

21 જૂન – ઇંગ્લેન્ડ સામે 7 રને વિજય

24 જૂન – વેસ્ટ ઇન્ડીઝ સામે 3 વિકેટે વિજય

27 જૂન – અફઘાનિસ્તાન સામે 9 વિકેટે વિજય

5 જૂન – આયર્લેન્ડ સામે 8 વિકેટે વિજય

9 જૂન – પાકિસ્તાન સામે 6 રને વિજય

12 જૂન – યુએસએ સામે 7 વિકેટે વિજય

15 જૂન – કેનેડા સામે મેચ રદ

20 જૂન – અફઘાનિસ્તાન સામે 47 રને વિજય

22 જૂન – બાંગ્લાદેશ સામે 50 રને વિજય

24 જૂન – ઓસ્ટ્રેલિયા સામે 24 રને વિજય

27 જૂન – ઇંગ્લેન્ડ સામે 68 રને વિજય

ભારત અને દક્ષિણ આફ્રિકા વચ્ચે ટી 20 ક્રિકેટમાં હેડ ટુ હેડ રેકોર્ડની વાત કરીએ તો ભારતનું પલડું સહેજ ભારે છે. ટી 20 ક્રિકેટમાં અત્યાર સુધી બંને ટીમ વચ્ચે 26 મેચ રમાઇ છે. જેમાં ભારત 14 મેચ જીત્યું છે અને દક્ષિણ આફ્રિકા 11 મેચ જીત્યું છે. એક મેચમાં અનિર્ણિત રહી છે. ટી 20 વર્લ્ડ કપની વાત કરવામાં આવે તો ભારત અને દક્ષિણ આફ્રિકા વચ્ચે 6 મેચો રમાઇ છે. જેમાં ચાર મેચમાં ભારતનો અને 2 મેચમાં દક્ષિણ આફ્રિકાનો વિજય થયો છે.