India vs West Indies : અમદાવાદ ટેસ્ટ : પ્રથમ દિવસે બોલરો ઝળક્યા, ભારતનું પ્રભુત્વ

મોહમ્મદ સિરાજ (4 વિકેટ) અને જસપ્રીત બુમરાહ (3 વિકેટ) ના શાનદાર પ્રદર્શન બાદ કેએલ રાહુલની અણનમ અડધી સદીની મદદથી ભારતે વેસ્ટ ઇન્ડીઝ સામેની પ્રથમ ટેસ્ટમાં પ્રભુત્વ બનાવી લીધું છે. વેસ્ટ ઇન્ડીઝના 162 રનના જવાબમાં ભારતે પ્રથમ દિવસના અંતે 38 ઓવરમાં 2 વિકેટે 121 રન બનાવી લીધા છે. ભારત 41 રન પાછળ છે અને તેની 9 વિકેટો બાકી છે. દિવસના અંતે કેએલ રાહુલ 53 અને શુભમન ગિલ 18 રને રમતમાં છે.

કેએલ રાહુલે શાનદાર ફોર્મ જારી રાખતા 101 બોલમાં 6 ફોર સાથે અડધી સદી ફટકારી.

સાંઇ સુદર્શન 19 બોલમાં 7 રન બનાવી રોસ્ટન ચેસની ઓવરમાં કેચ આઉટ થયો. ભારતે 90 રને બીજી વિકેટ ગુમાવી.

યશસ્વી જયસ્વાલ 54 બોલમાં 7 ફોર સાથે 36 રન બનાવી જાયડેન સેલેસની ઓવરમાં આઉટ થયો. ભારતે 68 રને પ્રથમ વિકેટ ગુમાવી.

ભારત વેસ્ટ ઈન્ડિઝ વચ્ચે બે મેચોની ટેસ્ટ સીરીઝની પહેલી મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. પહેલા દિવસે વેસ્ટ ઈન્ડિઝે ટોસ જીતીને પહેલા બેટિંગ કરવાનો નિર્ણય કર્યો હતો. પહેલી બેટિંગ લઈને વેસ્ટ ઈન્ડિઝની ટીમે 44.1 ઓવરમાં 162 રન બનાવીને આઉટ થયો હતો. મોહમ્મદ સિરાઝે 4 વિકેટ અને બુમરાહે 3 વિકેટ, કુલદીપ યાદવે 2 અને વોશિંગટન સુંદરે 1 વિકેટ લીધી હતી. ભારતની બેટિંગની શરૂઆત થઈ છે. ભારત તરફથી કેએલ રાહુલ અને યશસ્વી જયસ્વાલ ઓપનિંગમાં આવ્યા છે.

અમદાવાદના નરેન્દ્ર મોદી સ્ટેડિયમમાં ભારત અને વેસ્ટઈન્ડિઝ વચ્ચે ટેસ્ટ શ્રેણીનો પહેલો દિવસ છે. પહેલા દિવસનો લંચ બ્રેક પડ્યો છે. લંચ સુધી વેસ્ટ ઈન્ડિઝનો સ્કોર 5 વિકેટના નુકસાન સાથે 90 રન બનાવ્યા છે.

કુલદીપ યાદવે શાઈ હોપને પેવેલિયન ભેગો કર્યો. તેણે 26 રન બનાવ્યા છે. રસ્ટન ચેઝ 22 રન બનાવીને ક્રીઝ પર છે. પહેલા દિવસના લંચ બ્રેક સુધી વેસ્ટઈન્ડીઝનો સ્કોર 23.2 ઓવરમાં 5 વિકેટ સાથે 90 રન બન્યા છે.

મોહમ્મદ સિરાજે એલિક અથાનાજને પણ આઉટ કરી પેવેલિયન ભેગો કર્યો છે. તેણે 12 રન બનાવ્યા છે. રસ્ટન ચેજ ક્રિઝ પર છે. વેસ્ટ ઈન્ડિઝનો સ્કોર 11.4 ઓવરમાં 4 વિકેટ પર 42 રન છે.

મોહમ્મદ સિરાજે બ્રેંડન કિંગને બોલ્ડ કર્યો છે. તેણે 13 રન બનાવ્યા છે. એલિક અથાનાજ 10 રન સાથે ક્રિઝ પર છે. રસ્ટન ચેજ બેટિંગ કરવા આવ્યો છે. વેસ્ટ ઈન્ડીઝનો સ્કોર 10 ઓવરમાં ત્રણ વિકેટ સાથે 39 રન છે.

જસપ્રીત બુમરાહે જોન કેપબેલને પેવેલિયન ભેગો કર્યો છે. કેપબેલે 8 રન બનાવ્યા છે. તેના પછી બ્રેંડન કિંગ બેટિંગ કરવા આવ્યો છે. એથિલ અથાનાજ 4 રન બનાવી ક્રિઝ પર છે.

ટોસ જીતીને વેસ્ટ ઈન્ડિઝે પહેલા બેટિંગ કરવાનો નિર્ણય લીધો હતો. વેસ્ટ ઈન્ડિઝ તરફથી પહેલા બેટિંગ કરવા માટે ઓપનરમાં ચંદ્રપોલ અને કેમ્પબેલ ક્રીઝ ઉપર આવ્યા છે.

તેગનારાયણ ચંદ્રપોલ, જોન કેમ્પબેલ, એલિક એથાનાઝ, બ્રાન્ડન કિંગ, શાઈ હોપ (વિકેટકીપર), રોસ્ટન ચેઝ (કેપ્ટન), જસ્ટિન ગ્રીવ્સ, જોમેલ વોરિકન, ખારી પિયર, જોહાન લાઈન, જેડેન સીલ્સ.

યશસ્વી જયસ્વાલ, કેએલ રાહુલ, સાઈ સુદર્શન, શુભમન ગિલ (કેપ્ટન), ધ્રુવ જુરેલ (વિકેટકીપર), રવિન્દ્ર જાડેજા, વોશિંગ્ટન સુંદર, નીતિશ કુમાર રેડ્ડી, કુલદીપ યાદવ, જસપ્રીત બુમરાહ, મોહમ્મદ સિરાજ.

ભારતીય કેપ્ટન શુભમન ગિલ સતત છઠ્ઠો ટોસ હારી ગયો છે. ભારતીય ટીમે ત્રણ સ્પિનર, બે પેસ બોલર અને એક ફાસ્ટ બોલિંગ ઓલરાઉન્ડર મેદાનમાં ઉતાર્યો છે.

ભારત અને વેસ્ટ ઈન્ડિઝ વચ્ચે બે મેચની ટેસ્ટ શ્રેણીનો પહેલો મેચ ગુરુવાર (2 ઓક્ટોબર) થી અમદાવાદના નરેન્દ્ર મોદી સ્ટેડિયમ ખાતે રમાશે. આ મેચ માટે ટોસ થયો છે. વેસ્ટ ઈન્ડિઝે ટોસ જીતી પહેલા બેટિંગ કરવાનો નિર્ણય કર્યો છે. જેના પગલે ભારતીય ક્રિકેટ ટીમ પહેલા બોલિંગ કરશે.

વેસ્ટ ઇન્ડીઝની ટીમ 7 વર્ષ બાદ ભારત પ્રવાસમાં ટેસ્ટ શ્રેણી રમવા આવી છે. આ પહેલા 2018માં તે ભારતના પ્રવાસે આવી હતી. તે સમયે ભારતે શ્રેણી 2-0થી જીતી લીધી હતી.

ભારત અને વેસ્ટ ઈન્ડિઝ વચ્ચે બે મેચની ટેસ્ટ શ્રેણીનો પહેલો મેચ ગુરુવાર (2 ઓક્ટોબર) થી અમદાવાદના નરેન્દ્ર મોદી સ્ટેડિયમ ખાતે રમાશે. આ વર્લ્ડ ટેસ્ટ ચેમ્પિયનશિપ 2025-27 ચક્રની ભારતની પ્રથમ ઘરઆંગણે શ્રેણી હશે. શુભમન ગિલના કેપ્ટનશીપ હેઠળ આ ભારતની પ્રથમ ઘરઆંગણે ટેસ્ટ શ્રેણી હશે.