રોબિને ઉથપ્પાએ કહ્યું - ગ્રેગ ચેપલ ડ્રેસિંગ રુમની વાતો લીક કરતા હતા, પોતાનો એજન્ડા ચલાવતા હતા

Robin Uthappa : રોબિન ઉથપ્પાએ ખુલાસો કર્યો છે કે ગ્રેગ ચેપલ કોચ હતા તે ગાળા દરમિયાન ભારતીય ડ્રેસિંગરુમમાં શું ખોટું થયું હતું. ગ્રેગ ચેપલ ભારતીય ડ્રેસિંગ રૂમ વિશેની માહિતી લીક કરતા હતા. જ્યારે ગ્રેગ ચેપલ ટીમ ઈન્ડિયાના કોચ હતા ત્યારે 2007ના વન ડે વર્લ્ડ કપમાં ટીમ ગ્રુપ સ્ટેજમાંથી બહાર થઇ ગઇ હતી. રોબિન ઉથપ્પાએ ધ લલ્લનટોપને કહ્યું કે તે ટીમનો માહોલ ઘણો ખરાબ હતો. ક્રિકેટની સૌથી રસપ્રદ બાબત એ છે કે, જુદા-જુદા રાજ્યો, સંસ્કૃતિ અને ઘરોના 15-20 લોકો એક જ લક્ષ્ય માટે રમી રહ્યા છે અને તે છે ભારત માટે રમવું.

ઉથપ્પાઅ કહ્યું કે તેમાં એક જાદુ છે. જ્યારે તમે તેને યોગ્ય કરી લો છો, ત્યારે ક્રિકેટ રમવાની મજા જ કંઈક અલગ હોય છે. અમે 2007ના ટી 20 વર્લ્ડ કપમાં એકબીજાની સફળતાનો આનંદ માણ્યો. અમે એક યુનિટ તરીકે રમ્યા હતા. જો હું આઉટ થઈ જાઉં તો પણ હું ઈચ્છીશ કે તમે (આગામી બેટ્સમેન) રન બનાવે. જાઓ અને અમારા માટે મેચ જીતો. કોણ રન બનાવી રહ્યું છે કે કોણ વિકેટ લઈ રહ્યું છે તેનાથી કોઈ ફરક પડતો નથી.

ગ્રેગ ચેપલ ઓસ્ટ્રેલિયન સંસ્કૃતિ લાદવા માંગતા હતા

રોબિન ઉથપ્પાએ સમજાવ્યું કે કેવી રીતે ગ્રેગ ચેપલ ભારતીય ડ્રેસિંગ રૂમમાં ઓસ્ટ્રેલિયન ક્રિકેટ સંસ્કૃતિને લાગુ કરવા માગતા હતા અને વરિષ્ઠ ખેલાડીઓના પ્રતિકારનો સામનો કરવો પડ્યો હતો. રોબિન ઉથપ્પાએ કહ્યું કે ગ્રેગ ચેપલ એક યુવા ખેલાડી તરીકે મારા માટે તે ખૂબ જ સારા હતા. હું ત્યારે જ ટીમમાં આવ્યો હતો. હું યુવા હતો અને તે યુવાનોનું સમર્થન કરતા હતા. 20 વર્ષની ઉંમરે મારું સપનું હતું કે હું ભારત તરફથી રમું, ભારત માટે જીતવું હતું.

ઉથપ્પાએ કહ્યું કે મને આશા હતી કે હું ભારત માટે વર્લ્ડ કપ જીતીશ. જ્યારે તમને દેશ માટે રમવાની તક મળે છે, ત્યારે તમને બોસ જેવું લાગે છે કે તમારે બીજું કશું જોઈતું નથી. હું મારી ટીમ માટે બધું જ આપીશ. હું એ માનસિકતા સાથે રમ્યો.

રોબિન ઉથપ્પાએ કહ્યું કે ગ્રેગ ચેપલ એક એજન્ડા ચલાવી રહ્યા હતા. તે ઓસ્ટ્રેલિયાની માનસિકતા સાથે કોચિંગ આપી રહ્યા હતા. મને નથી લાગતું કે તેમણે ક્યારેય ભારતીય સંસ્કૃતિને માન આપ્યું હોય. તેમણે આવીને ઓસ્ટ્રેલિયન કલ્ચર લાવવાનો પ્રયાસ કર્યો. રોબિન ઉથપ્પાએ એવો પણ ખુલાસો કર્યો હતો કે ગ્રેગ ચેપલના ફિટનેસ પરના ભારને કારણે ભારતીય ડ્રેસિંગરુમમાં કેટલાક લોકોની લાગણી દુભાઈ હતી.

માત્ર કર્ણાટકના છોકરાઓમાં જ ફિટનેસ કલ્ચર હતું

ઉથપ્પાએ કહ્યું કે તે સમયે ભારતીય ક્રિકેટની સંસ્કૃતિમાં ફિટનેસ એટલી મહત્ત્વની ન હતી. તાલીમ મહત્ત્વની ન હતી. તે સમયે અમારી ફિલ્ડિંગ સારી ન હતી પરંતુ અમારી વ્યક્તિગત કુશળતા અવિશ્વસનીય હતી. ફિટનેસ કલ્ચર માત્ર અનિલ કુંબલે, રાહુલ દ્રવિડ, જવાગલ શ્રીનાથ, કર્ણાટકના છોકરાઓમાં જ હતું કારણ કે તેમને તે અનુભવ મળ્યો હતો.

આ પણ વાંચો - ચેમ્પિયન્સ ટ્રોફી માટે આ તારીખે થશે ભારતીય ટીમની જાહેરાત? જાણો સંભવિત પ્લેઇંગ ઇલેવન

રોબિન ઉથપ્પાએ કહ્યું કે તે સમયે જિમ કલ્ચર પણ ન હતું. નેશનલ ક્રિકેટ એકેડેમી (એનસીએ) ખાતે હું શંકર બાસુનો ગિનીપિગ હતો. તેઓએ મારા પર તમામ પ્રકારના પ્રયોગો કર્યા. પાવરલિફ્ટિંગની શરૂઆત મારી સાથે થઈ. તે ગ્રેગ ચેપલના ગાળા દરમિયાન હતું જ્યારે સ્ટ્રેંથ ટ્રેનિંગ શરૂ કરવામાં આવી હતી. તે ઓસ્ટ્રેલિયામાં પહેલેથી જ અસ્તિત્વમાં હતું. ગ્રેગ ચેપલે ભારતમાં તેનો અભાવ જોયો. તંદુરસ્તી એ જીવન જીવવાની રીત ન હતી. તે પરિવર્તન લાવવાના પ્રયાસ કરી રહ્યા હતા.

ચેપલનો દાદા, પાજી, વીરુ ભાઈએ કર્યો હતો વિરોધ

ઉથપ્પાએ કહ્યું કે તે સમયે તેમને સીનિયર્સ સામે પ્રતિરોધનો સામનો કરવો પડ્યો હતો. દાદા (સૌરવ ગાંગુલી) ત્યાં હતા, પાજી (સચિન તેંડુલકર) હતા, લક્ષ્મી (વીવીએસ લક્ષ્મણ) ભાઈ, વીરુ (વિરેન્દ્ર સેહવાગ) અને જેક (ઝહીર ખાન)ભાઈ હતા. તે બધા સ્થાયી ખેલાડીઓ હતા. તેઓ એ હકીકતથી ટેવાયેલા ન હતા કે કોઈ અહીં આવે છે અને અમને જે આદર બતાવવામાં આવે છે તે આપ્યા વિના આપણા પર વસ્તુઓ લાદવામાં આવે. ગ્રેગ ચેપલની એક ખરાબ ટેવ એ હતી કે જ્યારે વસ્તુઓ તેમની યોજના પ્રમાણે ન થાય ત્યારે તે માહિતી લીક કરી દેતા હતા. ખેલાડીઓને આ વાત પસંદ આવી ન હતી. તે ડ્રેસિંગ રૂમની માહિતી લીક કરતા હતા.