ઓટો રિક્ષાની જાહેરાતથી વર્લ્ડ ચેમ્પિયન સુધી, શાંતાથી હરમનપ્રીત સુધી, મહિલા ક્રિકેટે મનાવી ગોલ્ડન જ્યુબલી

India Womens World Cup Champion 2025 : ભારતીય મહિલા ક્રિકેટ ટીમ સાઉથ આફ્રિકાને હરાવીને વર્લ્ડ ચેમ્પિયન બની છે. પોતાની 50મી વર્ષગાંઠ એટલે કે ગોલ્ડન જ્યુબલીની ઉજવણી ઇતિહાસ રચીને ભવ્યતાથી કરી હતી. મહિલા વર્લ્ડ કપ સૌપ્રથમ વખત 1973માં રમાયો હતો, પરંતુ ભારતીય ટીમ 1978માં પહેલી વખત તેનો ભાગ બની હતી. 31 ઓક્ટોબર 1976ના રોજ ભારતે બેંગલુરુમાં વેસ્ટ ઇન્ડીઝ સામે ટેસ્ટ મેચ રમીને મહિલા આંતરરાષ્ટ્રીય ક્રિકેટમાં સત્તાવાર ડેબ્યૂ કર્યું હતું. વર્લ્ડ કપ 2025ની ફાઈનલ તે ટેસ્ટ મેચ ખતમ થયાના 49 વર્ષ બાદ થઈ હતી.

એલ્બીઝ ભારતની જાણીતી મહિલા ક્રિકેટ કલબ છે, જેની શરૂઆત 1969માં મુંબઈમાં થઈ હતી. થોડા સમય માટે તે એકલી હતી પછી તેને મહેન્દ્ર કુમાર શર્માનો સાથ મળ્યો હતો. જેમણે લખનઉમાં પોતાની ઓટોરિક્ષાથી જાહેરાત કરી હતી કે ‘છોકરીઓની ક્રિકેટ મેચ હશે, ચોક્કસપણે આવો’.

વિમેન્સ ક્રિકેટ એસોસિએશન ઓફ ઈન્ડિયા

200 લોકોને જોયા પછી મહેન્દ્ર કુમાર શર્માને 1973માં વિમેન્સ ક્રિકેટ એસોસિએશન ઓફ ઇન્ડિયા (ડબલ્યુસીએઆઈ) બનાવવાની પ્રેરણા મળી. જેણે 2006માં ભારતીય ક્રિકેટ કંટ્રોલ બોર્ડ (બીસીસીઆઈ) માં મર્જ થયા સુધી દેશમાં મહિલા ક્રિકેટને કંટ્રોલ કર્યું હતું. પ્રથમ રાષ્ટ્રીય સ્તરની સ્પર્ધા એપ્રિલ 1973માં યોજાઈ હતી, પરંતુ તે જ વર્ષના જૂન અને જુલાઈમાં ઇંગ્લેન્ડમાં યોજાયેલા પ્રથમ મહિલા ક્રિકેટ વર્લ્ડ કપમાં ભાગ લેવા માટે ભારત પાસે પૂરતો સમય ન હતો ત્યારે ડબ્લ્યુસીએઆઈ અસ્તિત્વમાં આવી હતી.

ભારતની પ્રથમ ટેસ્ટ જીત

ભારતે 1976માં પોતાની ધરતી પર આંતરરાષ્ટ્રીય ક્રિકેટમાં ડેબ્યૂ કર્યું હતું. શુભાંગી કુલકર્ણીએ દેશ માટે પ્રથમ પાંચ વિકેટ ઝડપી હતી. કેપ્ટન શાંતા રંગાસ્વામીએ વિન્ડિઝ સામેની ડ્રો ટેસ્ટની પ્રથમ ઈનિંગમાં 74 રન ફટકારીને સ્કોરમાં ટોચનું સ્થાન મેળવ્યું હતું. ભારતે ચોથી ટેસ્ટમાં પ્રથમ જીત મેળવી હતી. આનાથી છ મેચની શ્રેણી 1-1થી બરોબરી રહી હતી. 1978નું વર્ષ ભારત માટે મહત્ત્વનું વર્ષ હતું. જાન્યુઆરીના પહેલા જ દિવસે વનડેમાં ડેબ્યૂ કર્યું હતું અને મહિલા ક્રિકેટ વર્લ્ડ કપની યજમાની કરી હતી.

ભારતનો પ્રથમ વન-ડે વિજય

યજમાન ભારત, ડિફેન્ડિંગ ચેમ્પિયન ઈંગ્લેન્ડ, ઓસ્ટ્રેલિયા અને ન્યૂઝીલેન્ડ વચ્ચે રમાયેલી આ ટૂર્નામેન્ટમાં ટીમને એક પણ જીત મળી નથી. ભારતે 1982માં ન્યૂઝીલેન્ડમાં યોજાયેલા આગામી વર્લ્ડ કપમાં પ્રથમ વન ડે જીત મેળવી હતી, જેમાં તેણે આંતરરાષ્ટ્રીય ઈલેવનને હરાવી હતી. પછી ભારતે ઈંગ્લેન્ડને 47 રનથી હરાવ્યું હતું.

આ પણ વાંચો – પડદા પાછળનો હીરો, જે દેશ માટે ક્યારે રમી ન શક્યા, તેમણે ટીમને બનાવી વર્લ્ડ ચેમ્પિયન

2005માં પ્રથમ વખત ફાઇનલમાં પહોંચ્યા

ભારત 1988નો વર્લ્ડ કપ રમી શક્યું ન હતું અને આજની જેમ મજબુત ટીમ બનતાં સમય લાગ્યો. 1997માં ભારત પહેલી વખત સેમિફાઇનલમાં પહોંચ્યું હતું. મિતાલી રાજની કેપ્ટન્સી હેઠળ 2005માં પહેલી વખત ફાઈનલ રમ્યા હતા. જોકે મજબૂત ઓસ્ટ્રેલિયા સામે હારનો સામનો કરવો પડ્યો. મિતાલીની કેપ્ટન્સી હેઠળ 2017માં ભારતે ઓસ્ટ્રેલિયાને હરાવ્યું હતું અને બીજી વખત ફાઇનલમાં પ્રવેશ કર્યો હતો, પરંતુ ઇંગ્લેન્ડ સામે પરાજય થયો હતો. 2020માં ટી-20 વર્લ્ડ કપની ફાઈનલમાં ઓસ્ટ્રેલિયા સામે હારનો સામનો કરવો પડયો હતો.

વર્લ્ડ ચેમ્પિયન બનતા પહેલા ઇંગ્લેન્ડમાં મોટી સિદ્ધિ મેળવી હતી

વર્ષ 2022ના વન ડે વર્લ્ડ કપમાં ભારતીય ટીમનો દેખાવ ખુબ જ કંગાળ રહ્યો હતો. દિગ્ગજ મિતાલી રાજ અને ઝુલન ગોસ્વામી નિવૃત્ત થયા હતા. હરમનપ્રીત કૌરને કેપ્ટન્સી મળી હતી. 2 નવેમ્બર 2025ના રોજ વર્લ્ડ ચેમ્પિયન બનતા પહેલા ભારતીય ટીમે ઈંગ્લેન્ડમાં પહેલી વખત વન ડે અને ટી-20 શ્રેણી જીતી હતી.